أيُّ حُزْنٍ .... ؟!

[أحمد الحربي]

صغار ونعتقد أن المفارق / يالوطن غربة

............... ندوّر عن وطن أسمه ( جنون / وضحكة بنيّه )

مدام الطير يتردى جناحة لا ترك / ..سربة

................ ومدامه ماخذا ( قلبه ) من العالم سوى هيّه

أمانه اعتقه / .. خله / أمانه توب من ذنبه

................ امانه اتركه يرحل مدامه ما نوى ../... الجيّة

وطن لا تلمسه خله /.. وطن لا تحتضن قلبه

............... وربي تحترق كلك لو انك تلمسه ../ .. شويّه

خوي (ن)ما نسى معنى الصداقه لو حضر حبه

............. حبيب (ن) ما نسى ذكر الحبايب لو حضر خيّه

كريم ٍ ما يجي منه سوى ( حاضر او أبشربه )

............ عطوف ٍ من كثر ماهو عطوف /.. احسبه !! ليّه

شجاع ٍ (ن)ناسي ٍ نفسه مدامه ذاكر ٍ ربه

............. صدوق ومن كثر ماهو ../ صدوق ٍ احسبه نيّه

يقولون الوطن تربة ويقول : ان الهوى تربه

........... يقولون : الوطن أنت / ويقول : إن الوطن هيّه

مدامه ناسي ٍانك بلاده .. / .. يالوطن صعبه

............ مدامه ناسي ٍ انك ... ( بلاده ) ... بحضرة بنيّه

بسولف يا وطن عنها وهي اكبر من النسبة

............ ما هي .. 90 او .. 10 تجي .. مليون % 100

تصوّر يا وطن إنك ( تضيق ) وتخنقك كربة

.......... تجي مثل ( الفرج ) تمشي توسع ضيقة ٍ حيّه

تشوف الثلج مع نار الشفايف بينهم صحبة

........... وتشوف العيد وهلاله ( عيون ) بسحر عيديّه

جفول ٍ ناعسه جهرا عذوب ٍ او ترى عذبة

........... غزال بصورة انسانه / .. ملاك بوجه حوريّه

حديقة معشبه وأرض ٍ قليل ان قلت ذي خصبة

........ ملامح جدول / وقارب /وكوخ/ .. وارض ريفيّه

وطن لا تعتقد أن .../ ... السوالف عنها كذبه

........ وربي إنها .. ( كبرك ) أو أكبر منك .. شوية

ثامر الحمدان

 

[أحمد الحربي]

ليله.

في ليله والمطر يسبل...
مطر بلل بحر ليله
ليله من بلل..
والريح مبتله
بها.. حتى الكلام.. ابتل
احس ان الغيوم..
هموم مزن.. طاح
وأحس إن الهموم..
غيوم حزن.. لاح
وأحس إن المطر لو ما يبل قلوبنا
يغسل
شقا الأرواح ..
وأحس الوقت ما يمهل
ولا باقي كثر ما راح ..
وإذا كنتي تحبيني
وتخافين
تعالى نهيم فى دنيا
المطر والغيم ..
ولكنك:
تخافين.. وتخافين.. وتخافين
وعندك شي تخفينه.. !
وأنا أحب المطر
وأنتي تخافينه
ولا أدري وش سبب خوفك ؟
ولا ظني بعد... تدرين!!
تخافين المطر..
لا يبلل ثيابك
تخافين الرعد ..
لا يرعب أحبابك
تخافين أن لمع البرق
ف عيونك ...
بان ما تخفين ..
اب اركض فالمطر .. وابتل
وأذا أرعبك المطر ليله...
أنا أرعبني الجفاف سنين..!!


سعد الحريص

 

[أحمد الحربي]

ستر مايمكنه ....... / ....... كادح يعول من الفقر أرواح


................................. ترك للأخرين من الضّوا ... / .... يالسنبله .... / .... مُــنيا




خرج من ذاكرة إنسى ..... / ..... دخل في ذاكرة ماراح


............................... يحاول في تودد .... / .... لايضيع .... / ...... وتنقلب طريا




حضن كلّه يدينه ...... / ...... والعرق من جلدته فوّاح


............................. تصبب .... / .... في تناغم مستحي ... / .... وإتشكلت رؤيا




ياهذا السِـلم .... / ..... مايسكن حماك إلا ّ كثير أشباح


........................... ( ياهذي ) الأرض ... / ........ ماتـُزرع سهول إلا ّ بعد سقيا




آمات الصمت .. / ... وإسترسل دفن ظلماه بالمصباح


........................... رحل ماكنه مسافر ..... / ..... وصل ... / .... مارتّب اللقيا




يقول الجوع !... ماجعته .. / ...شبعته وإسأل التفاح


.......................... بقى منّه قليله ..... / ...... والكثير .... / .... بجعبة الدنيا




ستر وإلأ سكن ... / .. وإلا بعد ضاعت وراه أرواح


......................... وكـاد ...... / ......... إن الضوا هو الضوا يالسنبله منيا




تركي الحربي

 

[أحمد الحربي]

