تعال واكتب حالتك/لحظتك شعراً ..!

[عبدالله الجودي]

.
.




تعال لحن من ضلوعي موآويل
وردد لـ ابو نوره قصيد الأمآكن





يمكن يجاوبك القمر تآلي الليل
ويقول انك داخل القلب ساكن




.
.

 

[نيرفانا]

والحب لعبة حظ بين العشاشيق
إما نحته نحـت .. ولا محيته

 

[عبدالله الجودي]

.
.




كبير يا الليل ومحبينك كبار
يشرّفك من يسهرك وتشرّفه




أنا صديق الليل وأطراف النهار
لا سألك الصبح عني صرّفه




.
.

 

[نورة القحطاني]

ترى كل الدروب تهاب
من لحظة
بكاء وفراق
تعاني
لحظة الذكرى
من العبرات تكويها ...

 

[عبدالله الجودي]

.
.




محبوبي إن شفتني واقف على بابك
سولف و ساير حنيني قد ما تقدر




أسألني شلونك و لا تسأل .. شجابك
الشوق مثل الهوى ما للهوى مصدر




.
.

 

[نورة القحطاني]

ايه يمكن ...!ترحل الساعات فينا
ونرتحل منها وتبقى
ساكنة قلب يبينا !

 

[عبدالله الجودي]

.
.




تغيروا يا أشباه
الاصحاب عادي
حتى أنا أصلاً
مزاجي تغيّر
أهم حاجه
لا تصيرون أعدائي
ما أحب أشوف
اللي أحبه صغيّر




.
.

 

[عبدالله الجودي]

.
.




قلوبنا بيضاء .. لو ايامنا سود
دايم نسامح ناس ما سامحتنا




.
.