[ صَمْت ٌ صَاخِبْ ]

[سالم الراشدي]

[poem=font="simplified arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]كثْر الكِثير اللّي عَجَز ياصَل مدَاه انْسَان ، أَنَا والله مِشْتَاقَه كثِيْر = وكثْر الصّدِقْ فِي كلْمَة [ أَحبّك ] ، وكثْر الحِزْن فِي عِيْنِي وهِيْ مَارَدّتَه

كَنِّي فـ..بُعْده حَفْنَة آمَالٍ تعِيْش أيَّامَها فِي عِيْن رَجَّالٍ ضرِيْر = عكَّازتَه فِيْها تجَاعِيد الزّمَان أوْشَام تِتْعِب فـ..الخَطَاوِي مَدّتَه ![/poem]

 

[سالم الراشدي]

يعني تبي ترحل .. مصمّم .. وشدّيت ؟!
....................... طيّب .. تعال وشوف جرحك وداويه .
على الأقلّ ان ماوحشتك .. وحنيييييت
....................... مايِتعب اللي في غيابك .. يصاليه !

 

[سالم الراشدي]

أكذب عليك ان قلت : مانيب مشتاق
....................... وأكذب على نفسي ليا قلت : ناسي

فيني ضجيج أشواق ٍ يولّد أشواق
....................... وفيني مزيج احزان ٍ.. اتعب نعاسي

لا الفرْح في غيبة عيونك علي لاق
....................... ولاهو بــ.. منسيني ، كثير التناسي

وأصدق حزن نوّخ على ناظري | ساق
....................... أكذب فرح |.... لبْسَته ماهي قياسي !

 

[سالم الراشدي]

ياللـي فقلبـي منْـك قـد صـارت عْـلـوم
..................... لاتـتـعـبـيــن الـــلـــي فـفـتـنَـتْــك عـــايــــم
قد جاه شهر الصّوم ، وبودّه يصوم
..................... لاتجيـن فـي بالـه ، ولــو كــان هـايـم
صايـم .. ولامنّـه نطـق اسمـك اليـوم
..................... لـه طعـم ٍ يفطّـر لـه انسـان صـايـم !

 

[سالم الراشدي]

جِيتكْ أحِيك التّعَب [ طَرقَه ] عَلَى بَابكْ !
ــــــــــــــــــــــ متزَوّدٍ بـَ الحزِنْ ، .. والحِزْن / .. متزّوِد


لاتْقُول لي عُقْب هَذا العُمْر : وشْ جَابَك ؟
ــــــــــــــــــــــ شفْنِي نَخيْت الكَرَامَه لـَ اجْل .. ما اعَوّد ..


وانْ كَان قَصدكْ :- أنَا متعَوِّد [ غْيابك ] ؟
ــــــــــــــــــــــ مافِيه أحَد عَ التّعَب ، وانْ طَال ، يتْعَوّد ..

 

[سالم الراشدي]

انسان .. كان يحب .. وافي ، وبعدين
. . . . . . . . قدام عينه .. ماتت أحلى .. سنينه ..

ماعاد يغريه الوصل .. لو تعودين ..
. . . . . . . . جاروا عليه [ الانتظار ، وحنينه ] !

يمر ليله بين يمكن .. تحنّين .. ؟
. . . . . . . . وبين الصباح .. اللي يزعزع يقينه

من كثر مايهواك .. عادي تشوفين :
. . . . . . . . يترك قصيده ، بسس ماتتركينه ..

من التعب : صمته كلام ودواوين ..
. . . . . . . . ومن الوله .. : شوفي ظمآ ناظرينه

كنتي تحبّي .. جد .. ولا تسلّين .. ؟
. . . . . . . . ماهو سلى .. قلب الوفا تجرحينه !

 

[سالم الراشدي]

القلم : صمت شاعر
ماهو بـْ صمت المشاعر !
والشعر / عالم غريب
فيه صمتي كم يعبّر عنه قولي
فيه .. كم يزهر ذبولي
فيه جيت افرح .. لقيت ان الحزن أعذب وأقرب ياهطولي
فيه جيت أحزن .. وطاحت دمعةٍ فيني قديمة
واختزلت الذكريات
والغريبه .. صفّقوا لي

الشعر ذا / فصل خامس
تزهر الكلمات فيه ، يوم اتساقط ألم

فيه ليه .. وفيه انا ماعرف ليه
فيه ملجأ .. فيه تيه
ورغم هذا بيننا قصة وفا
كل ليله .. يا يجيني .. يا أجيه !

 

[سالم الراشدي]

صباح امّي ليا قالت : صباح الخير
صباح احساسها ، وانفاسها العطره

صباحٍ من كثر ماهو سعيد / وغير
أقول الله يعجل صبحنا [ بكره ] !