(( دُرُوبــِي دَار ))

[عبدالعزيز رشيد]

إليك رحل حرفي
وإليك يرحل نبضي لـ يجيبك

كفاني ياعذاباتي تركت الدار
__________رحلت ابغى اكون العاشق الساري
سكتنا عن هوانا والهوى ثرثار
__________الا وش حيلة اللي ساكت وداري؟
بدينا وانتهينا ومانتهى المشوار
_____________يداريني يبيني اشعل اعذاري
دروبي يادروبي بانثر الأزهار
__________زهور اسمى اماكن صارت ازهاري
وفي دربي حمام البين ناح وطار
___________وانا لحالي يرفرف للهوى طاري!
غريبه كنت انا لحالي وِشِ اللي صار
____________حنين الدار مرسوله من دياري
تتابعني وهيجنتي خُطا وآثار
_____________وتقرا فـ كلّ خطوه كلمة آثاري
تشخبط بالثرى همس وكلام امطار
___________تذكّرني وجوابي صمتي الذاري
يلوح البرق وينادي عيوني دار
________________وبرقٍ يتبعه حيّاك ياجاري
كأن البرق عين دموعها مدرار
___________بها جفن الظلام بـ حزنه الضاري
وانا من وين اودّي الروح ياستّار
__________وهي ويّا الهوى برد وجسد عاري
لفت روحي ورى الظلما ديار ونار
_______________اثاريها دياري واجلبت ناري
أثاري الناس في دربي كما الأشجار
___________تساقط حكيهم مخفي ومتواري
حطبت الناس بالنسيان والانكار
____________تعب لو هالتساقط يلفت انظاري
جلست بـ عزلتي أبني بها أسوار
________رسى كتفي عليه وطاحت اشعاري
على بعد المسافه ضمنا مضمار
___________وعلى رسل النهايه ذاب مشواري






لـ أرواحكم ألف تحيّة ودّ
ولـ من أتى اليه حرفي متجددا رغما عنّي