تعال واكتب حالتك/لحظتك شعراً ..!

[منتهى القريش]

تِـبَـعّـتـكْ.. يـا ( مـسـاء الخيـر - والاحساس - والطـيـبة )
ولا شـفـتـكْ ، مسـاء / وخـيـر ، سـطى في ليـلة الـسّـاري

ألا يـاصـبـحـي الـمـفـقـود.. غـديـت بـلـيـلـي الـشّـيـبـة..!
ألا يـاحـسّـرة الـظّـلّـمَـى.. عَـلَـيّ بـشـيـبـة أقـداري..؛

مـلامـحّـنـا مَـلاهـا الـوقــت ( عَـتـبْ ) وآمـالـنـا خـيـبـة
[ جـفـا ] عَـرّا لِـيـالـيـنـا.. وجـيـتـكْ بـالـهــوى عَـاري !

سعد السعيدي ..

 

[سعيد الموسى]

البارحه , جيتك طفل ! نمت ف خيالات الـجُملْ ! ضمتني شفاه الورق ! حتى صحيت من الأرق ! . . مدري ! ولاادري وش ابي ؟ هالوقت يــرفض مطلبي ! . . ماهزني ورد الرصيف ! بس أذكرك , كني ضعيف ! إن قلت أكابر ـ ماكبرت ! وإن قلت اضمـك ـ ماقدرت ! إعرابي , وربعي عرب ! ودي بك ولكن : صعب ! قلت ازفرك ! أو ازفرك ! واتفاجأ إني أشهقك ! بالله لاجيتــك طفل ! أرميني لصوت الجبل ! كود أفهمك ! أو اذنبك ! يمكن أخافك وارتبك ! واوصل لاخر أولك ! . . عجزت من صبح الشعر ! زهقت أفضفض للمطر ! قطره وطاحت في فمي ! زفره ! ويشــهقها الورق !

 

[محمد الغشام]

,

,

ولي فالنّاس
مابين الحكي والغيم نبض المطر
ويتساقط على أرضي كذا
ويبلل أطْرافي
إليْن أبني من الأنفاس واحه
بس واحه ..
وأنده الامطار فيني ,
كذا ..
كذا ..
لين المتاهات البليده ترتكز صدري غناوي
واداوي جرحي البارح من انفاس الضياع
وأرتمى فيني تعب
يعني تعب ,
,

 

[فاطمة ناصر]

[poem=font=",6,teal,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
أهمس بصوتك وأتعثرلك أبيـات=واشوف طيفك بين هـذي وذيّـه
شف للسهر فالموق جاله علامات =ميسمك حامي وأجود ألفين كيّـه
قاسي بحكمك والجفا يصرم الذات=هبت علـيّ رياحـك الموسميّـه
الأرض تجدب لا جفتها السموات=والعقل تصدمه النوايـا الرديّـه
[/poem]

فتاة تهامة

 

[سعيد الموسى]

عجزت من صبح الشعر !
زهقت أفضفض للمطر !
قطره
وطاحت في فمي !
زفره !
ويشــهقها الورق !

 

[بندر الصقر]

ان تفائلت بالضحكة بوقت الشروق
,,,,,,,,,,,,,,,,,,, كانت أول محطات الشقى في الغروب
وان ختمت المساء فرحة بضحكات شوق
,,,,,,,,,,,,,,,,,,, أوضح النور مع شمس الصباح العيوب

 

[شمس]

تدري وش سوَّى غيابك ؟!
مـوَّت غيابك سوالف ..!
ما يخوِّفني زماني
بس من فرقاك خايف ..!
فجأه أصحـى ومـا أشوفك ..
لا تهددني ... ظروفك
إعتبرني .. حلم / واقع
وإلاَّ ظلٍ ما يطوفـك
ضاميٍ عطشان .. جيتك
لا يعشمني سرابك ..!
تسمح بكلمه ؟! بغيتك
قبل لا تبدي غيابك ..!
تدري وش بعثر غيابك ؟
قلب من تغليك عينه !
من بعد ما كان يشوفك
رغبته ومعنى سنينه
ليه يا عيني بكيتي ؟
قالت عيوني : حزينه !
قلت يرجع إن هديتي
قالت إبتنهيد : وينه ؟!
هذا " قلبك " بين إيدينك ..
وما أبيك ترده لي !
من كثر ما قلت : وينك ؟
صارت تسألني عليك !

 

[هـيـفـااللاّفـي]

,’
{..أقسى تعب أنك تحاول تحاشاه
ـــ وتكذب على نفسك بقولك / نسيته



_ هيفااللاّفي_