ثمان سنين لا شاكي ولا حاكي ولا فضّاح
............ ثمان سنين عرّاها مزاحي في شتا جِدي
ثمان سنين لا صابر ولا ساكت ولا مرتاح
............ ثمان سنين عن ستين يا وارث دما جَدّي !
أدّرجها .. وأقول الله يعين اللي شبابه راح
............ مع اني عارفٍ وش تالية ما تزرعه يدّي
أشيل من الهموم جبال ، لو ما شفتني نوّاح
............ أكابر وآتصنّع وآتجاهل ما وقف ضدّي
أنا يا بوي وان زاد الكلام وقلت الأرباح
............ سجنت الروح في سجن الشقا لين انكشف سدّي
نخيت الدمع .. بس الدمع .. ما طاع الضعيف وطاح
............ وانا محتاج أسّيل مع دموعي صرخٍة قدي
تعاتبني ولا تدري يا بوي ان العتب ذبّاح
............ تعاتبني وانا مـ اجيب في أمري ولا أودّي !
ثمان سنين ضاعت من حياتي والسنين أرواح
............ ثمان أرواح ماتت في عيوني واخلفت عدّي !!


شِعْر : عبد الله ناصر العتيبي

 

[أحمد الحربي]

على الحد الذي يفصل نهايات السهر ..
عن اول حدود المنام
قمت اصحي ذكرياتي :
وقت .. وقت ..
وأرض .. أرض ..
وطيف .. طيف ..
قمت اصحي ذكرياتي :
ذكرى .. ذكرى ..
لين وجهك طيّر رقاده وقام ..
قال : من ؟
قلت له : صبحٍ يحبك
قال : احبه
قلت : احبك
يا اطهر من الصبح الابيض ..
يا أرق من الظلام
يا شعور الأرض بالما ..
يا شعوري بالسلام.


عبد الله ناصر العتيبي

* لاَ عَلاَقة لِ الصُوْرَةِ بِالنَصِّ .. فقط اختارتهما الذائقةُ معًا .! أ.ح

 

[أحمد الحربي]

عصفورة الشباك :


يا نيّة الفجر يا عصفورة الشبّاك
الليل .. بيت النهار و دافي اثيابه
0
والحزن قصّص جناحينك و هد اخطاك
الحزن .. دوزن على صوتك و غنّابه

الحزن لو دام .. ما خلّى القبور اهناك
الحزن .. حتي الطفل يبكي على العابه
0
الحزن لو يذبحك مرّة .. رجع و احياك
الحزن .. بشرى فرح للعمر .. بوابه
0
يا كبر روحك .. و ياكبر الحزن ويّاك
قامات حزنك مثل هالروح تتشابه
0
تنسين نفسك و نفسك ما تبي تنساك
طيري عن الحزن و انسي تافه اسبابه
0
قومي مدام السنين تغرد بدنياك
و الباب كان ايتذكّر فيك غيّابه
0
طلّي على الورد و يسلم على يمناك
طلّي على العطر و ايسافر مع احبابه
0
و انا لي ادموع و احساس و عقل و ادراك
ما تكذب ان سولفت … و الناس كذّابه

خالد المسعودي

http://www.movn.net/voices.php?action=show&id=1212

 

[أحمد الحربي]

الدمع هذا سيرة الحزن و الملح
لكن ادموع القلب الدّ و ادهى
0
معنا كلامٍ مثل الاطفال و الصبح
و سوالفٍ كانت قصيد لوحدْها
0
واهمومنا بعد الزعل نبدي الصلح
و قلوبنا كانت حناجر جسدها
0
كان الزمن يا صاحبي و جهه السمح
امٍّ تصلّي لاجل يكبر .. ولدها
0
والحين حتّى الجرح ما املك الجرح
عايش .. ولكن عيشةٍ من بعدها
0
احب و اكره اشرب الذم و المدح
متساوينٍ طيـب الحيـاة و نكدها
0
عنها اتذرّى بالمسـافات و المزح
لو صابني سـهم الحنـين لبلدها
0
و العاشق اللّي بايده الورد و الرمح
يبقى عظيم ان وصّل الورد يدها

خالد المسعودي


http://www.movn.net/voices.php?action=show&id=2658

 

[أحمد الحربي]

أدراج حزني :

ان شاء الله
..
..
..
..
..
..
..
بكرا










يردون الاحباب
______ و امسح دموعن غبّرت من سفرهم
ودّعتهم و الدمع بارد و ينساب
______ ولما وصل لادراج حزني حفرهم
و ان جيت ابخفي عبرتي صرت كذاّب
_______ و انا الذي كنت الصدوق بنظرهم
تشتمني الفرقى و يصفعني الباب
_______ لا جيت وحدي بس اقلّب اصورهم
و اقرا دفاترهم و اسولف للالعاب
_________ لعلي القا خصلتن من شعرهم
هاذي خطاويهم على قلبي اهداب
_______ و هاذي ملابسهم و هاذي اكورهم
يارب ما يبقى بهالارض غيّاب
_______ يارب تدري .. مت و انا انتظرهم


خالد المسعودي

بصوتِهِ :
http://www.movn.net/voices.php?action=show&id=2659