لملمة شتات !

[سلطان العتيبي]

قد قلتها / واليوم ابا قولها / لك
استوعبي ما اقول / عرضه وطوله

معنى ( لحالك ) بعني انك لحالك
أكبر من إنك تنتهين بسهولة

 

[سلطان العتيبي]

هات الوجع / والبس ثياب السلامة
عزت عليّ دموعك / وشلتها عنك

أضاحكك / سرقة / أبيك ابتسامة
أحاول أسرق ضحكتك / بالحكي / منك

وان خانت الدمعة تشوف العلامة
يوم اتصدد عنك / ماودي اطعنْك

القى على الصدة بعينك ملامة !
تريدني في كل الاحوال / أعاينْك

أخاف تلحظني ب / وقت انهزامه
ويطيح سورٍ في ( عيونك ) يزبنْك

لا يابعد قلب ٍ / عليك انقسامه
أفرَحْك في نظرة / وفي نظرة أحزَنْك

عندي من الاشواق مثل الغمامة
تحيا بها بين المحاني / مداينْك

أقسى شعوري فيك / وقت انعدامه
إني أداري حالتك // ما اتحضَّنْك

 

[سلطان العتيبي]

يمكن تخافين العتب بالبداية؟
ترى العتب / هو الغلا بين عشاق !

يعني مجرد نبتدي بالحكاية !
الا العتب يضيع في زحمة اشواق

مهما كتمناها تجي بالنهاية
من قلب خفاق ٍ الى قلب خفاق

 

[سلطان العتيبي]

كيف اتراجع عنك / ما املك قراري
وانتي حكاية ماعرفت انتهيها !!!

املك على كل الامور اختياري
واميز ب / عقلي قبل ما ابتديها !

الا قراري فيك / صار انتحاري !
خطوة ولا ادري وش لها ! وش عليها

لو قلتي ابعد / بعتبرها طواري
واشره على قلبك واقول / اتركيها

كبرت ( بك ) / يوم انحرف عن مساري
حتى ذنوبي فيك / صرت اشتهيها !!

 

[سلطان العتيبي]

ما اقدر ولو حاولت ارتب كلامي
حتى ولوّي دبلوماسي وشاعر !!

معك / يضيعني كثير اهتمامي
ثم اتلعثم بازدحام المشاااااااعر !

 

[سلطان العتيبي]

كلما تقولين أحبك / عشتها نشوة
مع كثرها / كني أول مرة اسمعها

يزداد شوقي بها / ويصير بالذروة
والذروة أكبر جهادي / يوم اصارعها

تاخذني الذكريات لمبتدا / الخطوة
وتزيد الاشواق عندي يوم اراجعها

 

[سلطان العتيبي]

[poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مهما توديك الظنون البعيدة = الا الحقيقة واضحة كنها الشمس
تعالي اقريني قصيدة جديدة=واستنطقيها تسمعين الصدى همس
حروفها تعطيك جملة مفيدة=الشعر في غيرك رمسْه الغلا رمس
تأكدي انك بقلبي وحيدة=اكثر من اصابع يدك انها خمس
وان الغلا بكره وبعده يزيده=اليوم وامس وبذرة الحب قبل امس
[/poem]

 

[سلطان العتيبي]

للعتب لذة / ولكـن لايزيـد

يفقد اللذة / ولا تسترجعـه !

ماخبرت الحب له دربٍ وحيد

وش تبي بالضيق والدنيا سعه