[ حَمَامٌ زَاجِلْ ]

[صالح العرجان]

عقبال ياماخذ فؤادي مية عام
.... ضيعتني منك وانا ما اهتديتك

لا .. ما نسيتك كيف بانساك ما دام
.... ذكرى الفراق تهزّني لو نسيتك

حبك قدر وانا على دين الاسلام
.... مكتوب في وجه الجبين ورضيتك

لك في الضمير الود والحشمه اتوام
.... ولي في ضميرك مثل ما انا بغيتك

ولك منزل في نايف القلب وخيام
.... وذود الغلا ترعاه ولا شكيتك

يفطر عليك القلب وان فارقك صام
.... والله لونك شوك سدره كليتك

القلب طيرٍ لادعي للهوى حام
.... والا انت وكره من كثر ماهويتك

كن العيون من النظر عقبك ايتام
.... وكني ماريت الا انت من يوم ريتك

وكنك معي وانا فقدتك من اعوام
.... مع الخيال القاك كني لقيتك

من صعب وصلك ما تهنيتك احلام
.... وان جابتك فزيت شوق ومحيتك

يعني وصالك صعب واهدافي اوهام
.... يعني زرعتك للقدر ماجنيتك

صبرك يقولون العرب كل الايام
.... يوم عليك ويوم لاجاك جيتك

ويا قلب ياللي ورثك اجروح وآلام
.... بليتني ماهو بانا اللي بليتك

ولعتني من عادني في الهوى خام
.... واسرفت بي وانا خطامك عطيتك

طعتك وزبدة طاعتك هم وهيام
.... مالله كتب لي واستخرت وعصيتك

لوللقلوب اسواق بايع وسوام
.... لاابدلك وان جيتني ماشريتك

والا انت ياللي جيش عينيك مقدام
.... لا اقنعت منك والرجا مارجيتك

كني سجين بين .. افراج واعدام
.... وكنك سجن وانا بنفسي بنيتك

تنبيك عن حالي محاصيل الالهام
.... وتخبرك نظراتي نهار التقيتك

عقب الوصال اللي على عين من لام
.... قدهو يكفيني عن الوصل صيتك

وقدني الى مريت بالشارع العام
.... لديت من ما في الضمير ودعيتك

ادري ان صوتي ماقطع عشرة اقدام
.... وادري بي اعود الى من نصيتك

ياشينها يامحنيٍ راس الابهام
.... ماقدر على شوفك وانا عند بيتك

الاعمار ما تضمن وانا اخاف الاحكام
.... أرثيك خاف اودعك ما رثيتك




محمد بن فطيس

 

[غاده]

‏أنا يوم أرسل عيونه لقلبـي
‏عطيته مُهجتي والمعطـي الله
‏🎵🎵🎵

 

[صالح العرجان]

البحر فضيلة , خلق ليشفي بعضنا !

 

[غاده]

‏-
‏ما كان عابر .. كان ؛ كلّ الأماني !
‏كان ؛ الوطن .. لا جيت أدوّر أمانه
‏َ
‏ولو كان فيني حيل ، وأحبّ ثاني ؟
‏برجع : أحبّه .. لو " تغيّر زمـانه ".

 

[صالح العرجان]

ارجـوك ياللـي علـيـك الــروح نـزاعـه
لا تكسـر الخـاطـر المستسـلـم المحـنـي

لا سقـت معـك العـذر والسمـع والطـاعـه
استـر عـلـى مـابـدا مـنـي وسامحـنـي

 

[نورة القحطاني]

مايحتمل في غيابك شوق وأشعار
خلف الحزن ألف معنى توجع الروح

 

[غاده]

‏اليا حضر يغني عن الكل وينوُب
‏و إن غاب .. ما كلٍ يسد بمحله

 

[رشا عرابي]

ﻫَﺬﻳﺎﻥ ﺍﻷﺣﻼﻡ ﻟﻦ ﻳﺠﻌﻞ ﻣﻦ ﺍﻟﻮﺍﻗﻊ ﺣﺪﺍﺋﻖ ﻭﺭﺩ
ﺗﻠﻚ ﺍﻟﻤُﻐﺎﻳﺮﺓ ﺍﻟﻤﻮﺟﻌﺔ