لملمة شتات !

[سلطان العتيبي]

البارحة حلمـت / ماحتـاج تفسيـر

أعرف تفاسيـره / بعينـي رسومـه

شفت الزمن يبرا لي / ومشيته غير !

محدودب , وتايه , ويسحب هدومـه

بادرته الكلمه : عسى حالك بخيـر ؟

ثم ارتمى يبكي , ويشكـي همومـه

 

[سلطان العتيبي]

كل واحدٍ يزعل على الثاني شـوي
لولاي أعرف السالفة / قلت مرضى

االي زعل من صاحبه / ماخبر شي
يبغى العذر كلمة ( أحبك ) ويرضى

 

[سلطان العتيبي]

يامطول الغيبة .. وغيبتْك يومين!!!

وش سوت الغيبة بحضرة جنابك ؟

أما أنا مشتااااق بالامس والحيـن

هذا وأنا عندي خبر عن غيابـك !

قلبي وقلبـك لـو حنـا بعيديـن

نبضة ( هلا ) والثانية مرحبا بك !

 

[سلطان العتيبي]

حددي نقطـة بدايتهـا تراهـا مثـل أملْنـا
قبل نعرف بالبدايـة .. لانفكـر بالنهايـة !

خايفٍ بعد التعب نسأل بعضنا : وش وصلنا?
ثم ترجع سالفتنا .. من سواليـف البدايـة !

زحمة الاشواق ماتقبل نـردد :ويـش قلنـا
كل يومٍ به جديـد وكـل يـومٍ لـه حكايـة

 

[سلطان العتيبي]

مرتاح يوم اني لها / طفلٍ صغيـر
يوم أتدلـع لاجـل أحـس بدفاهـا

لكن ليا هبـت عليهـا المعاصيـر
تلقى ضلوعي دونها / هي ذراهـا !

لعيونها / مرة كذا / ومرة اصيـر
كذا .. ولا لي غايـة الا رضاهـا

ياليتها لاجت ب / بعض المعاذيـر
تقيس خطوتها.. وتعرف مداهـا !

وتعدنـي كبيـر ( وبكـل تبريـر
أعرف خيوط السالفة وش وراها )!!

 

[سلطان العتيبي]

الحب يوم انه يجي / مااعترضنا !
ولا رفعنـا فـي مجيّـه دعـاوي

ولا اشترطنا فيـه / وإلا فرضنـا
ولا سعينا له وجـا بالحـراوي !

لكن خطانا يوم فيـه / افترضنـ
انـه يطيـق نحملـه بالمنـاوي !

شفنا نتايجها / بعـد ماركضنـا !
انّا نشوف الدرب غيـر متسـاوي

لابد نقبـل فـي شقـاوة بعضنـا
على اعتبار ( الحب كله شقاوي )

 

[سلطان العتيبي]

كلّ ماينبض خفوقـي نبضتيـن
عارفٍ منها نصيبك / من نصيبي

واحدة للدم / في عرق الوتين !
ولك تقول الثانية / تبقى حبيبـي

 

[سلطان العتيبي]

ليا ضاقت الدنيا تذكرت الاعياد
ولكن ّ ويش اذكر ليا / ضقت بالعيد !