{ كرنكعوه } - الصفحة 3

حنان محمد · 09-15-2008, 01:23 PM

اقتباس:

المشاركة الأصلية كتبت بواسطة شــمــ نـجـد ــس

:

أنتم محظوظين حنان

يجوز أهل المنطقة الشرقية وأهل الحجاز " عندهم قرنقعوه "

لكن أهل الوسطى مستحيل نقره لعرض الصورة في صفحة مستقلة

ماادري كيف عايشين لكن ماعلينا

يمكن مع الوقت نبتكرها بدون ذكريات سابقة نقره لعرض الصورة في صفحة مستقلة

شموستي
ولا تزعلين
الله يكتب لنا عمر ان شاء الله ورمضان الجاي انا وفطومة بنتي بنيي الرياض وبنحتفل معاج
ونلبسج جلابية مثلنا بعد ايش تبين ؟؟

وبتكون أحلى ذكرى

الله لا يحرمني شمسج

حنان محمد · 09-15-2008, 01:26 PM

اقتباس:

المشاركة الأصلية كتبت بواسطة ريم علي

كان يوم جميل يا حنان
بس هي صارت فرحة الصغار اكثر
كاشخين ويجننون
كل شي تراث في تراث مافي ستايل كثير ههههههههههههههههه

ريم
هالايام ندور الوناسة بأي طريقة
يعني انا وعيالي امس مطقمين تقولين طقم قلاصات وجيك

بعدين وين اللي بتينا ولا يات ؟( وجه معصب )

حنان محمد · 09-15-2008, 01:32 PM

اقتباس:

المشاركة الأصلية كتبت بواسطة نوف عبدالعزيز

حنان أبي كرنكعوه حنا بالرياض ما عندنا نقره لعرض الصورة في صفحة مستقلة

بس أهل الشرقيه عندهم يا أنه قلبي يفز لا شفت الحلاو

فيني طفولة أبي أسوي مثل هالبزران و أدوج

معهم على البيوت يومني صغيرة حياوية مانيب أدوج

ويوم كبرت صار عندي فقر دوجه :d

مشكوره غاليتي على الموضوع ممتع جداً

نوف أيش رايج نروح نقرقع انا وانتي وريم
ونسميه قرنكعوه الإعلاميات ؟

حنان محمد · 09-15-2008, 01:36 PM

اقتباس:

المشاركة الأصلية كتبت بواسطة ريم علي

ههههههههههههههههههههه

دوم يارب
ولا يحرمنا منها

حنان محمد · 09-15-2008, 01:41 PM

اقتباس:

المشاركة الأصلية كتبت بواسطة فيصل الحلبوص الشمري

القرقيعان

تأتي فيه أفواج من الأطفال ويغنون

أمس جوني أطفال

قرقيعان وقرقيعان ويغنون أغاني جديدة

وأعطيتهم قرقيعان

أحلى ما فيهم البراءة

صباحك قرقيعان يا أخت حنان

وصباحك رضا وطاعة وغفران يارب

الأطفال مافي أحلى منهم

شنهي ذكريات فيصل
ولا ماكنت تقرقع ؟

بدرالموسى · 09-15-2008, 01:43 PM

امس بالذات كنت في حاله مو طبيعيه من الحنين
حنين لكل شي قديم لاني مليت الحاضر بكل غصاته
احتجت ان ارجع كم سنة ورا
والصدفه ان هالمناسبة كانت حاضره
العودة الى الذكريات كان جميل جدا

ما لقيت نفسي الا افتر في الفجران اشوف الجهال وهو يقرعقعون
كانوا مستانسين بس مو مثلنا
الحين كل ثلاث بنات او اربعه معاهم خدامتين
والحلاو مغلف احسن تغليف
والبرمودا ماخذه مدها في لبسهم
والخدم المساكين بس يركضون وما يدرون شسالفه
بجد منظر يضحك ويحزن بنفس الوقت
تصدقون ما سمعتهم يغنون مثلنا قبل
انا متاكد لو اني مدقق في اغانيهم امس كنت راح اسمع ( امبيه ابي امي ابي ابوي )

اتذكر ايام علبة النيدو اللي ما نرجع لبيوتنا الا وهي مطبقه من الضرب
اتذكر اكياس الجمعيه اللي ترجع متروسه من ما لذ وطاب من الحلاو وعلج ابو رجل وعلج ابو قصدير
كنا نستانس على اللي يعطونا ماكنتوش
نحس انهم مريشين وحنا عيال فقر نروح لهم اكثر من مره

الحلو صج لا طلعت لنا هذيج العجيز اللي وجها نورها وكلها بركه
والحنان يدبي يدبي
تجي وتعطينا فلوس
يا بووووووووووووووووي
ال 100 فلس ايامها كانت ثروه بالنسبه لنا
نقعد نغني عندهم وندعي لهم لين يقلون لنا بس خلاص
وكله عشان ال 100 فلس

يا حلوها من ايام ايه والله