" أرض السما "

[جمال الشقصي]

"


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
من ديار اغترابي.. لاغتراب الدار.. يا ساره=سكنت اوسط مسافة حلم بين الذات واقداري


حنيني مرايةٍ تصلب ملامح صوتي بْحاره=نسيت اكسر حديد اصفادها عن بحّة افكاري


كسرت اضلاعي الخصرا حطب لاسنان (منشاره)=مَادام ابيض عروقي معجزه لغواية (العاري)


تلاقيني الشجاع اللي نسى لا يدخل الغاره=شغلني عن فشيق البندق المعطوبه.. أذكاري


إذا أوفى الكلام بمسمعيّ كـْذوب عزّاره=سكوتي: راهبٍ شلته لجثمان الوفا قاري


لدغ باجمل امانينا البسيطه عقرب (اضباره)=نهش باغلى صداقتنا غبا (دارك) و(مدياري)


على هذا: تعالي يا ضنا خالك.. جلناره=تردّ اللي همَد من ضحكتي في نخلة اشعاري


يقولون الحدود (تبلدِن) الانسان بدياره=وانا اقول الحدود أرحب بني آدم من دياري!!


قسم لو (هي) ترّث.. وثوبها ما يعقم ازراره..=تلاقي (الارض) صدري عقمةٍ ما طالها ضاري


يـَ ساره ورحمة الله خالك تبوحين باسراره=ودخيلك لا تجيبي عن عذابي السرمدي طاري![/poem]



"