[ أوشــال ] .!

[عبدالعزيز محمد المالكي]

دخانـي دااااخ :
من شهقـة شمّك .!

 

[عبدالعزيز محمد المالكي]

كنت أقول :


ـــــ " الحزن طيش "


بكره يعقل لـا ./ كبرت .!


بس .....!


كبرت ./ وشفت نفسـي لما كنت ..


كنت أقوووول :


( الحزن طيش ..


بكره يعقل لـا ./ كبرت )


وازداد طيش ..!

وش تبين ؟!


في ثلاثيني حزين ..


وأنتِ أصحابك مطر ..


وأنا أسكّن في صداااعي من ظروف العيش ./ عُمر ..


بشوية حبوب ..


ضقت أشرب كاس أمل ..


وأعصر جفوني عليها ..


ولا تجف من الأرق ./ وأورق أعيش.!


..


لا تشاقي وحدتـي مالـي ./ مزااااج


__________ / _ انتبه لـي فـ: الفرح واتشعبـه


لو لقيتـي فـي حياتـي لك سرااااج


__________ / _ مـا لقيتي له ظلام ./ يشع بـه


..


وش تبين ؟!


في ثلاثيني حزين ..


خلف بابه ليل ..


خلف ليلـه ظِل باب .!


لاذ من صوته ، تعثر في صداه بإرتياب ..


أسمعـي ..


ــــ لو فـ: بالك تسمعين ..


كيف يتكسر سراب ..!


في قفـى هجرة حياته ..


وكنتِ أنتِ وين ؟!


لما طاحت شمس من شال السحاب ..


ولا فزع لـه ..


غير حظه جاب له منديل ريش ..


بعدها طأطأ ، وفل .!

والشعور اللي يجي بعد الكتابة ..


والكثير من الفرااااااغ ..


وطفل فمي ، لا تغرغر بـِ: الكآبه ..


وحست أُمي .!


إِن :


دخاني تغلغل في شرابه ..


وعاتبتني ./ بلين ..

وش تبين ؟!


في ثلاثينـي حزين ./ جداً ممل .!


..


كلمـا كبر عن ايدينــه ./ يقين


________ / _ جاه ظِل ./ وشك في صحة صلاته


وان بغى يرقد على الجنب اليمين


________ / _ خاف لا يسقط على جبهـة حياته


يعني لو فيني أمل ./ لو بعد حين


________ / _ قلت لك : خلك معـه حتى مماته


الحزن هذا معـي ، رفقـة سنين


________ / _ مقدر أتخلـى عنه ./ وانثر رفاته

عبدالعزيز محمـد المالكي


جدة : 27 / 06 / 2010

 

[عبدالعزيز محمد المالكي]

أنتِحر ....!
.
.
و أنتـ
حُر ..
...
فـ: اختيارك للطريقة اللي تخليك
أنتـ/ حُر .!

 

[عبدالعزيز محمد المالكي]

بتتركني هنا لـِ: جده حزين السالفه ./ والروح ؟!
ـــــــ / ـ وحيد فـ: ذاكرة أرض الرطوبة ./ وقِلة الأصحاب .!
أجل ما علمك هذا البحر ./ ما علمك / لا تروح ؟!
ـــــــ / ـ علـى راس الهـدا تشعـل دخـانك / غيمتين اهداب
وأنا يا صاحبي لا مرنـي صوت الضما مبحـوح
ـــــــ / ـ أصب ريقـي فـي حنجرة النوارس ./ واعتق الاسباب

 

[عبدالعزيز محمد المالكي]

مانـي فاضي من فرااااغ ..
بس فاضـي .!

