ملاحظات غير مهمة..! مدونة يومية للجميع....

[بندر الصقر]

المشاركة الأصلية كتبت بواسطة زخات مطر

صباحك سكر
سلامتك بندر ..
صداعك اتوقع ارهاق ..

الله يسلم قلبك يا ايمان

الإرهاق الحسي والمعنوي ملازم لي له سنين , توه يجي الصداع .. ؟
والله مدري ياخيّه , لكن صداع غريب جدا ..

 

[منتهى القريش]

ملاحظه غير .. مهمه جدا جدا ..

صحيت من النوم فاقدة صوتي .. أي حدا يكلمني يسألني عنه..
الإجابه: والله مدري وينه .. وصار مدعاة للضحك والمسخرة ..


وينك انت ..
تعب صوتي
يسافر في مداك أسراب
حمام أبيض ..
يفتح للقا أبواب
واحس الصمت يلعب بي
يشب النار بـ اعصابي ..

والله يا جماعة من جد صوتي رايح فيها .. وش السواة .. كيف أغني؟

 

[ريما الخالد]

صباحكم خير جميعا ..



(وش هالصداع اللي في مؤخرة الجمجمة يادافع البلا ..
صداع تعليقة ؟!! )

سلامات يا بندر ما تشوف شر يا اخوي
اذا الصداع بالجمجمه واليوم بس اتوقع انه السبب عدم زواجك
لانك لو انك تزوجت كان صار الصداع بكل الجمجمه ويوميا وعلى مدار الساعه
يعني الحمدلله وتهون ان شاء الله

 

[بندر الصقر]

ماهي عاقلة الست
الله يرحم ابو عزوز بس ههههههههههههههه



محمد عيضة ,
قلت لولد اخوي : ياخي اكتب في الغزل ! لعنبو غيرك غثيتنا بقصايد الصيد والطيور والبل والفلوجة وفلسطين ..

ارسل علي قبل شوي :

[poem=font="Mudir MT,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لاوالله اللي راحوا العشاق في الحب جْرَحى = وانا انجرحت ومخطرٍ جرحي يسبب لي وفاه
والظاهر اني رحت يالمجمول مع سيل النحى =ابيك تفزعلي وتكسر في يدي غصن النجاه
مرٍ تذوقنا القصى , وامرار يذبحك السحى = عجزت اعرف لقلبها وشلون طيبه من رداه
وانا تراني واحدٍ من روس شمطان اللحى = من عافني يحرم عليّه يوم اجي واتعب وراه
من لابةٍ عند الملاقى تطّحن مثل الرحى = كم واحدٍ فوق المهار المسرجه راجو علاه
يا عمي ان كانه صمل ! ناويٍ على فرقى الضحى = والله لأعرضه القفى , لو مت من سبة غلاه
[/poem]


ندمت اني قلتله

 

[بندر الصقر]

هههههههههههههههههه ريما والله اني احبك في الله وزاد غلاك بعد هالكلمتين ..

تصدقين انا خايف انه صداع بسبب الهدوء اللي عندي بالبيت ..
ربي يسلمك من كل شر ياريما ..

 

[ريما الخالد]

ههههههههههههههههه
وربي مصرقع ولد اخوك يا بندر
روعه قصيدته ههههههههههههه

ملاحظه :مصرقع يعني رايح فيها

 

[ريما الخالد]

المشاركة الأصلية كتبت بواسطة بندر الصقر

هههههههههههههههههه ريما والله اني احبك في الله وزاد غلاك بعد هالكلمتين ..

تصدقين انا خايف انه صداع بسبب الهدوء اللي عندي بالبيت ..
ربي يسلمك من كل شر ياريما ..

احبك الله الذي احببتني فيه
يا اخوي يا بندر خل عنك الوسوسه
الهدوء صداعه حلو ويروح بلاك بصداع اللجه
ورح جب العيال من المدرسه وجب غاز ومقاضي وقدم ع الشغاله وابي اروح لهلي ونبي نسافر قربت الاجازه وووووووووووووو
اقول احمد ربك انت بنعمه ما يقدرها الا المتزوجين مساكين يا عيني عينهم
وبعدين تعال بقولك شي باذنك
لاتقول هالكلام عند المتزوجين ترى يحسدونك والناس ما يعطون خير يا وليدي
اجلد وابلع العافيه وانا اختك

 

[بندر الصقر]

هههههههههههههههه اعرف المصرقع والمنسِّم بعد

بدايته كانت حلوة بس فجأة الا حنا عند شمطان اللحى