على هامش عمق أنثى جموح

[أنثى جموح]

يا كم وكم ؟
تبكي عيوني مِنْك دم !
يا كم وكم ؟
بحكي بك ف شعري بِـ ذَمّ ؟
يا كم وكم ؟
كلي ألم ,
من بطشك القاسي ألم
من باسك العاصي ألم
من ذاكرة ماضي ألم
من حاضرٍ قاضي ألم
من باكرٍ فاضي ألم
فاضي ؟
قصدي :
مليااااان همّ !

على الفاضي وْ على المليان صارت راحتي تتعب
تطالبني بنوم الليل وليلي ما يلاقي نوم ,
أنا من وين أجيب الغفوه في عزّ الجراح وكيف؟
ألاقي لذة أحلامي؟
وانا لا جيت بحلم بك أصارع طيف
ويغزيني ,
ويغزي ممكلة شوقي
ويمليني
ويشقيني سؤاله "لا متى نلقى بعض , نلتم؟"
ويدميني سهم قوس الرموش اللي تشيل الحيف
عليها مرتقي وشوي أحسّ انه غفى واشتمّ
ريحة نزفه وْ نزفي معه مسكوب منّا جمّ
وجمّ وْ جمّ ,
كثر حبي
كثر ما هو يخيب الظن لا حاول يعبّر فم
بكل احروف هالدنيا ولهجات البشر بي غمّ

ويكفيني !

,

حتى الدموع اللي سكبها جفني العاشق تبيك !

,

يَ عمري نم
كفايه ما لقى قلبك بكاس السُمّ
تجرّعت الشقا لِـ سنين وسنيني تفوّح همّ
قهر , أستعذبه فيني عشانك , تمّ
كثير اللي طلب دقة عرق قلبي وقله سَمّ
وهو , ما هو أنا , رده كأنه صمّ !

وليش أحكي لك التاريخ , دامك أول التاريخ
وكيف أحكي عن اجذور الغضا والزهر وعطوره ؟!
مدام ان الزّمن واقف على يقظة حلم بحلم
لعلّ بْـ يقطتي تصبح مشاهدنا حقيقةْ لَمّ
ونتلاقى , ونتشاقى , ونرتاح فـ نهاية ضمّ
لعلّ الـ كاسر اعيون الأمل نكسر له عيونه
ونطغى عالبحر نطفى ويلمحنا معاً من ثم
فلا تتلامس اجفونه
لعلّ الـ رافض لـ فكرة تلاحمنا بليل أعتم
يشوف ان القدر أكبر من اظنونه
ويحكونه عبر للي قدر يمنع لـ مجنونه
ومجنونٍ صبر
واكثر
صبر
واكثر
صبر
حتى
يزوجونه !

,

 

[أنثى جموح]

- أوعديني ( إسمي )
- أوعدك بإيش؟
- إني أبقى كبير بعينك حتى لو ما صار نصيب !

- انت مو كبير بعيني , انت عيوني اللي أنا كبيره فيها !

 

[أنثى جموح]

يا وقت
كم بك تكسّر وارتعد
كم بك على همه بكى لانه تناسى وابتعد
كم من إذا الناس اسألو عنه يقولو راح ينام
وْما دروا انه قعد
كم بك سهر قلبٍ على موضع وجع فيه استعد
إنه يجيه بـ كل حالاته ولو ما هو صعد
تنزل به الذكرى
وتتلاحق مشاهد خاطره
فيها وعد
إنه يقاوم حاضره
ويستقبل الآتي بعد
ويقول للي ماخذٍ حقه
برده
ولو حتى بعد
بعد حين .....

يتبع

 

[أنثى جموح]

متابَعة :

بعد حينٍ أخذ حقي أنا والهايمين أحباب
بعد حينٍ سلب قلبي ومفتاحه فتح له باب
بعد كل ما بعد دقة خفوقي تحتري أسباب
تبي توصل لمرضاته
وتتهنّى بضحكاته
وتسألها نجوم العاشقين اللي صحت فالليل
وش آخر ما كتبتيله من احروفك؟
شرحتيله تفاصيل العشق وللا أثر خوفك؟
ذكرتيله حكايات المسا بأول أحاسيسك؟
نثرتيله عطور النور من باقة فوانيسك؟
أو ان البعد حارمكم
ولا يكتب إذا هو غاب؟
أنا من شدته أغتاب
روحي لو تفارقنا بدون احساب
ولا أرتاب
إذا جيت بـ قلم صادق على خبره
أبد ما جامل بـ فرحه ولا كسره
وله في الغارمين أنساب
صحيح انا بعاد أقراب
ولكنا كتبنا كتاب
وحطينا بفهرسنا عناوين الألم أصحاب
وتقديمه طلب يدّي
وخاتمته يجي ردّي :
وراح آكون بين أحضانك لحالي
ولحدٍ ينتزع حقي ولحدٍ ييجي فبالي!
أنا لحالي
أنا لحالي
أنا لحالي
!

