لملمة شتات !

[سلطان العتيبي]

[poem="font="simplified arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سرقت الليل مني ! كيف مدري !=وعمري كنت اظنه لي لحالي [/poem]

 

[سلطان العتيبي]

احترت بك .. مدري اصبحّك بالخير !
والا.. ازيد الخير .. واصبحه فيك !

لابد ما احدث بالصباحات .. تغيير
تبقى دليل .. ان قلت ما احد ٍ يساويك

بس اهمسي . يسرق من الحانك الطير
يبقى صدى صوته .. يردد معانيك !!

 

[سلطان العتيبي]

ارواح .. روحين ٍ تنازع على روح
الثالثة روحي وضيعت روحي !

الاوله جتني مع الوقت بجروح
والثانيه جتني تضمد جروحي !

 

[سلطان العتيبي]

اذا سألتيني عن اسرار الالهام
بقول ماعرفه .. وتوي عرفته

واذا سألتيني عن اشعاري العام !
اقول تدريبٍ .. بغيرك عسفته

تملكيه وغني بحلو الانغام
لني كتبته فيك وفيك احترفته

 

[سلطان العتيبي]

اذا سألتي ويش فرقك عن الناس ؟
اقول اشوف الناس عندك ولا شي

وان اسألتهم واقعية على اساس !
وانتي على حاجة جليّة مثل ذي

 

[سلطان العتيبي]

أسرار غير اللي يشوفونه الناس
هي اختصار اللي اشوف بعيونك !

أشوفه بمجهر أسميه الإحساس
أفهمك أنا والناس مايفهمونك

أبحر بها والقى بالابحار نوماس
لحظة بعينك تجعل الناس دونك !

 

[سلطان العتيبي]

اخطي عشان اشوف لطف العتب منك
لطف العتب دليل صدق المشاعر !

 

[سلطان العتيبي]

غيريني وغيّري بي كل شي
من براءة عين .. لجنون الهوى

دام عرق القلب بالاشواق حي
ماني الاول ولا آخر من غوا !