نَافِذه !

[سعيد الموسى]

إيه - أحب العطر
وأكثر :
إني اعشق هالورود
إيه - أحب الشعر
وأكثر :
إني " كافر بالحدود "
ياحبيبة " أصبعي "
ماوصلتي لـ اضلعي !
ياصديقة - فكرتي !
ماهو يعني " دمعتي "
-
طمنّي المعنى - بعد
لاافترقنا - وابتعَد !
كنت أقدّم له : حياه
ليه مايخجل : حيَاه ؟
-
أصعب اللي مانقوله :
كم دواخلنا - خجوله !
شايفه هالسطر : طوله
كيف نركض - مانطوله !
-
هاتي الأشياء : أعظم
هاتي الأشياء : أكرم
هاتي معنى " فيه ورده "
مابي معنى " طاف نردَه "
خمسه - وخمسه
- ل خمس
ليل مُظلِم - فيه شمس !
أشطبي خمسة عشر
واوقفي : بالسابعه
هالسماء - الشاسعه
حلّقي فيها - كثير
وأنتِ أجمل من يطير !
وإن هوَت بك ريح -
طحتي
هذي إيدي - لو فطنتي !
قادر أصنع أرض : قطن !
دون خوف ودون حزن !
ألمسي كفّي - وشوفي !
هالثلاث خطوط -
طوفي
خطّ : شاسع
خطّ : لامع
خطّ : ثالث - بس سابع !
كيف ماتحمل جناحك ؟
كيف ماتروي جفافك ؟
ليه هذا الكفّ : عَفّ !
وأنتِ أثقلتيه : خَفّ !
-
وين ودّك ؟ صار حدّك !
فوق صدرك - أو بخدّك !
تحت عينك - او جبينك !
-
" جنبيني هالذكاء "
هاللي داخل هالوعاء
من هو صانع هالوعاء ؟
واللي صبّك فيه: ماء !