[ زوج ٌ لايعرف ُ مسؤولا ً ! ]

[سميراميس]

للمرة الثانية أنا ما أنزّه هالمزرعة من المحاباة و الفساد حالها حال نظيراتها من المزارع بهذا الوطن ، مع أن التربية و التعليم أكثر وزارة تطينّها بشغل " المسافيط " و شغل ماتحت الطاولة ..
المفاضلة جاءت لكي تحد من هالمحاباة و المحاصصة و مع ذلك شف شرط إثبات السكن مثلاً ، عندك عالم مشفوحة على الوظايف ايش سووت ؟ راحوا اثبتوا إقامتهم بقرية أو هجرة خارج الرياض أو أي منطقة ينتمون لها ، الحين لما طلعت حركة النقل الخارجي أشوف العالم يتبكبكون و فوق ذا و ذاك سموا نفسهم " المغتربين و المغتربات " طيب يا مغترب أنت و المغتربة وينكم عن هالغربة لما رضيتوا على إثبات السكت و وقعتوا على خارطة الطريق ؟! ليش لما صدر أمر الملك بتثبيت اللي على البنود ثارت ثائرة هؤلاء و راحوا جماعات زمرا تجمهروا قدام بوابة التربية و التعليم بسبب لا لتثبيت اللي على العقود حنا أولى بيد أننا نعاني من غربة و مشقة طريق و مش عارفة ايش ، طيب اثبات السكن هدفه الحد من الحوادث ، مع ذلك تحايلتوا و بكل قوة وجه جايين يتشكون و يقطعون رزق حقين العقود ! بجد حاجة غريبة نعاني منها بديرتنا ، إذا قدرت تزور زوّر و ماعليك محد بيلاحظك بس إذا ما قدرت تزوّر و اتضربت على دماغك اجلس ابكي و ولول و غني على مواويل القانون و التعميم و الـ يجوز و الـ مايجوز !
اللي ما يطلع له واسطة ، رشوة ، و لا يعرف أحد بيجلس يكتب عن الصح و الخطأ ، زينا الحين ^_^ ، يعني بالله عليك يا العويمر لو جاء زوجتك رقم وظيفي حالاً حالاً من أحد المعارف بتكتب كذا عن هالمزرعة :d ?
قايلتوه أنا من زمان حنا بمزرعة كبيرة كبييييرة إذا قدرت تزور أو تسرق اعمل اللي تبيه، بس إذا ماقدرت ولول و انقد اللي قدروا أن ماعندهم ضمير ، و ذا الشيء أشوفه حتى بنفسي بما أني منتمية لهذه البقعة الكريمة الشريفة ..
بخصوص المفاضلة ، ما أشوف أنها كويسة مثلا أنهم مثلا يراعون أقدمية التخرج على اللي معدلاتهم كويسة ، إحقاقا للعدل يراعون المعدل بعد ذلك الأقدمية و الخبرات و حسب ظني هذا المعمول به الآن كما يدعوّن ...