سكّة ( الريل) ..!!

[محمد السالم]

المشاركة الأصلية كتبت بواسطة نواف التركي

.



.



.



.

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
السالفه ماهي بفزعة مشاعيب = عشان نعرف من تردّى ومن طاب

ولاهي بحب خشوم ومزارقة طيب = ولاهي بطلبه عند عكفان الأشناب

أمرٍ قضاه الله في ليل والغيب = لو نعلمه ما كان نسعى لـ الأسباب

لا يلحقك شكّه ولا يلحقك ريب = ماني ورى عثرات الأجواد طلاّب

لا ضقت من حاجه نصيت المراقيب = وحشّمت نفسي عن ملاغاة الأقراب

مابي علّي الناس تمسك مقاضيب = ولا بي عليّ من البشر ينفتح باب

والهقوه اللي عقبها يقنب الذيب = ماهي بجوع ولا بها نبرة عتاب

ماغير هزّه شوقه يجيب ويجيب = وأنت الله اللي معتقك كل ماجاب

طابت علومك ما يقرّب لك العيب = وأنا عن أذنك بـ أحرف الهرج لـ ذياب

ياذياب مرّ الريل في سكّة الشيب = لا دق نجر ولا حظينا بترحاب

ضيوف جينا وأنكرونا المعازيب = أقراب فالسهله وفالصعبه أغراب

يا ذياب يمكن مخطي ويمكن مصيب = مدري ولكن كن ماحولي أصحاب

( الذيب لا منّه عوى جاوبه ذيب ) = وإلا الغراب إليا نعق جاوب غراب

لكن ترا ياذياب ما من مواجيب = من يوم شفت الحمّره تفرس بناب

نويت والنيّه على وجهي أغيب = وإليا نشدوا عني فقل خاطره طاب [/POEM]





ـ الشطر بين القوسين للشاعر (ذياب العسكر) .


إحترامي للجميع

كثيرة النصوص التي تمر علينا في اليوم او نمر عليها

ولا يكون لها ذلك الوقع الذي يفقدنا عجلة قيادة التوجه حيث تكمن

وقليل هم من يكتبون الشعر بهذا المسمى الشعر

وقليل هم من يرمون بجذوة الدهشة في عيوننا


ولكن

عند نواف التركي تتبدد كل تلك المفاهيم ونجد كل القليل كثير


نواف مهما اضنيت اناملي بالحرث في متصفحك فلن تستخرج اي من تلك الدرر الكامنة ورى نصوصك

ولكن عزائي الوحيد اني وجدت نفسي في متصفحك الذي يدوزن ذايقتنا المثخنة بالغث


فلك كل الشكر على هذا الكرم

اخوك

محمد