تعال واكتب حالتك/لحظتك شعراً ..!

[علي المحمد]

تناسيني بنفس الموعد اللي به ذكرتيني
أنا ما أقدر أعيش اللي بقا لي من العمر بأوهام

عبس وجه الزمان وزاد لومه لا تلوميني
بغى جور الهوى وأنهى سنينٍ من الصبر وأحلام

أبغفى كأني الطفل الغرير ولا تصحيني
أبي أرتاح من بعض الشقى ومن لعبة الايام

طلبتك كان لي في داخلك بعض الغلا اجفيني
ترى حر الجفا أهون كثير من الوهم لو دام

سلام الله على وقت مضى وما صار به فيني
خبا ظي القمر والشمس ما قد شعشت من عام

هناك ابعيد ويا الشوق غنيني وحبيني
وهنا لا تقربي ضاق المكان بزحمة الاقدام

هواي العف يا أسمى القصايد في دواويني
أن لي قلب ما يقوى يضيم ولا يبي ينضام

تخيرت أبتعد والصمت والوحده عناويني
واذا ودك تزوريني تعالي بس في الأحلام

 

[فهد الماجدي]

.

.

ياغريبة !
لايهمك؟
لو يمـّرونك كثير..؟
وجيه ناس مسافرين.!
لايهمك لو تلوّح لك يدين العابرين..!
فالطريق المظلم المحزن لوحدك ياغريبه.؟
لاتضيقي ياغريبة .!





*
*

ياغريبة
وشبقا لي من سنين..?
راحت سنيني وانا انطر غالييِن.!
والسنين الماضيه ؟
مرّن علي نوح وحنين .!
سامح الله كل حاسد ياغريبة.؟
ماعرف معنى الحنين .!
سامح الله كل عاذل؟
ماعرف قدر الحنين.!
كانهم ماذاقو امرار الحنين..؟
ومن سنين..!
ومالافاهم مرّ شوق؟
احباب ناس ٍمبعدين ..وغالييِن .؟
مسامحين !

*
*

ياغريبة
هذي الدنيا ؟
كما الدنيا من اول..!
من قديم اوقات
ناس ٍ اولين..!
هذي الدنيا
ولاكن ناسها متغيرين.!
لاتضيقي كان شفتي؟
في طريقك عابرين..!
بالتحايا لوّحولك ؟ ياغريبه.!
بالدموع وفـاليدين !



.

 

[أمجاد محمد]

حآإلنآ, مُؤسِفْ جداً

الحنين : لآ يعرِفْ آدآبَ الزيآإرهه
الغيآب : لآ يملُك حُسْن التَصرُّفِ
الشوق : مدلل , لآ يَسْتطيعَ إحْتِمآل شَيْء ,
نحتآإج لِمَن يربي مشآعرنآ من جديد !
راقت لي

 

[غاده]

رغَمْ { كلْ العيُونْ } - اللّي معَي وادري يحبوني ،،،،
احس بغيبتك كني وحيَد ولامعَايْ انسان،،،،

..

 

[فهد الماجدي]

.

اِي والله
ازعّلت لي غالي وحق الله ..
ثامر...؟
وحق الله انت اغلا من الغالي ..!
اخطيت .....!
انا ياصديقي وادمح الزله.؟
اي والله اخطيت في حقه ... وهو غالي..!
كان الزعل داخله ... سيّطر فانا لله
سيّطر عليّ بْغلاه ... ومسكنه عالي..!
هو صاحب العمر...؟
تسوا صحبته شله....!
من صغرّنا راعي الاولى الى التالي..!
من يوم..محنا الطواقي تستر القذله..!
وحنا الوفا .. مرتوينه مر ٍ وحالي ...!
كنا على ايام...؟
..م حنا عمدة .. الحله.. ؟
كم عمدة ٍ .. ف الحواري ...زابن : وجالي ؟
كانت ....؟
طفوله .. ولكن ماضي ٍ فله...!
وبيامها... ليت اعرّف العاذل الحالي..!!
لاظاقت ايامنا ظلي وانا ظله..
لو ينشرح .. خاطري يفرح وهو سالي..
وقلوبنا ماتفرّقنا عن المله..؟!
الرب واحد ولاغير الله الوالي...؟؟
والله ..
صافي.. فلا في خوّته عله..!
ارضيه ..؟
لو يطلب الغالي من عيالي..!!


.

 

[عبدالله صلال العساف]

البارحه انا وشبيهك ذكرناك؟؟
لاحكّتك رجلك تراى اغترفتك
علي احبال السطْر انشر مزاياك
شوف ابجديتي خلّصت مانشفتك
ومادام بين العين ودبي مفلاك
انا تذكّرني ابمسج لا وحشتك
عبدالله صلال العساف

 

[سعيد الموسى]

تلمّ بيّدها
يدّي
وقالت :
شايف الغيمه ؟
ـــ
تعال
وصير عصفوري
وأنا
عصفورة الغيمه !
تعال
نغنّي ونلعب
وتمطر بالغنا
ديمه !
ـــ
أقلّك ؟
غمّمض عيونك
وخل شفاك
ترنيمه !

 

[منتهى القريش]

فقدت الروح بـ اغيابك
حنينك
رجفة ايدينك
سؤالك عني .. تخمينك

أدور في الـ يمروني
يناظرهم طرف عيني
من الغربه
أشوف عينك
تسألني أنا وينك

حروف اسمك
على الساني
بيتي .. داري .. عنواني
تهت آنا وادورني
في زحمة عناوينك

ترف عينك؟
تراني أذكرك دايم
غريبه .. ما ترف عينك!