[ .. شتات .. ]

[محمد البدراني]

.
.

ابلة غلا و احساس رقه و تعليم
حظ الفصول / اكتابها / ومدرستها

عطر الصباح وريحة الورد والديم
كل الدروب / تزفها لا مشتها

 

[محمد البدراني]

.
.

الجرح ثوبٍ / والمعاليق خياط
بتقان خاطت جرح الايام قدي

مملي كآبه جد / ضيقه واحباط
الحظ ضدي والمقادير ضدي

 

[محمد البدراني]

.
.

ما كنت ادور للمحبه مواعيد
حنا اللتقينا فجر الاحلام صدفه

غنيت في وصلك من العيد للعيد
و يديك كانت للجفا اليوم شرفه

 

[محمد البدراني]

.
.
شوفي بعينك موقفي اليوم بالبرد
من غاب خله ما تدفي ثيابه

كان المطر وافي ترى احلامنا جرد
عصفور قلبي ما عتقني غيابه

 

[محمد البدراني]

يا غربتـي معـاد ابـي منـك الشـور
حزنـي كثـيـر وهمهمـاتـي اغـانـي

مـن حـد هالدمعـه ليـا اخـر السـور
صوت وبكى وجروح وقت وثواني

طيرت لك في داخلي قمري شعور
ازرى يطيـر وضـاق فينـي مكانـي

ياني احبك صبح واغصان وطيور
ياني احبـك مـوت واحسـاس ثانـي

انتي سما ينبت على وجهـك النـور
فـي طلتـك راحـة قصيـد و مـوانـي

وينك؟ تحطم صاحبك كلـه كسـور
لـمـي بقـايـا غربـتـك مــن زمـانـي

والله احـس النـاس بوجيههـا قبـور
اكفان تمشي مـن رحلتـي امانـي !!

 

[محمد البدراني]

.
.

في غيبتك صوت الطفل صرت اخافه
والدمـع يسبق نبضتي بالمعـالـيق

مليت ثقل الوقت / طول المسافه
عطني عذر دمعي لـ عين المخاليق

 

[محمد البدراني]

.
.

الدرب شرهه لو تطول المسافه
هو ليه رجلينك تخون المواعيد

كلفتني و انا ما احب الكلافه
عامين وانطر جيتك باول العيد

 

[محمد البدراني]

.
.

وانفرش من شيمتي عذر لخطاك
لا تصدق ضيقتي و الا زعلي

دامك المخطي انا باخطي معاك
بس صوتك تكفى لا يبطي علي