{ أَرَقْ وَرَقْ }

[أكرم التلاوي]

يا طويل العمر عنّدك واسطه ؟
................. كِبرَت بنيتي وانا عنها بعيد
شوف أنفاس الصدر متساقطه
.......... من شجر عمري وانا عايش وحيد
صرت اشكّ اني معلّق يافطه
......... في خفوقي يا حزن هل من مزيد ؟

 

[أكرم التلاوي]

يا طويل العمر انا بنتي ليان
................. والله انها بنت طِعمه وسُكّره
كل يلي ودّها تحيا بأمان
.............. بحضن ابوها والدروب مسكّره

 

[أكرم التلاوي]

يا طويل العمر ما ودّي عماره
............................... ولا مالٍ ولا ابغي برج عالي
مطلبي هو بس ( تأشيرة زياره )!
......................... ويجتمع شملي على شوفة عيالي

 

[أكرم التلاوي]

يا طويل العمر ما عندك حشيش ؟
......................... ودّي احشش لجل أفهم هالنظام
يعني لازمني شهاده لجل أعيش !
...................... واللي ما عنده يموت ابن الحرام ؟

 

[أكرم التلاوي]

يا طويل العمر في صدري كلام
......................... والله انّي غصب عني قايله
كيف يلّي يمنعه عنّي النظام
..................... كلّه يمشي بس تحت الطاوله ؟

 

[أكرم التلاوي]

يا طويل العمر عندي مشكله
......................... وحلها يحتاج منك شخبطه
شوف سهله وكم عظيمه المعضله
.................... وشوف أكثر هالزمن ما أعبطه

 

[أكرم التلاوي]

يا طويل العمر ما عندي فلوس
.......................... الفقر حدّي ولا عندي إشي
القذاره لا اوصلت لين النفوس
................... يصير عمرك بيد واحد مرتشي !