 

[عبدالعزيز محمد المالكي]

[ الحورية والدلو ] :

-أنت !! هيه أنت .!!!
-مين أنا ؟!
-إيه أنت ؟! شلـي جابك غرفتي ؟! من فتح لك باب دولابي ؟! ونثّر لك فساتينـي ؟! سريري ؟! من سمح لك ؟! كيف ما حست عليك أمي وأنت ، داخل علـى أشيائي الكثير العارية ؟! ومين أنت ؟!
-تصدقينـي لو أقول : أني نسيت ؟! ولا مذكر ؟! أذكر أني كنت مُجهد ، حتى مدري من أيش مُجهد .. لين نمت .! وأنتبهت أني هنا ، وأني مبعثر ، مثلي مثل أشيائك اللي لا أقتربت ألمسها بيدي ، تخللتها .. معقول مت ؟! وهذا طيفي ..!
-يوووووه منك .. لا تجنني معاك .!
-ليش ثرتي ؟!
-من كلامك ، كيف أصدق ؟! أنت يا أما حرامي .. أو حرامي .. لا تحاول تقنع عيوني بأني في منامك .. ( يمه ، يمه ألحقيني ) .!
-لحظه بس ./ لا تنادي بصوتك الخادر لغيري ..
-أبتعد عن بابي أحسن لك بروح ..
-لا وربك ما تروحـي لين ما أفهم ..
-تفهم أيش ؟!
-ضحكة عيونك ، عيونك لما تهرب من عيوني ؟! أرتباكك من حرير الروب ، ولا ........ ؟!
-ما ضحكت !! وما هو شغلك أرتباكي .!
-إلا ضحكتي ، بس خوفك من منعك ..
-خلني تكفى أروح فـ : قلبـي خوف ، وأنت روح .. والله أنـي ما أعلّم أني شفتك ، أو لمست أيدي على مرآى الستاير وارتعشت ..
-وين أروح ؟! لـ: الشارع اللي ما أقتفى إلا أثر شارع ، وضيع لي الطموح ؟! لـِ: العرق ، لـ: الناس ؟! لـِ: الليل ، وأبعاده الحراس ؟! أتركيني مبطي والله أني ما كتبت احساسي بأنفاسي على أية صدر غيري .. من زمااااان ، وكلما أبغى أهد حيلي على غيري .. ما ألاقي غير حيلي .. وأنكسر قدام عينـي ما معي دمعه ، وحزين .!
-ما فهمتك ..! وش تبـي ؟!!!!
-أقربي برمي تعب راسي على راحة يديك ، واعطينـي حورية فرح .. تسقيني من دلو السحاب .. وأنتِ تحكي لي حكاية عن مدينة.. مابها إلا أنا ، والصبح يتنفس على أصوات الحمام ./ أقربي .!
-أنته أبعد .! تكفى أبعد ، لا يا وووويلي .!!! والله أصرخ ، وتزعل أشيائي عليك !!!!
-خلي أمر أشيائك العذبه عليّ ، أنتِ في حلمـي بكيفي .!
-لا يا ويلك لا تورطني فـ: حضنك .. هدّني لو بس شوي ، مجنوووون خوفي .. وأصحى من نومك وروح ..!
-بس ، وأروح ؟! قبل أشم العطر ذاك ، وأنتِ فـ: الفستان هذا ؟! خافي من نفسك عليك وأقربي مني ..
-يا سلاااام .!
-يعني أروح ؟!
-إيه روح يمكن أهدا ثم أنام ويمكن فـ: حلمي أجيك ، وأنا في فستان أحلى ، وأنا في أحيان أريح .. وأنا فـ: الأمكان أضحك .. وما أحس بخوف منّك .. يـ الله رووح ، ولا تدري ! خلني أطلع لأمي وأن رجعت ألقاك رحت ؟! يـ الله يا طيفك سلام ..
-وأنتِ من أهله ، سلام ..

18 / 07 / 2010

 

[عبدالعزيز محمد المالكي]

لو تسافر يا حبيبي ، يمكن : أسكت .!

يمكن :

الدنيا تنادي لك بدالـي ..

[ لا تغيب ]

[ لا تغيب ]

وقلبـي يتعب ..

وأفقد الوعـي / وأغيب .!

 

[عبدالعزيز محمد المالكي]

حلمك تلاقـي راحتك ./ وين ما كنت ..

ــــــــ ./ ـ وحلمـي ./ أتعّب راحتـي لجل راحتك .!