[ حَمَامٌ زَاجِلْ ]

[مشعل فايح]

يا صوت يدفي باردات الحناجر
وين انت عن دمع الشتا وسط شريان
لا تقول عابر انت ما كنت عابر
ولا تقول لي غلطان.. ما كنت غلطان
انا فنارك... يوم قفّيت سادر
وانت الشعور.. اللي رجيته.. ولاكان

 

[صالح العرجان]

صاحبي .. والخفقه اللي ما خنقها إلا ( التغلي )
قلّي .. ويش آسوّي بــ ( نفسي ) .. اذا نفسي تبيك

لي شهـــور .. وانت تمر في ( البال ) .. وتولّي
كن مالي ( شغله ) إلا .. كل ما غبت .. أحتريك

كم وكم حاولت أقطـّـع ليلي .. ( أشعار و تسلّي )
واتركك .. لكني أرجع دون ما أشعر .. إليـــك ،،!

 

[حنان العصيمي]

أبشع وأجمل ما يمكن أن ترتكبه أنثى ..

كتابة مشاعرها ...!

 

[ريما الخالد]

ليـه تــخـفي شـوقـــك
وأخفي أنا شوقي..
‏
تدري فــي قـــلـــبــي
وأدري أنا بقلبك..
‏
‏
من كلامك ومن كلامي
نحس بأشواق ومعاني
‏
ولو تباعدنا حبيبي
تزعل قلوب وتعاني..!!
أدري هالدنيا ما منها أمان ..
بس أناوياك نتحدى الزمان..
لوتدور الدنيا عمري ما نسيتك..
لو تبيع أيامي يالغالي شريتك..
لو تزيد أحزاني من فرح قلبي عطيتك..
انت أقرب الناس
وانت محبوبي
وانت القريب البعيد
ومني وفيني
انت الأمل
انت عمري
انت مطلوبي
وانت القصايد وشعري وفرحة سنيني
وش فيه لا صرت احبك وانت محبوبي
في ذمتك بعد هذا وش تسميني ؟
أنا السعاده في حياتك‏ والا الجراح.؟!
أنا حبيب ودايم وفي ..؟
والاغريب ودايم يخون..؟
‏
أنا العقل بدنيتك ..؟
والا الجنون ؟؟
أبسألك رد علي
في دنيتك من أكون ؟؟؟

 

[مشعل فايح]

حمام يا اللي ضرب شباكي الليلة
به غصة النوح لو ما جاذب الونة
هو دزّه اللي عصت رجله مواصيله
والا حداه المطر والجول خلّنه
يا فرخ غض الجناح الدمعة مهيلة
وش لك بطيرٍ هقاويه يتعدّنه
قرّب وشفت بعيونه قلّة الحيلة
وحسيت باللي يبيه وقمت انا عنه
قلّه.. ليا رحت له جتني مراسيلة
قل صاحبك مات قلبه ليلة السنّة

 

[صالح العرجان]

شوف انكسار الورد .. نبت على يدي
دفى جمود البرد .. واشعلني بجوفه

ماقلت لك ياقلب .. تحلم على قدي
حلمك خذلني وحط .. خوفي على خوفه ،،!

 

[فاتن حسين]

من غيرك كل لحظاتي باهتة..
ومعك ..
تتراقص نبضات القلب على لحن الشوق..
حين آتي اليك..
كيف ستغني لي كلمات الحب..؟؟

http://www.sm3na.com/song8842.html

 

[صالح العرجان]

أجيك / من التعب بيت ٍ .. تشقق.. وجه جدرانه
دموعة ماعجبها إسم [التراب ].. وغيرَتْه لـ [ طين ]

أجيك / أسحب معي هاك البَحْر .. موجه وقيعانه
لجل لامن سألتي .. ويش جابك ؟؟ قلت : ملح سنين

أجيك / من التعب .. وإلاّ العتب .. قد عدّت آزمانه
تعلقت بشعر خيل الهبــوب اللي .. لكدها .. البين

جدعت " أسمي " في فمّ أم ٍ .. تهجّى المُرّ : رمانة
عشان أتعكرف برجل الجــواب لباب .. ينشد : مين ؟؟

{ أنا }

أنا اللي من لبستي ثوب خدّه .. طاحت أردانه :
مناديل ٍ .. تثاقل حملها .. من عقب .. ضمّـة عين

وأنا اللي تحتري سود المنايا .. دلّة أكفانة
مدام الجرح بيتي .. وأشعث همومك .. بدو .. لافين ،،!