الرياض

[عقاب الربع]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]يمرك الشعر يابنت المطــــــــــــر والفياض=كفوفه يباس وانــــــــتي ثمر غصنك يميل
قال استظلك وظلك دوم مايُستعاض =ياوارفــــــــــــــه مالقى له غير ظلك بديل
يابنت هذا الغلا ماله ســـــــــــــما يوم ناض=كثير لكن مدامه فيــــــــــــــــــك شيٍ قليل
يامن ظميت المحبه يوم هالــــــــــحب فاض=تعال وإشرب اراضيــــــــها كما السلسبيل
قالوا من انتي وقلت انك ســـــحايب عراض=يعم خيرك على الآمن وقــــــــــلب الدخيل
شفتك بعيني حقيقه مـــــــــــــاهي بإفتراض=في عالية نجد ما مثلك ولا لــــــــــك مثيل
اخوك سلمان وانتي بنــــــــت ابوه الرياض=يطول عمره وعمرانك وعـــــــمرك طويل
من مثل سلمان كان الـــــــفعل بالانقضاض=مايشبهه ليث غاب ولا شفى بـــــــه غليل
لاجلك تعب واعتلى بك وافتخر بك وخاض=كل المصاعب وكنه يقول صبـــــــرٍ جميل
للحي رحمه واذا للـــــــــموت يارد حياض=الشامخ اللي جبينه فوق نجمـــــــة سهيل
يارياض وفى سنيــــنه يوم هالحلم هاض=انتي له الحلم وانتي تعـــــــــــرفين الدليل
جناح الامجاد ظفك لحــــــــــظة الانتهاض=ياطول مجدك ولا لك اي مجــــــــــدٍ هزيل
قلوبنا تنبض بحـــــــــــــــــبه بكل انقباض=سيفٍ بـــــــــــــعدله يحقق حده المستحيل
كفوفه اللي مع الـــــــــشده شدادٍ غلاظ=هي نفسها اللي برضاها بالسحايب تسيل
ملكه يا اغلى الـعواصم ما خذاك اقتراض=العز يستوطــــــــــــــنك ماهو بعابر سبيل
شفتك تحت ظل بشته ماسمعتي اعتراض=إلين صرتي شـــــــــموخ وامنيه للنخيل
تبختري ماعلى مثلــــــــك من الامتعاض=محروسةٍ من دعاوينا بصبـــــــحٍٍ وليل
يشتاقك الصبح ياخـذ منك بعض البياض=ويسمي الصبح نفسه بعد ليـــــــلٍ طويل
بدلت بين العواصـــــم والمدن والرياض=لقيت بس الرياض ولا لقـــــــــيت البديل[/poem]

يوتيوب القصيده هنا