شَآرِعْ !

[عمر المسفر]

.
.




هذا أنا
لاتسأليني وش بقى بي
من غيابي
كنت أحاول أحتفظ بي
حتى في حقبه غيابي كنت أغيب
أشتعل .. تسقط كتوفي
يرتفع فيني .. لهيب !
وأن تبلل كمي .. دمعات إنكسار
المدى يلفظني لـ العتمه : ضحيه !
أو هديه
ليييين يمضغني .. ضياع
وأتذكر
في يديك الطاهره .. حفنه وداع !
وقتها .. كم طاح من وجهي .. قناع :
أن رحلتي ..
ماني دارس ..
ماني فالح ..
بترك عيوني .. على أطراف الشواطي
ذي .. دفاتر ...... بتّشقق
ذي شناطي
في حريقه
ألا .. في عشرين طز !
خانني تعبير .. وأنده مايصير
هذي الأفياء بيدي ... ليه ترميني .. هجير
كيف أطير
هـ الجناح اللي تعرفينه : ( كسير )
لين رحتي ...
ثم كبرنا ..
صدقيني
كنت أنا أكبر
لكن أنتي كم صغرتي !
من ثمان أسنين وأنتي ..... تشبهينك
من ثمان أسنين وآنا ..... أبتعد بي ...
مره أشبهني .. وأضيع
مره أتكسر .. على هيئه رضيع ..
مالقى أمه
ضمته .. أنثى يرتلها .... عقم
كانت الأنثى .. مدينه


.
.
.
.
.
.
.
.

سامح الله الرياض
سامح الله الرياض
سامح الله الرياض

 

[عمر المسفر]

.
.

يا لـ [ فقدي ]
ماني قادر .. ألا أصرخ
أرمي .. صوتي .. لـ المدى
لـ الجهات الأربعه
كيف أطيعه .. هـ البكاء
يعصر .. أنفاسي .. وتقطر حشرجه لـ ( الوين رحتي ) ؟
ليه طحتي ؟
ما أتفقنا .. واحدٍ فينا يطيح
وفيه أحدنا باقي تخنقه الدقايق !
كيف أبستوعب رحيلك ماني فايق
هو بقى فينا غياب .. إيتنامى في ضلوعي
ولا أتنورس شوارع
ع الرصيف البائس .. الملعون مايع
يمضغ الشباك عيني
مدري أحضر فـ أغترابي
ولا من هـ ألحين .... ضايع
يا لـ [ صدري ]
لما يمطرني سؤال مع غيابك
من يرتبني فـ بعضي
وين أبـ مضي
ترمي الريح .. إختناق الذات وأتبلل حنين
ماني ناقص هـ الشتا يرسل مع أحزاني صقيع
صدقيني
كل ماطيفك يمر الليل
أتكدس ... شتات
صدقيني
بحتفظ بي ..

ولـ هذا الفقد :

.
.

 

[عمر المسفر]

.
.





وأشتقت لك / نادى مدى غربتي ياس
ــــ جيت أحطب الآمال .. وأشعل بها ليل
وأكتب على صدري كذا بين الأقواس :
ــــ ( هذا ذبيح أم الرموش .. المظاليل ) !
كم رحت أغني أغنيه أرض مكناس
ــــ صوت الجميري زاد عيني .. هماليل
البارحه ماتوا وسط غربتي .. ناس
ــــ صعبه أعد اللي رحلوا خفت لا أميل
لا تسأليني هو بعد .. بعدك : أنفاس
ــــ بس أسأليني .. كيف لاقالوا يْسيل !
كن الحزن سجان : .. والفقد غراس
ــــ يغرس بصدري شتلته من مواويل
أحلم مثل حلم الجهل .. موت كراس
ــــ ولا مثل عتمه .. خنقتها .. قناديل !



.
.

 

[عمر المسفر]

.
.
.


