سيمفونِيّة مَطَرْ

[سعيد الموسى]

كل ماعندي كتبته
مابقى غير
الشِعر !
مـ أسهله
نطق الكلام !
مـ اصعبه
صوت المطر !
أحمل بكفّي
غمام !
يرتعد منه الحمام !
يبرق النور
وظلام !
صعب ترقى أسفله !
حرفي بوجهه
لثـــام !
ينتخي في كلمته !

 

[سعيد الموسى]

أحمِل بإيدي علم !
بسّ محتاج لوطن !
*
*
يازمن
وين الزمن ! ؟
ياورق
ليش الغرق ؟
مغترب شطري
وسطري !
مندمي حبري
وعذري !
*
*
أحمل بإيدي علم !
بغرسه
عطني قلم !
*
*
عطني الزيتون والما !
ماأبي هالعمر
يضمى !
*
*
ياوطن ماسك علم !
إنت وينك ؟
ماأشوفك !
ياوطن
والله أحبّك !
أقسم بربي
وربّك !
شوفني أحمل علَم
طاح
من أعلى القمم !
قلت أشيله !
إيه أشيله !
وأحمله لأعلى جبيني !
مادريت إن الوطن !
طفل ٍ
أضناه الصبر !
طفله
تعاشر فقر !
شاب يبحث عن وظيفه !
أو
فتاة ٍ عانسه !
أو
وظيفه يائسه !
أو
عجوز ٍ عالرصيف !
تندب أوراق
الخريف !
.
ياوطن
.. وينك تعال !
قوم إصحى !
حسّ وأغفى !
هالبشر تنطر يدك !
تنطر أحضانك
وضمّك !
وإنت نايم فالعسل !
ياوطن عندي طلب :
ممكن أحضانك : دقيقه ؟
ياني أحتاج لصدر !
ممتلي حب
وطهر !
بعدها بوعد طموحي !
أغرسك
في صدر حبره !

 

[سعيد الموسى]

في عينها
... شمس تتأسف !
خجلانة النور
والطلّه !
في عينها ..
طفل متشيطن !
متربي ٍ عالدلع
والطيش !
في عينها آه فرحانه !
معزوفة النطق
مجزوءه !
في عينها فارس وحارس !
وأربع أميرات
من لولو !
في عينها .. قلعه وتلعه !
وأربع بحيرات
في لوحه !
في عينها ... طفلة ٍ تلعب !
وتقول :
ياغيم لاعبني ؟ !
في عينها كل مالا قيل !
أو قيل داخل سطر
مائي !
في عينها مملكه من ناس !
والفين حاجب
وكم وسواس !
*
*
سبحان ربي
إله الكون !
هالبنت في عينها
قانون !
ماتعزفه
تربك إحساسك !
يعني إذا جيت توصفها ...
قِل [ نون ]
ملئى كثير عيون !

 

[سعيد الموسى]

 

[سعيد الموسى]

كانت الساعه : عشر
قالت : الموعد متى ! ؟
قلت : لا فاض
النهر
وإنسدل ليل
العنا !
قالت : الموعد متى !
مانشدتك بالشِعر !
إبتسمت وقلت : أمس !
والفجر
... بيديه شمس !
قالت : الموعد متى ؟
إرحم أشواقي
كفى !
قلت : ياريم النســا !
الوعد طار
وغدا !
*
*
إسكتت لحظه !
بكت !
قالت : إحساسي صدق !
كان لغز !
وفيه رمز !
كيف أبلقى بعض راحه !
وإنت ياقاسي .. نسيت !
.
ثارت أصوات القمر !
قلت : ياريم النسا
ماذخرتك للرصيـــف !
أعشق الورد
العفيف !
ردت بدمعه وقالت !
كل أبوكم
تكذبون !
*
*
مشكلتها إن يدها
ترفض إبهامي
وعطري !
.
.
أغلقت صوت
الندا ...
ثم قالت
: وإسرفت !
إنت ما كنّك بشر !
إنت ياهذا : حجر !
*
*
قلت في نفسي
قست !
وإستحيت إني أرد !
مافهمت مني سوا

ملبس الثوب الشفيف !
والله إني شخص آخر !
ملبسه ثوب ٍ نظيف !
ماأفتخر باأردى صفاته !
وإفتخر
إنه شريف !

 

[سعيد الموسى]

أحب من النسا !
أمي !
وأنثى راحت لغيري !
مثل ماأحب عفتها !
طهارتها !
وحشمتها !
أحب إن مرّ طاريها !
أقول الله يسترها !
وإحب إن سولفوا فيها ...
أتمتم بيني وبيني !
وأقول / الله يكرمها !
.
.
أحس إن الحكي عنها
يجيب العيبه
لمثلي !
وبنت الناس مستوره !
على ذمة
رجل آخر !
وربي أحسده
... لكن !
عساه يقدّر
النعمه !
وأنا لو مرّ طاريها ...
أفضّل
أترك المجلس !
لجل ماتسقط الدمعه !
وتصبح شيمتي
قِصّه !

 

[سعيد الموسى]

يمرّ الليل في عينك
مثل طفل ٍ
رمى ثوبه !
ـــ غفى
في آخر المجلس
وهو
متوسّد كتابه !
صحّى وأمه
تبوس إيده !
وهو في حضنها
نايم !
.
.

 

[سعيد الموسى]

ثرثار صمتي
وبه أوتار !
.
.
ينطق من إيديني
ويصدح !
.
.
ياصاحبي والحكي مقدار !
إكرم يديني
ولاتجرح !
.
.
البارح الصوت ناداني !
والصبح غافي
على إبهامي !
رديت له : ربكة ألحاني !
قال : المطر يامطر
ضامي !