رصيف الشمس

[عبدالله صلال العساف]

اي كلمة ن من شفتك ماتفوته
اسماع كلي عالطريق امترامي
اللي يحب شوفت حبايبه قوته
كم لي وانا في هالدلع منك ظامي

 

[نورة القحطاني]

واللي يبي القوة ترى مايفوته
يرفع كفوف العز ولا له ملامي

 

[رشا عرابي]

يا حَكاوي دِنيِتي باللهِ هوني شويّتين
جيتِك وأنا كِلّي من الماضي أنين
في قّبضة إيديني سكن جمر (ن) تباهى بِلسْعِتَهْ
فيني إحتَرق
وصوتي ورَق..
يِملاهْ صَمتي من سِنين !

 

[عبدالله صلال العساف]

يانغم ينزل علي الاسماع تين
ترتقي له اذواقنا من تعزفين
وينتشي الورد المسجى ابباقته
ويزهر ارق
كل ماطرق
باب النواظر هالحنين

 

[نورة القحطاني]

كم لي على الفرقى
وكم لي على الضيم
وكم واحة جفت
تجاوب هطولك !

 

[عبدالله صلال العساف]

البارحه ضليت اغني المعلزيم
قدام عيني ...وللاسف ما اطولك

 

[نورة القحطاني]

تبقى تناهيد الوفا ترسم الغيم
تمطر سحايب ود لأجمل فصولك

 

[عبدالله صلال العساف]

البارحه بين الوتر والترانيم
كل جملة بألحان بوحي ......تقولك