........ الأبواب !!

[شــمــ نـجـد ــس]

المشاركة الأصلية كتبت بواسطة عبدالعزيز الرميحي

[POEM="font="Arabic Transparent,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تذكرت الرحيل ولمّة الفزعه وسم الداب = ونورٍ ينطفي لحظه بلحظه قبل مرواحه
تذكرت العيون اللي تناديني وانا مرتاب = رميت اقصى معاليق الخفوق بلاهب اتراحه
حسبت ايامي العذبه تدوم وتستمر اعذاب = وجتْ من راسها لاساسها بالمر نضّاحه
عظيم الجور لاصار الغياب يذكرك بغياب = لمست اول تفاصيل الوداع وعشت بجراحه
مشاويري تطول وتمطيها ظلمة الأبواب= اجي لليل مضوي شمعتي وتموت مرتاحه
تمون / او ماتمون الساعه اللي تغْني الحطّاب= بقى كثر الحطيم من الشجر والجوع مازاحه
تمنيته يطيب وزاد جرحٍ بالحشاء ما طاب = تزملت البياض من السواد وطحت برماحه

مادام عروقنا جفّت وصرنا يالحبيب اغراب = تغيب وغيبتك تبقى معي للشوق فضّاحه
واذا قلت آصلك واستحوذك واستلهمك كذّاب = خذتك اقدارك اللي ما رمت بالبعد مزاحه
[/POEM]

:



صباحي كان مختلف بقصيدتك ..

شرعت ابواب الصدور لتسكن ...

الشاعر الرميحي عبد العزيز ..

شكرا لعطر قصيدك ..

 

[خالد صالح الحربي]

*

عبدالعزيز الرميحي:
يَمُدّ لَنَا من الشِّعر يَداً.. لـِ.. يُصافحنا كما يليق..
بحضور.. شاعرٍ جاءَ.. ليركُلَ اليباس بَـ.. قَلَمِه..!
أهلاً وَ سهلاً به.. وأكثر..

 

[اورنس الهذال]

عبدالعزيز الرميحي

صح لسانك يالغالي على هالباذخه

وحياك الله في ابعاد ... اخ عزيز وغالي على الجميع

بإنتظار الجديد

دمت بخير

 

[ثاني الدهمشي]

عبدالعزيز الرميحي ..


ابداع في ابداع في ابداع ..

 

[عبدالله ثويني المانع]

..

عظيم الجور لاصار الغياب يذكرك بغياب
لمست اول تفاصيل الوداع وعشت بجراحه

نص تعشقه الروح

عبدالعزيز الرميحي :
لك الشكر والإحترام
دام تواصلك الجميل


أرق التحايا لقلبك


..

 

[عقاب الربع]

مادام عروقنا جفّت وصرنا يالحبيب اغراب / تغيب وغيبتك تبقى معي للشوق فضّاحه
حضور من نور ياعبدالعزيز

 

[سلطان الدوسري]

عظيم الجور لاصار الغياب يذكرك بغياب
......................... لمست اول تفاصيل الوداع وعشت بجراحه


الله الله ..
حضور رااااائع ...
ومطلع كذلك أعجبني ..
صح كلك ..
.
.
احتراماتي

 

[اسعد الروابة]

عبدالعزيز الرميحي:


نص مشرق كعادتك بكل الامكنة لك ضوء فؤيد

محبتي