ارتداد

[ماجد العيد]

من علّم العين السهر ..
ما علّم النظرة تبات ..
يا مودع النظرة دهر ..
تثائبتك الذكريات ..
صمتك بدا فيني و جهر ..
و جهري غدا شفّة سكات ..
يمرّني طيفك قهر ..
ما أقوى على جمعه شتات ..
يرحل مثل ما هو ظهر ..
مكتوب له هذا الفوات ..
من قال فـ العشق الطهر ..
يشوبنا هذا الممات ..
نذبل مثل باقي الزهر ..
بأنفاسنا باقي الرفاة ..
قلب الهوى مهما انبهر ..
له بـ العَتَم طبْقة شفاة ..
و اللي هَدَا قلبي شهر ..
تدري !!
خذا مني الحياة !!

 

[ماجد العيد]

أحيان ما للشعر أحيان
ــــــــــ أحيان مال الشعر داعي
أحيان مال الشعر أحيان
ــــــــــ أحيان ما للشعر داعي !

 

[ماجد العيد]

إذا كتبت النور ..
سلّم على الظلمى ..
بابك وهن مكسور ..
و ريح العتم تنمى ..
ما فيهم المقدور ..
قلبتهم أسماء ..
جرّحتهم بسطور ..
منْك الورق أدمى ..
قل للمساء المنثور ..
من يفزع الأعمى ؟!
و إذا صرخت النور ..
قل للمساء : سلمى !

 

[ماجد العيد]

تنفض الليل و يطيح الأرق ..
تغمض النجم و تشيح إن برق ..
و أنظارها ..
تكفي تقول أخبارها ..
أنظارها اللي تحترق ..

مرّي الضياء مرّيه ..
يمكن رفيق ..
و ذرّي السهر ذرّيه ..
يمكن يفيق ..
و إن أزعجه ..
إنك على غيابه طريتي له الألم ..
قولي مـَ أطيق !

قصة غيابه ..
مثل باقي القصص ..
شوقه و إعجابه ..
رمى قلب و خلص ..
و الله يا كثر الأماني في لقاه ..
و الله يا شحّ الفرص ..

تنفض الليل ..
و الليل الحَدَق ..
تنفض الليل ..
و يطيح الصِّدِق !

 

[ماجد العيد]

تمشي على الماء كلما حل ّ طاريك ...
ــــــــــــــــــــــــــــــــــ و آنا عجزت آطا على الأرض مرّة

 

[ماجد العيد]

وِ لَهْ ..
في طرفها الهايم ..
وَلَهْ ..
جديدة العشق ، الشعور..
في حيرتك هو بان نور ؟
و اللي سطع في محجرك ..
ذا أوّله ؟
أوْ وَلَهْ ؟

 

[ماجد العيد]

سلطان. إلخ


[poem=font="Simplified Arabic,5,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
من لمحتك غاب صوت و لو بـ أتمتم وش بـ أقول=كل وصفٍ عند ذاتك بان ضعفه و انسلخ
لجل هذا ما يوفّي في سموّك أي قول=و لأجل هذا بـ اكتب اسمك سيدي سلطان. إلخ[/poem]

 

[ماجد العيد]

[poem=font="Simplified Arabic,5,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
وحيد ! عادي .. عيون الخلق و إن قالت=وحيد ما هو بـ عيبي بس من نُدْرِيْ
الغيبة اللي تذرّ الليل وش طالت ؟!=إن طاح معها النظر .. وش طاح من قدري !
ما هي ب لوعة ! أعرف العين ما سالت=أنظارها تحت ! عاااادي .. لأنهم حدري !
قريت عن ماضي النجمات لا اختالت=و دريت باللي نوى وسط العتم بدري
و رغم معرفتي النيّات وين آلت=ما كان ودّي عن إحساس البعض أدري
ما هو حبيب به اللحظات ما طالت=ما أمداك حتى تقول ب رحلته بدري !
كذا لقيت الصدور الزيف ما شالت=ولا حضنّي و توسّدته سوى صدري ![/poem]


[poem=font="Simplified Arabic,5,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
و إذا غريبة صدور الناس لا شالت=يلغي الغرابة تِوِسِّد راسي لـ صدري ! [/poem]

* انشطارك بين ذاتك و الصورة ( كركبة ) اعتذر عنها.