بستان روح

[رنين الذهب]

[poem=font=",6,purple,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مع السلامه ياثرى جرحي الحيّ = ماعاد لي من باقي ارضك مساحه

خلاص طببت النواظر من الميّ =واسكت طفل (ن)في ضلوعي صياحه

كنه بجنحان الرضا يخفق شويّ =داويت حزنه ياسبايب جراحه

ماعاد يشكي من همومه ولاشيّ =على ضفاف الحبر يكثر مزاحه

ولاعاده الطفل الذي ينتظر بَيّ =يدفيه عن برد الشمال بوشاحه

تكرمي ياطلة الشمس بالضيّ =بستان روح العاشقه حل راحه

هذا الخفوق اللي تنامى عن الغي ّ=هارب من الماضي ويذكر رماحه

كانت زمان احروفنا تشكي الفي ّ=واليوم صار الحرف مغري نجاحه

اورق غصن وانبت شجر فاقد (ن)ريّ =ماعادت اوراق الخريف ورياحه

رح بالسلامه ياثرى جرحي الحيّ =ماعاد لي في داخل ارضك مساحه[/poem]