فـُـوق .. يامفــوّق .. !!

[عبدالمجيد العِزّه]

كل المُنى ..
أن ترتقي لتصلكم ..

[POEM="font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]






هاك الوضع بالحال في قالـب مشـوّق=واعذر طويل البال لـو سايـر الدّقـه
مابـه جديـدٍ كـود هـم ٍبـه مطـوّق=من وين ما لقّى/ وينشب لـه بحلقـه
كن المصايب ذوق والعـزم متـذوّق !=صبره يشجعها على العوده الشفقـه !
وكن الحظوظ اليوم في نفسـه تسـوّق=الشوف بالمجان / ولا داعي للصفقـه
لنـه يُعـد انسـان / لا زال يتشـوّق=للفرصه اللي ترد له شئ مـن حقّـه
ولنـه بقايـا حلـم بالصغـر متفـوّق=يحتـاج فـي تجميـع قوّتـه للرقـه
صار الطمـوح يقولْـه فُـوق يامفـوّق=باب العفو مقفول / للمنسحب سرقـه
في غيبتك مشغـول / ذهنـه ومتعـوّق=حتى الهواء الطلق / ماحس في فرقه !
من كثر ماهـو كـان يتظاهـر مـروّق=ماعاد يعرف كذب ترويقه وصدقـه !
منظرْه من كـم يـوم للشامـت متـوّق=لكن عساهـا حاسمـة شـر هالعلقـه
ومادام لاساكت / ولاصايـر مبـوّق *=اعذره يا شوقـه إذا حـس بالحرقـه [/POEM]

* مبوّق/ مثل المُطبل والمُزمر .. الخ

 

[محمد العمرو]

.
.




قد تشاطرت ومازالت تشاطرني ابياتها الأنفاس





من يومها .. وهي من النصوص الفاخره







صح نبضك ياخالي







ودمت بكل خير يابو صقر




اخوك

 

[وليد الفالح]

عبدالمجيد العزه
شاعر يجبرنا على متابعته
مودتي

 

[عبدالمجيد العِزّه]

المشاركة الأصلية كتبت بواسطة محمد العمرو

.
.




قد تشاطرت ومازالت تشاطرني ابياتها الأنفاس





من يومها .. وهي من النصوص الفاخره







صح نبضك ياخالي







ودمت بكل خير يابو صقر
صح قلبك ..




اخوك

الفاخر ذوقك .. ياالعزيز ..
حضور مُحفز ..
ورأي يهمني دوماً ..
صح قلبك ..
ولاعدمتك يابوياسر ..



دمت برقي ..

 

[محمد السالم]

صباح الشعر يا عبدالمجيد


صباحك بهي بهذا النصّ الذي بتأكيد بأن بحره لا يكتبه إلا شاعر متمكن


لك الود والورد

 

[نـــجد]

فـُـوق .. يامفــوّق .. !!
ونص جميل لكل متذوق

عبدالمجيد العزه
صح نبضك الراقي هنا