صدقيني من زماااان
كان يتنامى بـ صدري
طفل .. عابث
من حنين وفقد وآهات وحزن
ثم جيت راحل ..
لأمنياتي !
مابه اللي لاحظ أني :
مختنق من تمتماتي
ورحت أبخنق ضيقتي
ليييين زاملني عتيم الليل والقنديل بيدي
كن هذي الأرض تنده لي تعال
وكني اللي قلت : زيدي
ماعلى هـ الصدر خوف
دامه أكثر من حضن دفتر قصيدي
مايهم أني .. شتات
لكن الأشياء .. تذبح : لو ندهت الصبح .. وأنوار الطريق
ماتسليني .. قصايد وأغنيات
لأن أكثر من يعرقلني عقارب ساعتي
وقتها ضايع .. أحيك أحكايتي لـ النجم لـ العتمه و لـ الأشياء
ولو كنا من الأحياء
أقول ألـ باكر أني .. تهت فـ الماضي !
أذوب ووقتها راضي
ترتبني المسافه .. وصوت أمي ياوليدي .. لا تخافه !
هـ الظلام اللي يجرجر شاعر بك .. لاتخافه
من تشوف الصبح .. يشرب ليل .. لا تحزن .. على أفراقي
هنا سجادتك / صورتك / دولابك / وبعض ثياب
وأكثر شي أفتقده شناطك .. وصوت إزعاجك القادم معك لا من قفلت الباب
وتدري أن غيابك .. كان مدعاة الدعاء وكل تعويذي
عليك ولا على غيرك من الأحزان .. أصحابك
على أحبابك
وكاذب من يقول الذكرى .. تغتابك !
قسم بالله .. مو غيبه
تجيبك : شخص لكن لو أركز يرتمي لـ الطيف !










وراح الصوت .. معه أمي
وأسير أغرب .. من الأكذب بعيني فـ إرتحال الذات
أحس أني وحيدٍ شال به جثه .. وحديث أموات لـ الاموات
يشوف الغربه تتمدد
وتــــ مــــ د د
وأنا واحد وأتعدد .. ضجيج ومعمعه في داخلي لكني وسط سكات !
غارق والمدى قارب
ولكن السما والليل والوحشه بحر ساكن
مجاديفي من الآهات
تعبت آخبي أدموعي معَ هـ الذات
أخاف أن رحت طيف ..... إتلامسه .. يدها
وتسأل ليه فـ عيونك يذوب الملح !
وأتهرب .. كذا مره
ومره .. منها أتسرب


.
.
.
.

..................
..................
..................


البقيه فارغه !

.
.

 

[عمر المسفر]

.
.






أقدح بصوت الحقيقة تنصرك هـ البلاد
ـــــــــــــ اللي بنصحك تأكد بأنهم .... قادحين
.
مادامهم في وُعَظْهم يبتلون .. العباد
ـــــــــــــ أبشر بناس على مد النظر ناصرين

.
.

 

[عمر المسفر]

.
.

لـ الجميل : جمال فتحي !



هذا أنت يالنيل مثلي فيك .. زحمه بشر
يكتظ بك حزنهم والليل شاهد .. عيان !

جيتك أبغسل عيوني : من بقايا صور
لوجيه ناسٍ تشد العزم .. لـ أيّة مكان

اللي خذوني جسد وإحساسهم منتثر
والمشكله رغم ذلك مالقوا بي أمان

هم غايبين تمادوا بالهجر .. والسفر
ماجادوا ألا بـ( يالله موعد البين حان )

وأنا لك الله حضوري مالقى له شبر
في أركان صبح توارى من وراه الحنان

البارحه قلت أقاتل جرحهم .. وأعتبر
رميت صدري بعد ماقال فك العنان

مليّت كني .. سفينه والهموم .. البحر
ماشالت ألا نوارس هاجرت من زمان

كم دمع مهّد دروبه لـ الوداع .. ادّهر
من قام يحصد تلاويح .. البكا لـ الهوان

يعني على قولته صار الدفا يحتضر
لا والله ألا حنيني ساعة البرد .... لان

يامكثر الصمت موحش لا خنقته يدر
صمتٍ ضجيجه يشابه أغنيات وكمان

ولا الشتات أن تباعد مايقصر .. يمر
لين إيتلبس كتوفي وأن تمادى .. يبان

مادمت أنا فيك ساهر قول : وينه عْمَر :
ماشفتني جيت دوني مين صار المدان ؟


.
.

 

[عمر المسفر]

.
.

هي :


أحبك كثـر ماتبنــي عصافيــر المحبــه عـش
ــــــــــ وتسكن به وتترك حلمها يجتـاح .. عالمهـا

أنا اللي لك فتحت الصدر وناديتك تعال ودش
ــــــــــ أخاف أني بلا شوفك أصير عيوني ضالمها

.
.

 

[عمر المسفر]

.
.



تشبهينك
ماتغيرتي كثير
غبتي لكن فـ الأخير :
جيتي فيك الطفله اللي تختصر بيض النوايا
لما كان الحزن : ( سر )
والصدر : بير
وحدك أنتِ من رمى دلوه علي
وإيه فاكر : ( لسة فاكر )
سيرة الحب والمدينه
وضحكة المنفي الحزينه
والتذاكر قبل أسافر !
من سألتك : موعد التغريب ( باكر ) ؟

قد حزني وضحي لي :
ما أختلجك الصمت مره والعطش يشرب شفاتك
ماندهتي :
عن حياتك من سرقني
غير هجره ..
ماكتبك كبتك : قصايد ؟













.
.