ياراكب ً من فوق صـهوة تويتر

[سليمان الشدوي]

بسم الله الرحمن الرحيم
اللهم صل وسلم على سيدنا محمد
وعلى اله وصحبه اجمعين
/
/
......
/
/
ياراكبً من فوق صهوة تويتار
زرقا/ بمقياس الفضا/ تقطع البيد

لك اشتعال النار/ لا قالو النار
ولك امتداد الريح/ فوق الاخاديد

عليك خلق الله يردون الاخبار
ياما اكثر اخبارك / وكثر المناقيد

مدارك العالم على النت تنهار
وكلٍ على كيفه يشكل تغاريد

تغريدة ً ..!غريّدها كبر العار
وتغريدة ً ..!غريدها قدم العيد

ناس ً كبار وغردوا /صاروا صغار
وناسً لهم مع الكباير مواعيد

نبغي نجدد بالثقافه والافكار
وعقولنا بالقيد / تستعذب القيد

مادامت(قلوب العرب)صخرواحجار
لاشي ينفع بالقلوب الجلاميد

ماعاد به نقش ًعلى صخرة الغار
ولاعاد به علم ً به العالم تفيد

لو كانت التغريده / بربع دولار
ماكان وصلتنا تغاريد ابو زيد

هذا الزمن ..!ماهومرايه لما صار
هذا الزمن ..! ماهو مدايح وتمجيد

ولاهو زمن ثوره/ وثاير /وثوار
ولاهو زمن عابد/ وعبّاد /وعبيد

هذا زمن تحرير (مضمون الافكار)
هذا زمن تفـكير من غير تحديد

يرقى به اللي حطـ للفكر مضمــار
ويشقى به اللي يحفظ الهرج ويعيد

هذا زمان الطايره /دون طيار
ولى زمان النافعي / والبواريد

واحنا نلوم الوقت / ونحط تذكار
ونقلد اشكال الحضارات تقليد

نسرف في التبرير/ ونقدم اعذار
وافلاسنا ماهوب محتاج تاكيد

نشري حطبنا / من دكاكين تجار
وعلى منازلنا نشِب المواقيد

نلغي مراحل من تفاصيل الاعمار
ونزرع شتات / ولاتدلّت عناقيد

ماترفع الدنيا / بتدبير سمسار
ولايجيب الصيد من يجهل الصيد

الوقت كم مرر لنا (لفت الانظار)
لكن نعقــِّد (لفت الانظار ) تعقيد

الشر حول الدار /والشر بالدار
ياللي تقول الشر عن (داري) بعيد..!

خايف يجي باكر ونزهد بالاعمار
وننسى (ثياب العيد) في ليلة العيد

وخايف نغرد كلنا فوق الاخطار
ونقول (تباُ..! يازمان التغاريد)

 

[علي الحسني]

ونقول تباً يازمان التغاريد

أي والله إنك صادق ياسليمان

كتبت المفيد بالشرح والتفصيل

شكراً لهذه الشاعرية الواعية

دمت متألقاً

 

[صبــــا الجهني]

قمه الجزاله والسلاسه..
وقوه في التعبير..وعمق المعنى..
صح لسانك شاعرنا..

 

[إيمان محمد ديب طهماز]

صدقت والله يا سليمان

وقد كان الواقع ماثلا في قصيدة لكل من مرّ هنا

تقديري لجمال هذا الاسترسال

 

[نهار بن ممدوح]

القدير/ سليمان الشدوي

صح لسانك



نص راااائع يحمل الكثير
من الصور الجميله

دائما حضورك راااقي

 

[محمد الناصر الشهري]

الشاعر الجميل الأخ / سليمان الشدوي ..


هذه ثقافة لا تسمن ولا تغني من جوع لأنها بالأصل مأخوذة من (ثقافة الفراش) .. يغريها الضوء كثيراً .. ولكنها لا تعرف أنها
تحترق بالهوج .. حين رأيت الكثير من المتساقطين ..
نسأل الله العفو والعافية .

صحّ فكرك .. ودمت بهذا السمو/ الألق
هذا النّص أثلج صدري ..!

لك الودّ يا صديقي وتحيّة


.
.

محمد

 

[سليمان الشدوي]

المشاركة الأصلية كتبت بواسطة علي الحسني

ونقول تباً يازمان التغاريد

أي والله إنك صادق ياسليمان

كتبت المفيد بالشرح والتفصيل

شكراً لهذه الشاعرية الواعية

دمت متألقاً

هلا ابو عبدالله

شرفني مرورك


دمت بخير

 

[سليمان الشدوي]

المشاركة الأصلية كتبت بواسطة صبــــا الجهني

قمه الجزاله والسلاسه..
وقوه في التعبير..وعمق المعنى..
صح لسانك شاعرنا..

هلا وغلا

.....


شرفني مرورك

...........

شاكر مرورك