تعال واكتب حالتك/لحظتك شعراً ..!

[شعور]

-

آسف على الجرح والتقصير واهمالك !
وآسف على كل حاجه ماهي بيدي ،

لو ان بيدي سعادة قلبك وبالك ..؟!
اعطيتها لك ولو كل العرب ضدي

شعور

 

[يوسف الذيابي]

،
،

ماجيت ادور عذر ياللي تأسف
هات قلبي .. واوعدك ما اجيك

 

[عبدالرحمن العتيبي]

قولي لي ان احساسك العام كذاب
وانك خدعتيني وانا اطرد سرابك

دام الامل مفقود والضن بك خاب
خلاص ابنسى عشق حضرة جنابك

عبدالرحمن العتيبي

 

[شعور]

-

مشتاق لليل والشرهات والغيره !
... ... ... ... ومشتاق لاسئلتك اللي مالها داعي

 

[عبدالرحمن العتيبي]

لاتبتعد وتعذب القلب تعذيب
‏وتنقض جروحه بالهجر كان طول

‏اقرب لقلبي والمس الجرح ويطيب
‏وخلك ورى حدب الضلوع وتجول

عبدالرحمن العتيبي

 

[ضياء شمس الأصيل]

...

تلفت الناس لا مريت
تكسر رقاب خلق الله
الزين خذته ولا خليت
حرام لا تاخذه كله
لباقي الناس وش بقيت ؟
ياللي لك الاوصاف مكتمله
وتمر عادي ولا حسيت
حسنك به الناس منذهله
طلتك حلوه الا طليت
ي حلوها جد من طله
الكل يصرخ لاجيت
هذا القمر وانقلب ظله

(لشاعرها)

...

 

[عبدالله صلال العساف]

كل الاغاني في زفافك حزينه
حتى التهاني في عيوني مواويل

عبدالله صلال العساف

 

[يوسف الذيابي]

،

ماينجي من القدر كثر الحذر
لو ينجي كان نجاني حذري
،،