شبــَّاك الوجــــــــــــــــع

[عبدالعزيز العميري]

والتفت
ومالقيت إلا السراب !!

 

[عبدالعزيز العميري]

من كثر ما انا حزين
صدقيني
صرت خايف
ان هذا الحزن يذبل !!

 

[عبدالعزيز العميري]

يامشاهدنا الحزينه

في المسا بنتٍ تخون

وفي الظهر بنتٍ تخون

وفي العصر بنتٍ تخون

وفي مسيرة شاعرك

مروا كثير

وماذكر إلا الطعون

يافنادقنا الحزينه

يعني صحَّ

البارحه كانت تخون؟؟!

 

[عبدالعزيز العميري]

ليه تركتي كل سنابل عمرنا للريح ؟؟

 

[عبدالعزيز العميري]

من لوَّحت شمسه بكفـِّين الودااااع؟؟

 

[عبدالعزيز العميري]

هذا المشهد خارج حدود الذاكرة : استفزتني هذه الصورة التي التقطها المصور أحمد الطوقي ..



تجاعيدك / حدود الريح
ومصباحك ذبل ويـْطيح
تعال وشوف للآخر
تشوف ان المدى فاضي
امانه بس َّ لا تحزن
إذا صار الزمن قاضي
وخيط العمْـر لك ماضي
ولو طاحت عصاك بْـيوم
توكـَّـل روح للتربه
ونام بْـصمت
عصاك تـْشير للماضي !!

/
/
/
/
/

 

[عبدالعزيز العميري]

إلى المشهد .. الموعد .. الكراسي الخاوية ( أنا مدين ٍ لحلمي وحزني فقط )





ياحلم
غنيت لك
( والموعد المهجور
ماينبت الورد)
والطريق اللي خذاك بْعيد صاح
طفي المصباح
ولوّح بْيدك / وداااع
الكراسي
خاليه من كلَّ شي
إلا الجراح !!

ياربيع أحلامنا
ياللي كسيت الارض تحت اقدامنا
ما ظلَّ موعدنا سواك
أمس غنينا معاك
وْمن رحلنا
الزمن ضيَّع أملنا
وانتهينا
للخريف
ياقدرنا
الشجر / وجه الخريف
والورق دمعه
ويحْضنها الرصيف !!!
يامكاني / يامكان اثنين مروا
من زمان
وين راحوا ؟؟؟
وما سألت

مانبت في داخلك قلب وْحناجر
__________ انت باقي وْموعد الاحباب فاني
جيت اودَّع فيك أحلامي واهاجر
__________ يامكاني ...ما بقالي بك أمــاني
لك اغاني الريح واصْـوات الخناجر
________ ولي جراح الفقـْد واحْـزان المواني


/
/
/
/
/

 

[عبدالعزيز العميري]

( كل شي مليان حزن )