في الهامش تسكن قصيدة [ نور سالم ] a r c h i v e

[نور سالم]

ظُنـُوُنْ
رواية أعمى مُبصر ربما
لـ / نور سالم

العالم يمر في عيون الزمان بثقل
والمشهد احيان ابلغ في ظنون الضرير

بلاد تزرع ذُعر / وبلاد تذرع وجل
شوارع تموت/ وخيول طرحتها سرير
الناس تقتل جثث/قبور تنزح كسل
ثلوج تحت البحر/ كثبان تنسج حرير
النورس اسود/ وظهر الحوت خف لجمل
والشاطئ اعزب/ وهذا الرمل له مستثير
الريح شعر يتشابك / والشمال تغزل
سوالف تقوم من تحت التراب وتسير
الورد يكذب / طيور تعيث/ هذا نمل:
يسرق فتافيت جنحان الفراش ويطير..

العالم يمر في عيون الزمان بثقل
والمشهد احيان ابلغ في ظنون الضرير

 

[نور سالم]

وكَبُر السؤال
نص / لـ : نور سالم

هاتي لي _ الكوب والكافين
والنور : وطي لي من ضيـّـه
وأن دقت الفاضيه : نسرين
قولي لها ماني ابـ فيّــه
والباب اخذيــه بل ايدين
ايديني اليــوم مو هيــّه
ابرتشف وحدتي : من حين
مالي سوى وحدتي ليــّه
ان رحت منّي بروح لوين ؟
وان جيت أبلقاني : هنيـــّه
نفسي / ونفسي بها ضدين !
لائي تنازع بيّ الـ / ايــّـه .
يمكن رضخت لحدى الوضعين
واصبحت افرض على النيّه !
يمكن تعثرت بين وبين
واحترت فـ الشمس ! والفيّـه !
يمكن خذاني بكى كهلين !
وانحزت للــطين والميـّـه .
ومروني الناس مغتربين !
أجناب / واصحاب / وبنيـّـه
كانت تقول الوطن من وين؟
كانت تفتش عن احجيــّـه !
وكنت ارسم لجوعها صحنين
واطعم سراب الحكي = غيــّـه


من يومها /

و السؤال ! سنين

تكبرني

وانحني بيــّــه !

 

[نور سالم]

موت مُعتاد
نَص لـ/ نور سالم

بلادي لا يجي باكر وحنا نتيـه
بباكر ونتأمل لو تجينا بلاد
تعبنا ندخلك : نُخرج ! وأنتي ليه ؟
خرجتينا من الداخل وصرنا بعاد ؟

عشان الحلم ؟ قولي حلمنا وش فيه ؟
عشان الوعد ؟ خونينا ونجي ميعاد
عشان الرزق ؟ اخذي صحننا امليه !
عشان الأمن ؟ ارمينا ونطيح اوتاد

لنا ضيق ٍ من الضيقة يشد ايديه
لنا صبر ٍ من ثيابة خرج ما عاد
لنا صوت ٍ تكوّر في سكوته فـِـيه
لنا حزن ٍ تكّفن دمعتيـــــه حداد
/
بلادي والبقى فيما بقى باقيـــه ..
من اللّي ما انتهى من موتنا المعتاد

 

[نور سالم]

ايه اذكرك في شوارع موتك تموّل
حكايتك والمسا يتكي على اهدابك
صادفت حزنك مقيم وكنت متجـوّل
في نفسك وكنت قد ضيعت ابوابك

غريب ترقا جحود الناس وتحوّل
من يعرفك صد ، من لا يعرفك هابك
متشتت ٍ في ضياع اقصاك ومعوّل
خنوع روحك لـ جفو ٍ مد بـ اصحابك

تقول طيب .. تعبت ! وقلت من أول
أن ما بقى شي ما تعّبك ما طابك
طوّل بك الضيق ؟ ضيقك فيك قد طوّل
إن راح يهرب عثر في كذب اعتابك

لا ما تغيرت .. دمعك بس متســوّل
في عيونك فراق لبلادك ولـــحبابك

 

[نور سالم]

سِنيـــــــــِـــــــــــــــــــــــــــــــــــن ْ
نص لـ / نور سالم

يلعب مع أخواني وعينـه عليّـه

اذكره خجل وكنت منه اتسحــّـــى
كم قال : لا اشوفك معاهم هنيّـه
كم قال لي لا جى غريب اتنـحـّـى

ذكرت يوم أنـّـه مسك لي يديـّـه
وقال : لا يدرون والصوت بحّـى
ذكرت يوم اسقتني ايديه مَــيــّـه
من قبل لا حتى بشوفه يشحـّـــى

كبر وأنا بعدي صغيره وشقيـــّـــــه
ولا انتظر اكبر معه .. ليه ضحّـى ؟

ماتت سنين وصدفة اليوم حيـّــــــه
شفته ! وليت اللي اشوفه يمحــّـــى
شفته بعد عمرٍ يلاعب بنيـــــّـــــه
وحبيته أكثر يوم شاب وتلحـــّــــى

 

[نور سالم]

مُــُروُرْ


سحبت ليل الوهم لين انكشف صبحـه
واسدل علي ليل ثاني يشبه الأوّل
يوم لمعت في عيوني نجمةٍ وضحه
دريت أن النهار بعيد ومطـوّل

جلست ما في سكوتي طايل ٍ شرحه
مشيت ما في كلامي قول ويقـــــوّل
الصدر مثل الأواني بالوجع نضحـه
والراس فوقه يغرف الظـن ويمـــوّل

ليت المحاجر ترّد الدمع عن فضحـه
او ليتها تشربه من قبل لا يحــوّل
اسقت شفاه ٍ يبل لسانها قرحـه
اظمت لسانٍ شفاته فوقها تجـوّل

ما للهواجس كتاب واقلب الصفحـه
واطوي طواري تطوّى طي متطوّل
البال لا مَــر بين امراره ومرحـــه
اظلم على ما يمـر ومــَــــر ما عوّل