" أرض السما "

[جمال الشقصي]

"

أطفي الكلام..
أقفل نوافذ شارعي
وآكدّس أحداقي ملايين السنين..
نبّشت في صمت الحمام
عن ساحل أغصان الدفا
عن جمر
عن موقد دفا
واثر الشجر في الذاكره عبدٍ فجِور
ما يوفي مولاه بسلام..!!



"

 

[جمال الشقصي]

"

مَا بين الصمت والتفكير
عرفت إن الورق حافي
وشمع الطاوله دمعه..
عرفت إن المداد نهاية التعبير..!
ذبح لاجل القداس الكاهنه والدير
ألا يا لهجة النائي خذيني بلاد
هناك بهفوة الإصلاح
هنااااك بأجهل التفسير!
:

مَا بين أطهر خَطا والدّم
يدوّر حبري أقلام المَلك (عربيد)..!
والاقي توبتي ممحاه
كَلَت صوتي الجدير بمغسله للإثم!
خذيني للكتابه كاهنٍ ما صام
ولا يفطر بكذبة بيد..
خذيني يا نواحي توبتي فلاح..
بذر سلم الكلام رماح..
حرث ضاحيته بصمتٍ طري.. محصود:
من التبجيل
من أذكار وقداس الليل..
هِبيني يا نواحي توبتي فاسين..
حطبت ترابي بواحد..
وبالثاني حطبت رياح..!


"

 

[جمال الشقصي]

"

ألا يا رب..
ألا يالواهب الفتّاح..
ثلاث عقود فاتح بالمحاني باب..
أطيّر لك دعائي دمع
وايمم ـ جثتي المؤوده بقبر السلف ـ راضي
ألا يا رب..
أنا ما جيت أبي للضيقه الفاضي..
ألا يا ربي القاضي:
إذا كل الذنوب صْحاح..
عطيني بابي المفتوح للّحْدين..
مَادام إن الثرى سجني
وفمّ آخر سما.. مفتاح!!

"

 

[جمال الشقصي]

"

من كلامي..
تقدر تحدّد مقامي..
وبيدك تقوّس لك اخطائي الكبيره
خطّ تحْت آثام حبري
وألف خطّ يعلّم الأخطاء تكبر!
ما تعلّمني الإشاده..
الوسوم أحيان نقصان الزياده!!

:

يا مشاتل فـ.. اتعس الأطيان أحصْدِك
فاكهة حِقري وصبري
واطعمك لاجساد ساده
جايعين أديان..
ما اعرفوا فنجان ساده!!
أتركك سلة خَطا من دين عذري
أو كرز معصور من شفة بتول..
من نحر مومس مشت تسبي النعول
يا مشاتل عمري الأبيض بابيعك..
كاس حلم..
أو نثرتك في خيام أهلي البدو ..
ريش عقبان ونسور
خبز من فرن الفجور..
ومن كلامي
أظهر بفكرة بلاد اللي انتشوا..
ومن حفا رجلي مشوا..!
يعتمر وافيهم عمامة مقامي
ولا يبوس إيدي شكور..!

"

 

[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]لا تنشدين انسانك أسباب الاحزان=مادام ما به للغلابه.. قرابه!
أكيد أنا يا (نور) لو عشت خسران=كسبت لانّي راس تاج الغلابه
وحيد كنيّ قبر باطراف كثبان=عليه يحثي العمر حافي ترابه
أمانتك يا (نور) والناي سلوان=تعالي جرّي فوق نايك ربابه
خَطاي: قلبي صار ملجا للانسان=ولا عرفت إنسان يجزي ثوابه
أنا.. أنا يا (نور) من غير نقصان..=عزيز نفس وخان عزة جنابه!![/poem]

"

 

[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]رخص عقد الغرام اللي خبرته من ذهبْك سنين=وبقت حِلقة خيانه للعمِر في حَطّة شْغابك
أنا ما جيت أرد طعونك الجبّاره بسكّين=ولا قلت اركعي بدمعة أسفْك.. وباكر حْسابك
مثل ما تدفن أحزان (العراق) نهاية الشطّين=تعالي وادفني حالاً رفات الحب بترابك!![/poem]


"

 

[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]نصف العمِر طاف بعنا=وباقي لي النص الشقي
وان ما رويتك يا منى=في حالك إنمي.. واورقي
الارض موسوعة فنا=إياك فيها توثقي!![/poem]

"

 

[جمال الشقصي]

"
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]مرّي عليّ هناك.. بقبالة الليل=وحيد.. أرتب جية العيد باشياك
آخر فراقك واذكره.. عطر منديل=وما ادري وش بتهديني فـ ..أول لْقاك؟![/poem]

"