كنت لي في ذكرياتي(نبـْض قلب)وْ(نورعين)..!!..

[تفاصيل منسيه]

السلام عليكم ورحمة الله وبركاته
.................
صباحكم/ مسائكم..حبّ وسلام..وتفاؤل..
بسيطه جديده ,, أستوحيتها من سكون الليل ولحظات الفجر
النابضه بالحياة..
أتيتكم بها وكلي أمل بأن تنال بعضا من إستحسانكم..
وإن لم تجد قبولا لديكم..فـ يكفيني شرف المحاوله..
::
::أقول::
::

لآ تذكـّرْني بماضي كنـْت لي بهْ (نور عين..
نبـْض قلب وْ روح روح)وْ كلّ شيّ بْهالوجود
كيـْـف أحْوالي حبيبي؟؟ ما دريت إنّ السنين؟؟
حطـّت لـْ حبـّـك نهايه يوم أخـْـلفـْت الوعود
وين حبـّك؟؟ البقا بـْراسك توفــّى..والحنين..
يحـْـتضر..من يوم قـلـْبك صابه بـْسهـْم البرود
لآ تجي وتـْـقول:نادم..وأنـْت مكـْسور وْحزين..
لآ تحاول .. ما أصدّق هـالوفا بعـْد الجحود
ذاب حزْني بـْ كآس صوتي وإنـْسكبْ لكْ جمْـلتين:
(جرْح غدْرك مايطيب) وْ(أمس لآيمْـكنْ يعود)
روْح فارقـْـني دخـيـْـلك .. مابقا بيني وبين..
شخـْص مثــْـلك مايصون (الودّ) حبّ وْلاعهود
وإنْ طواك الشوق حاول كلّ مايقـْسى تلين..
وأذكر أيّام إنـْصياعك للـْخطا لحـْظة شرود
تدْري إنـّي ماظلمـْـتك..والهوى يـ فـْلان دين..
مثـْل ماتآخذ بـ تعـْطي..كلّ شيّ وْلهْ حدود
كلّ ماضي فيه ذكـْرى لفـّها شوك الأنين..
والأمل قادر يحوّل /شوكـه/ بْـقلبي /ورود/
كنت لي في ذكرياتي(نبـْض قلب)وْ(نورعين)..
صعـْب أنـْـكرْ هالـْحقيقه..دام لكْ فيني وجود

...........................
وسلامتكم