[ عـيــون الحب ]

[عبدالعزيز المطلق]

( انا ) .. مليت من كثر القصيد وزحمة الإشواق ..
................... بعد شفت الحروف التايهه مافرغت شوقي


كتبت من التعب كل الغلا واحتارت الإوراق ..
................... بدمِ من وريد القلب خطيته من عروقي


على شانك تزين أخلاق .. من شانك تشين أخلاق ..
................... وذوقي طابق الذوقك وذوقك طابق الذوقي


الا يانسمة الصبح الجميل .. وخاطر العشاق ..
................... أحسك مأنت الا نصفي الثاني ومعلوقي


اذا ما جيت لك مغرم .. واذا ما جيت لك مشتاق ..
................... ترى مالي عليك حقوق لو ضاعت بك حقوقي ؟؟


يضيق الكون لا رحتي .. واذا جيتي دفا وعناق ..
................... اضمك ضمة البردان ونجوم السماء فوقي


تحديت الرياح العاتيه .. والبرد .. والبراق ..
................... وجيتك ليلةِ ظلمى عشان اداوي فتوقي


تظليني بظل الرمش عن شمس النهار عتاق ..
................... وتكويني بنار الهجر لين يبيح منطوقي


على ميدان حبك بيني وبين الصدوق سباق ..
................... وطوف صدوف وقتي والظروف اللي تنبني عوقي


الا ياضحكة الفرحه ... !! ولا يادمعة الآحداق . ..!!
................... متى اطير بسماء حبك وتطلق باقي سبوقي ؟؟


عطيتك صادق الحب ... عطيتك صافي الآشواق ..
................... بعد ماهلت دموعي عليك وصحت من شوقي .. !!








.