سألتها البارح!!
ليه الكلام اجحاف
ليه الاسلوب "جــارح"..
جاوبتني بكل الأنـا
انت من علمني أنــا
انك "فقير" وكلك عنــا
من تظن نفسك ياهيه.!!
تبي توصل للهنــا..
لوتموت ماتحصل عليــــه
انا بنت الشيوخ
انا كلي شمــوخ
انت بنظر شوفـي
انسان تافه!!
انت بس تبكي علي..
قالتها بنبره فيها "غرور:
ماراعت لاحساسي شعور
ماعندك غير الدموع
تبيني اصدقك وانت تلعب علي
ياخي ابعد عن عالمي
وانت عارف
لوتبي "ذنب" بقول لك مامعي
شف لك وحده على مستواك
فقيره غنيه مايهمني
انا ابعد عليك من نجمه في"سماك"
انابنت عز و باسي قـوي
ابي تطلع من حياتــي
(أحبك) كذبه قلتهالك وانتهت
ممكن أعرف وش تبــي؟
ليه ساكت "ياغبـي" !!
رديت مذهول...
ماني مصدق اللي تقول
وسألتها...!!
معقوله ماعندك ضمير
وكـل هــذا منك يصيــر..
انتي لعبتي بحسبتي
عارفه ياعمري ليه أبكي عليك
انا بعلمك "ياحلوتي"
الطيب مابين معاك..
حاولت ابين كل شي
عطيتك اجمل مامعاي
أهديتك "القلب" الوفي
ودموع لجلك ياغلاي
تذرف وهي صعبه علي
ليه ساكته "ياأسمــاء"..!!
أرجوك ردي علي
ندمانه ياحلوتي
هااااه وشو... وش قلت "ياعلـي"
أصلا كلامك مايهمني..
كنت أحاكي الخادمـــه
أبيها تلبسني عبايتي
طالعه وأبي أشوفك الحين
وياويلك لوتتأخر علي!!
قلت بطيبة نيتي..
يعني رضيتي ياهناي
أخيرآ حنيتي علي
وين أشوفك فيه؟؟
(سؤال نادر مايجي)!!
علمتني المكان ورحت له
أنتظر
أحتريها تجي
أسأل نفسي ليه تأخرت
يارب لايكون صار فيها شي!!
لا لا
يمكن ماره محل بتشتري هديه حلوه لي..
أكيد بتراضيني عشان قسوتها علي..
(بعد التفكير البريء)
وقفت سياره فارهـه
تمنيت انـها لــي ..
لايكون سواق "أسومتي"..!!
إلا والله هذي هي
جالسه بالسياره وتأشر بيدها تعال..
أكيد بتتأسف وبتهديني ورده والا اي شي..
نزلت وجيت عندها
وبنظراتها تشفق علي
عطتني كيس لونه أسود
وبكل برود قالتها لي
خذ هذي "هداياك" ولاعمرك تدق علي
لازم أنظف غرفتي...
انصدمت وتميت ساكت...!!!
ماقدرت أحبس دمعتي
بصوت محبوس ومختنق
هذي هدايا ليه تردينها لي؟؟
قاطعتني...
وفر دموعك ولاتكثرها علي
ودك أكثر تحترق
أناماأحبك "ياعلـي"
أناحبيت واحد من "مستواي"
"وانت عنده مو شي"
شف هداياك انت ماتستحي..!!
دبدوب واباجوره وعطورات وشموع وحاجات ماتسوى علي
شف ولد العز وش جاب لي
تصدق هذي الساعه قيمتها ١٠٠٠٠٠ ريال شاريها لي..
يووووه أنا لازم أمشي
تأخرت على أهلي
قلت لحظه "ياأسمــاء"
قالت إخلص وش تبي..؟؟
سألتها "ياأسمـــاء"
ريحتك بالهدايا والا حارمتني وباخله علي..!!
أحرجها السؤال وبكـت
وقالت:
خلاص روح ولاتطولها معي
راحت..
بكل قسوتها وتركتني
واقف على ذاك الرصيف.
أضم الهدايا وأشمها
فيها ريحة أقسى وليف.
وكان السؤال معقوله بكت!!
طيب الدمعه اللي ذرفتها
عشان "تحبني" والا شفقانه علي..!!!
نــــادم