الفعل بالرجال ماهو ؛ بزوله // بداح الشويب

[عبدالله سماح المجلاد]

اقتباس:
المشاركة الأصلية كتبت بواسطة بداح المطيري

كثر الكلام ؛ وقل الافعال مابيه !!

ودك يقول ؛ ويفعل اللي ؛ يقوله

حتى كلامه عارفٍ وين ؛ تاليه
يحط لك هـ الكون عرضه وطوله

لا صار متكلم وقايل ؛ يسويه
ترا صفات الرجل ماهي بزوله

الفعل ؛ مقياس المراجل معانيه
والفعل عند اهل المراجل رجوله

احيان تلقى واحدٍ منت هاقيه
يعجبك وقفات وكلام ؛ وفعوله

من دون حقرانٍ وتشكر مساعيه
هذاك عّده ؛ من كبار الفحوله

جعله على الوقفات ربي يقويه
والفعل بـ الرجال ماهو ؛ بزوله

#بداح_الشويب

بداح المطيري /
تأتي هنا بشعر من طراز فاخر لا يجيد صناعته إلا الكبار وأنت في هذا النص كنت الكبير في كل بيت شعري
ــــــــــــــــــــــــــــــــــــــــــــــــــ ـــــــــ
نص تجلل رداء الحكمة من رأسه حتى أخمص قدميه فكان بحق نصاً مختلفاً بروعته وجزالته
ـــــــــــــــــــــــــــــــــــــ
سأتابع هذا الاسم عن كثب لشاعر يستحق المتابعة وشعراً يستحق القراءة