تعال واكتب حالتك/لحظتك شعراً ..!

[سعود القحطاني]

تكتب و ملتها الحروف ابعد عن عيوني بشوف

ترسم من جروحي طيوف يسهر معي يمكن يشوف



هي الحياة فيها جديد ؟

 

[منتهى القريش]

هـ الصباح اليوم خافت
يشبه الليله الطويله
اللي اجرحت رمش السهر
يشبه اعيون اليتامى
لما يترسها الكدر ..

هـ الصباح اليوم أشعل
داخلي كل الحرايق
اللي انطفت من كم شهر

ودي أحمل.. في ضلوعي
قلب ثاني
قلب تملاه الأماني والأغاني
واترك القلب الـ يعاني
ينبض أحزان وقهر

أحس قلبي .. ضاق فيني
مل مني ما يبيني
ويش أسوي
مو بيدي ..
أوقف ابـ وجه القدر

 

[خالد بن منشار]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
رحتي وسِبتيني مع ذي وذيّه = تضحك لي فلانه وتغمز فلانه
هذي تبي قربي وتبقى خويّه = وهذي تريد الحب واعلا مكانه
وانتي على كلٍّ رضيتي عليّه = معناته انك راضيه بالخيانه[/poem]

 

[فهد الماجدي]

,,


ليت الاماني تنفعك بعض الاحيـان
................. واحلامنـا ياليتهـن يـنـ فعـنّـا



لاصار ضايق خاطري هم واحزان
................. الليـل مشـواره بعينـي تثـنّـا



ضاع الفرح وايامنا كلها اشجـان
................. ضاقـت بنـا وادموعنـا يذرفنّـا



الله ياوقـت ٍ مضالـي وفرحـان
................. يوم الفرح خيّـم بقلـب المعنّـى1



والحين ماعاد البشر مثل ماكـان
................. ولاعاد حنـا مثـل ماكـان حنّـا



تغيّرت اخلاقنا وشان مـن شـان
................. اخلاقنا شانـت وبالحيـل شنّـا



واصحابنا ماهي مثل كل الاخـوان
................. حتـى الاخـوه مستواهـا تدنّـا



واوطاننا ماهي مثل كل الاوطـان
................. كني غريب ٍ عايش ٍ فـي وطنّـا



يكفيني اني عايش ٍ حـر وانسـان
................. وفيني احاسيس الوفى فـي زمنّـا



والعين ماقرّت مثل كـل الاعيـان
................. (عيني بها عبره وقلبي معنـّى1)




,,

 

[سعيد الموسى]

بعيونها تولد
الغيمه
وبثغرها تنجب
البسمه !

هي مشتليّة حسن
وأكثر !
هي مخمليّة جفن
وأكثر !


في خدّها
صبح متفائل !
في جِيـدها
غصن يتمايل
عزفه
على هيكلة أنثى !


في كل خطوه
لحن صاخب !
في مشيها
تعزف الخطوه !
متموسقه
تلبس الأزرق !


مائيّة الحسن
نهريّه !
لامن حكت تنولد
موجه !
موجه من الصوت
محسوسه
في نطقها
ـ لفظها
نوته !
ترقص مع اللفظ
شفتّها !


.
.


لا جيت توصف
يرّد الشِعر !
ـــ ياسيّدي
كيف أبوصفها ؟


ذي ثورة شعور
مقروءه !
يعني إذا جيت
توصفها !
بسمل
وقل ياعظم ربيّ !


سبحانه الله
خالقها .

سلمى
وأنا لا نطقت
الما !
يشبه يديها ...
وضحكتها !


سلمى
وإذا قلت أنا
سلمى !
ماشفت أنثى
سوا
سلمى !

 

[عبدالله صلال العساف]

تشبهيني حيييل
يوم ألبس حنيني
يالشوارع
للي مرّو ...سولفيني

عبدالله صلال

 

[فهد الماجدي]

,,






ياعين .. نامـي .. لاتحاتيـن.. ياعيـن
دايم .. انـا ..والليـل.. اطـرب ْواغنّـي




مدموحـة ٍ زلاتهـم.. كــل .. غالـيـن
اللي ..بذكراهم .. سكـنّ .. جـزء منـي



بالله هانت .. عشرتي عمـر .. وسنيـن؟
احاشم.الغالـي.. بـهـا .. ويحشمـنـي



اجاري احساسه على العطـف .. والليـن
وانا ادري انـه.. فـي مزاجـه.. معنّـي



مبطي من اول.. بالغـلا ..مـو بهالحيـن
فـي دوحتـه .. واطيورهـا .. غردّنـي



دايم اناظر .. جولهن ..سـرب ..مقفيـن
وانـا اتحـرّا ... وسمهـن .. لا..لفنّـي


,،
,،

شخبطت لوّنت .. البحر لـك .. دواويـن
غيّمت ..ونجوم .. الدجى .. قـرب منـي



دوّنت.. جففّت .. النهـر لـك ..عناويـن
وعشابها .. فـي .. جوفهـا .. دوّننـي



وحمامة الـوادي.. بكـت..ناحة اِليـن
معّ ...جارة الوادي...معاّ وادمعّـنـي



هو ليه دايـم لاخطـى.. الغالـي الزيـن؟
نيران ..واجروح.. اِن ..كوّني .. كوّنـي!



او ليه ..انا.. حسـاّس.. مـن بد..الفيـن؟
دايم ... تخيّب.. هقوّتي .. حسن ..ظنـي!



اكبر خطيّه .. والجفا .. ماهـو .. اْبـ زيـن
لـو بالجفا..قصدك..عمـد .. تمتحـنـي



الله .. يلم..قلـوب.. شمل..العزيـزيـن:
اللي مـن .. الفرقـا ..يـوّن .. ويغنّـي

.
.

هذي .. قصيده قلتها ..الخاطر.. وعيـن.
من خاطري ..بس .. الدموع ..افضحّني !





,,

 

[غاده]

.. فيني بداية وقت
ونهاية ازمان

اشتاق ,(باكر )
واعطي :امسي
........"حنيني

*خالد الفيصل*