google

[ثاني الدهمشي]

اتمنى ان يحالفها الحظ .. معكم ..

:

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]في كل مراحل حياتي عشت نفس الشعـور=ليا طرالـي شهـق صدري حنـين و وله
له داخلي منـزله مهما فتـش فالصـدور=ما والله انه يبـي يلقـى بـ هالمنــزله
هذا البشر طالما هو راضـي يشـعّ نـور=ما شفـتني لا اظلمت صوتّ " من مزعله "؟
من شاف قطرات ( ماء ) تعلو خدود الزهور=غلـطان لو قال : ذا قطْـر الندى يعـمله
المسأله ما تبـي تفكـير , هذا مـرور=الغالـي برقـّـته جنـب الزهـر واخـجله
هالآدمـي يلعب بتلـطيف الأجـواء دور=انفـاسه العطر..وان هـبّ الهـوا ينـقله
يملك من الحسـن ما يجعل قصـيدي يثور=ويكـتب به مْن اروع الأبيـات.. ما يذهله
أحبّـه أكثر من التفكـير فـي ما يـدور=في بـال حـظٍ عجـزت اردعْـه وآملّله
جـمال جيله ليا دقّـقت .. فيه مْحـصور="سبحـان ربـي ".. كـذا تطلع من اتأمّله
ذكي ولكن على فكرة !! عدو الغرور=متواضع ومن صفا نيّـتْه تستغـفله
من طالعـه دون قصد يصير فيه مْـأسور=والمستحـيل فسـبيل رْضـاه يستـسهله
ضميـره يأنّـبه لا شـاف بعض الأمـور=تعب يبي شخص يرفض له طلب..قلت له :
وشلـون تبـغى طلبْك يْردّ وانت السـرور=بنفسه .. ولا يمـتّ الحـزن لك في صله
كل بيـت تدخلْه بالفـرحه يصير مْعـمور=وكل أرض ما تمـشي رجولك بها ممـحله
صدري غدى دفتري وضلوع صدري سطور=القـلب يكـتب عليــها اللي ما يتْحـمّله
بنـيت انا في مخيّـلتي.. حوالـيك سـور=يا نبْـع حبٍّ شربت أعـذبْه من جـدوله
هذا كلامـي معه من حول خمسة شهـور=وعـذره معه سـافر سيـاحه برفـقة هله
ومن قال : يمكن نساك !! اقول : تم العثور=عليه في " قـوقـل " الخفّاق.. بس امْهله
واثق برجعـتْه..مير الشوق جاب الشعـور=اللي يمـرّ بحيـاتي .. مرحـله مرحـله[/POEM]



:

 

[أصيله المعمري]

ثاني الدهمشي
قوقل خفوقك
راقي
كـ عادة كل ما تكتب
من شعور نبحث عنه في ذائقتنا
ونجده منك
لـ ترتبنا


_ سعيدة بمصافحتي الأولى لهذه الرائعه_
صح قلبك

 

[وليد الفالح]

ثاني الدهمشي
نص فاخر وراقي
وحضور مميز كالعاده
مودتي

 

[محمد السالم]

ويكتب به من أروع الأبيات ما يذهله



مذهل يا ثاني مذهل

لك الود والورد ياصديقي العزيز

 

[نـــجد]

مراحل من الشوق
والبحث بقوقل الخفاق
كانت نتائج البحث هذه الباذخة

ثاني الدهمشي
صح نبضك ورائع نصك

 

[خالد السويلمي]

هالآدمـي يلعـب بتلطيـف الأجـواء دور
....انفاسه العطـر..وان هـبّ الهـوا ينقلـه

ثاني الدهمشي

يعجبني الغزل العفيف
والوصف البعيد عن خدش الحياء

وأنت هنا رمزاً للنقاء والبياض



جوري لروحك الساميه

 

[سعد الجميلي]

جمال جيله ليـا دقّقـت .. فيـه مْحصـور
"سبحان ربي ".. كـذا تطلـع مـن اتأمّلـه
ذكي ولكن علـى فكـرة !! عـدو الغـرور
متواضـع ومـن صفـا نيّتْـه تستغفـلـه
من طالعه دون قصد يصيـر فيـه مْأسـور
والمستحيـل فسبيـل رْضـاه يستسهـلـه




شاعر عذب تستلطف الحروف


والقوفي وتلوي اعناق الجمال



الله عليك ياثاني كم انت رائع

 

[خالد العقيل]

ثاني الدهمشي
سعيد بـــ مروري هنا
ومصافحة هذه الرائعة
تقديري