((... % شــــــقــــــــة جـــيـــب %...))..!!

[نهار بن ممدوح]

هناك ظاهره يعاني منها كل شاعر..
وهي عندما يأتي لك شخص ما..
ويطلب منك قصيدة في مد ح فلان من الناس
بغض النظر هل يستحق المدح ام لا..!!
فكانت هذه القصيدة
موجهه للشاعر / عيد بن راجي الغضوري

[poem=font="traditional arabic,7,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر ديوان العرب عبر الازمان=وياعيد اعرفك تعطي الشعر حقه
شاعر ولك في ساحة الشعر ميدان=تاخذ اسمانه واتعذّر لدقه
وانا بعد في عالم الشعر لي شان=لي فيه من بين الشواعير حقه
والشعر بحرٍ فيه لولو ومرجان=ويحتاج من عنده درايه ودقه
واليوم اشوفه سلعة ٍ مالها اثمان=ناس بعد وقت المعزه تعقه
تكتب على كل القوافي والاوزان=وكل ٍ على ليلاه طبله يطقه
الوضع مايرضي رفاقه وعدوان= وصوت الضمير الحي ينده بوقه
عن كل مايخدش مقامه وينهان=تراه زرع ٍ باعذب الفكر سقه
لو (السديري) عايش ٍ عصرنا الآن=ويشوف حاله كان جيبه يشقه
وحنا طلعنابه على راس مابان=نكرم جنابه لايجي فيه دقه
ولايبي من يرخصه سر واعلان=ووجه الشعر عن نازل القول رقه
مافيه داعي نخرجه دون ميزان=وله قيمةٍ عند العرب مستحقه
نكتب لعين فلان ولخاطر فلان=ولاحصل غير التعب والمشقه
بس النتيجه صاحب الزرع خسران=مثل الذي يدفق صميله برقه
ودك إليا قلته من شعور ولسان=مايطلع إلا بواحد ٍ يستحقه

[/poem]

شعر/نهار بن ممدوح