تعال واكتب حالتك/لحظتك شعراً ..!

[ميسون الرملاوي]

يا صاحبي معذور/ .. ودعتٌك الله
................ الوقت ما يحشم ../ غرام و مشآعر ! ../

و الحين يآ آشعآري على آلموت .. ياللٌه
.................. ما عآد به هآجس / و لا عدت شـآعر ...!

 

[أمجاد محمد]

وأهلكيني فما عيشـي سـوى أمـل = قد عشت فيكِ .. فأحيينـي لألقـاكِ

 

[سعيد الموسى]

ويتحّناك الكحل !
يسرق الرمش وينام !
يفرش اضلاعه زمن !
ثم يعصاك بخجل !
ليش أدور بك نشيد ! ؟
وليش أحس إنك
وطن ! ؟
وليش أحس إني فقير ! ؟
من تنادين الجُمل !
وليش أحس إني ملك !؟
من تمرين ل يـِدي !
ليش أحس بربكتي !؟
او مخافة قوتي ! ؟
ليش أجاوب واسألك ! ؟
واحضن بعينك صبى !
ليش أنا مثل الطفل ؟
يصفعه كثر الحكي !
يلبس جروحه
ينام !
يرجع ينادي بخوف !
وده بشمعة صلاة !
ينتهك ذنب المكان !
يخترق صمت الكفوف !
يعبر الشارع ... حزين !
تبتسم له أرصفه !
يرمي شفاه التعب !
وترمي اوقاته يده !
يمسح امطار السنين !
لالقى طفله معه !
تهمس بإذنه : هدير !
وتجرح خدود الحبق !
طبطبت فوق الغمام !
واهمست : تاكل كرز ؟

 

[صالح العرجان]

كلّي ظما / وباقي عمى / وشي آتي:
يمكن يكون آخر عصافير الانفاس ،،!

 

[ميسون الرملاوي]

على طاري صباح الورد وإسمك والحـلا والـذوق
ذكرتك يـا أجمـل أحلامـي بقافـي واستهليتـه

على درب القصيد أسوق قلبي والخطـاوي شـوق
وإذا مالت بـي الخطـوة علـى دربـك تناسيتـه

يهز الشـوق بأعماقـي عناقيـد الغـرام عـذوق
ويقطف بالغلا فيني غـرامـن خنـت وأخفيتـه

أحبك كثر ما يشعل غرامك فـي حشـاي حـروق
وشبٌه زود لو يحرق ضلوعي مـت مـا اطفيتـه

أحبك دمعتـن طاحت على خد الصباح اشـروق
يموت النور لـو طاحـت علـى كفـي وضميتـه

أحبك إيه أحب إسمك وأمـوت بجيـدك المنتـوف
و تخيل كثـر مـا أكـره صـدودك قمـت حبيتـه

تموت من البطا غيمه طعنها مـن جفـاك بـروق
وغشى روض الحشا وسمي جفافك وإنت ما ارويته

رحلت وما بقى منك سواك إنت و عنـا مفهـوق
عنـا ذاك الربيـع اللـي غشانـي مـا تمنيـتـه

تعال إجرح على كيفك تربـع واستحـل عـروق
تدلـل والبسـاط أحمـد وأنـا لرضـاك مديـتـه

قم إسهج لآخر ضلوعـي تغلغـل داخلـي برفـوق
حلالك ما بقى منـي مـع اللـي لأجلـك أفنيتـه

من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه

وربي من كتبت إسمـك وبروزتـه بقلبـي فـوق
وأنـا مـا دار فـي بالـي قصيـد مـا تحاليتـه

دخيل دمعتين اللي, غـدت منهـا الخـدود شقـوق
ترفق سامحك ربي علـى قلـبن لـك أهديتـه

إذا لك حق في قلبي فأنا لي فـي غـلاك حقـوق
و حقوق الشوق محفوظـة وحـدي مـا تعديتـه

يذكرني صباح الورد وإسمـك والحـلا والـذوق
وأردد يا أجمـل أحلامـي بقافـي يـوم هليتـه

 

[عبدالناصر الأسلمي]

القاريء خالد القحطاني
انت فقط من يأسرني بقراءته
من جميع قراء الخليج
وكم اتمنى ان التقيك
فـ منذ ان سمعتك اول مرة وانا في الخامسة عشر من عمري
وانت تقرأ سور الحجر ،الرعد،ابراهيم
وصوتك مازال يبهج روحي
وكم اتمنى ان التقيك
سلام الله عليك

 

[صالح العرجان]

على رتم العقول الـي تعالـج وضعهـا بهبـال
سرى ليل القلوب الى تهـاوت فـي مساحاتـي.. !!

وانا ما عاد لي قلب ايلا من قال... قـال وطـال
ولا لي غير زفرات القصيـد وطيـب هقواتـي .. !!

 

[أمجاد محمد]

لاشــيء !!

ســـــوى ..

رغـــبة عـارمـة في [الارتمــاء] بين يديك !