آخر حرف

[أمجاد محمد]

نفرض كذا: لو ماتت الأزهار ..

.......................... معقول نوثق بعدها بـ عطور ؟!

طيّب إذا – لا وش "إذا" ! – .. ما صار

.......................... للأجوبة – في حضرة الهَمْ – دور

كم ( حـَلْ ) حـَـل .. ثم ارتحل بـ أعذار ..

.......................... لو تنقبل .. كان القلق معذور

كم سالفة مرّت فـ بال كثار ..

.......................... صارت على بالي ندا عصفور

كم أغنية جتني تفكّ أزرار

.......................... عمري .. و وحدة كشْـفت المستور :

((( مشوار .. جينا عَ الدّني .. مشوار ))) ..

.......................... بـ الدّور .. نرحل عنَّها .. بـ الدّور !

أوهووووه ..

من مثلي حنينه بار ؟!

.......................... من كثر صدقه ، باكر أصبح: زور !

يسقي ملامح بي غدت تذكار ..

.......................... ما جفّ منـْـها غاليٍ مذكور

أهذي بها واعي ، وأغيظ أسرار ..

.......................... وأوزن كلام بـْ خاطرٍ مكسور

أحس ما بين المشاعر ثار ..

.......................... ترصد بعَضـْها ، وأنطفي ، وأثور

وأتلفـَّت ، ألقى : كلّ مرة جار ..

.......................... أتقدَّم ، ألقى : نفس ذيك الدُّور !

و يْـفضّ زحمة هـ السُّكوت : صغار ..