 

[أنثى جموح]

الصورة رقم (3)
للفنانة :
Louise A. Frechette‏




لا تغيّر وقتنا ننسى بعض ..؟
والكل يدري ان ثباته مستحيل !
وْما يطيل ...
لو ثبت في موقعه
يتغير إحساس المكان
والأماني ما تجي طولٍ وعرض
والحلم ماله بعد ليلي بديل !
تدري وش فيك الجميل ؟
انك تعرف الوقت لا يمكن يعود
وانك تعرف اني ولا يمكن أسود
بس باقي في غرامي
ما تشيل
قلبك الوافي معي ماله حدود !


,

 

[أنثى جموح]

[poem=font=",6,blue,bold,normal" bkcolor="transparent" bkimage="" border="none,4," type=1 line=0 align=right use=ex num="0,black""]
ترى بعض التغلي صار من ميدان هجراني=وانا لي عزةٍ تنأى عن الإذلال بوصالك

عزمت ارحل ولا ببقى بباب الصد من شاني=مدام ان الغلا لعبه / حرام ألعب بأقوالك

تعمّدت الصبر حتى يجي حقي من احساني=ولكن السفر عيا يجيب الصبر لاحوالك

تعديت ب مسافاتي مسافاتك وإمكاني=ودام ان البعد غيّر مشاعرنا ( على فالك )

فلا تتوقع ان قلبك يداوي كل أحزاني=ولا تتوقع ان قلبي بيتحسّف إذا اوفالك

صعب حتى العرب تفهم مداراتك وأكواني=صعب تقبل ثنائينا ولو تتوحّد اقبالك

أنا عيبي غدى صدقي مع اقليبك وايماني=غدى شيٍ صعب وصفه بهالدنيا مع امثالك

نسيت اني أنا أنسى وحطيتك غلا حاني=غلا لا يمكن اتخيل حياتي دون مسعالك

ولكن الوجع سلّم على موضع بك اغراني=وصحاني من اوجاعي وفضفضلي بأفعالك

وخلّاني ولا حتى بقى فيني وخلاني=معاد أتوجّع ف غيبة وجع حبك/ على بالك

ترى مهما أقول اني لقيت الراحه بازماني=تأكد إني ب حاجة رجل يسكن بي بْدالك

وانا كلي وثوق اني بلاقي نصفي الثاني=وراح القى به اللي ما لقيته وسط موالك

يا رب تعفو عن الظالم , ومظلومه , وتلقاني=على نية وفا عاشت تبي بس ترضي اجلالك ![/poem]

 

[أنثى جموح]

رحلت أكثر

بعد أكثر

وشفت امن الحياة ألوان

تلطّخت ابرسوم ادهان

وأنا أكبر

بعد أكبر

لقيت الدنيا ذي شينه

وبعض أجزاءها زينه

وهي أصغر

بعد أصغر

أناظر كل من حولي

جزء يهرب .. جزء جولي

وأنا انطر

بعد أنطر

وعود(ن) مالها تالي

وناس اتغيب عن بالي

وأنا أسهر

بعد أسهر

ليالي طوّلت مدرار

وتاريخي غدى محتار

وأنا أخسر

بعد أخسر

حكاياتي غدت نسيان

ونسياني غدى إمكان

وأنا أصبر

بعد أصبر

جروحي صارت اكثيره

تزيد إن جتني السيره

وأنا أفخر

بعد أفخر

لأن صبري أنا يزداد

تحمّلت الهوى أبعاد

وأنا أجبر

بعد أجبر

زوايا خاطر(ن) مكسور

وبرواز الأمل محفور

وأنا أظفر

بعد أظفر

ثماري في بساتيني

جَنَتْني قبلِ لـَتْجيني

وأنا أبهر

بعد أبهر

جذوعي شامخات اعراق

وأوراقي عطا مصداق

وأنا أشكر

بعد أشكر

إلهي منعمي باقي

لوجهه تاقت أشواقي

وهو يغفر

بعد يغفر

وشفت امن الحياة إنسان

غريب . مسافر وشفقان

وهو أطهر

بعد أطهر

إلين اليوم بي روحي

تنادي . تعجز البوحي

وأنا أكثر

بعد أكثر

رحلت أكثر

بعد أكثر

رحلت أكثر

رحلت أكثر

بعد أكثر !

 

[أنثى جموح]

بالسلامه حبيبي , يا عسى تشفى قريب !