كل عام وقلوبكم كما هي!
/
/
هـ الليل كنّه مستلف مني بكاي
ـــــــــــــــــــــــــ ممطر حنين وشوق وإحساس مبهم
محتاج أفضفض للدفا شي جواي
ـــــــــــــــــــــــــ محتاج أشوف الصبح والصبح ارحم
ياصاحبي ملّت شحوبي مراياي
ـــــــــــــــــــــــــــ يمــكن تكـون اللي بها القــلب أعــلم
كن الحزن ماله خوي غيري سواي
ـــــــــــــــــــــــــــ وآقــــول فارقنــي يقــول: آنت " تحلم
لو هالشقا حالف يساير لي خطاي
ــــــــــــــــــــــــــــ يعطيـــــــني الــفرصه إذا بآ تألــم
ودّي أفضْ الغيم بأقصى حناياي
ـــــــــــــــــــــــــــــ وش ينــــفع ليــا قلت للجـــرح مرهم؟
هذي سنيني ما بقى فـ العمر جاي
ـــــــــــــــــــــــــــــــ خلّت معي جرح وبعد جرح أبكم
القاع جرهد والظما عانق شفاي
ـــــــــــــــــــــــــــــــ والعــــابر اللي مر فـ يديه عـــلقم
ادري حزين وحالتي تظني عداي
ــــــــــــــــــــــــــــ لي وجه لأحزان الزمن صار مرسم
هذا السهر لو ينطق يقول لي (بآي)
ـــــــــــــــــــــــــــــ أبك السهر ظـالم ومنك أنت أظــلم
مبطي وأنا لي حلم جرّه بها ماي
ـــــــــــــــــــــــــــــ بس المصيبة ياهلي مامعي فــــم !!
7-1-2011
آخر المشاركات
01-07-2011, 05:16 AM
جـرح أبـكم!
العرض الشجري