حديث وساعة

[نهار بن ممدوح]

[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهجوسي لا دعيتك خابرك مطواعه=كل ماهب القصيد وزان لي طاروقه
شاعرٍ لا قال شعره صفقوا لبداعه=وشاعرٍ ماودّك انّه يبتدي منطوقه
ومايخون إن قاله الله شاعرك مرماعه=كيف وشداد المعاني مستريحٍ فوقه
يرتفع غصن القوافي والمعاني قاعه=لين يربى في فضاه وينحني بعذوقه
وكل ذيبٍ ياهجوسي عيشته بذراعه=ولك عليّه كل معنى لاطعمك معلوقه
والهنوف اللي بلحظة مولدك طمّاعه=غنّ فيها ياقصيدي لين يروى شوقه
حسنها يامر وينهى في جميع اوظاعه=كنّها بس لعذابي والشعر مخلوقه
لا تلعثم قحويانه هب لي نعناعه=وش أباخذ وش اخلي كل شي بسوقه
كل ماعزّ القصيد وطق لي بإصباعه=يعتزي له كل بيت وينتخي بطروقه
هو يمون وكيف لأسهب في حديث وساعه=والله لياخذ حياتي فوق كل حقوقه
له عليّه كل معنى للولا والطاعه=جاد وقتي! شح وقتي! حالفٍ مابوقه
ياعذولي والله انك لو تعرف أطباعه=كان ماتنفخ هواك بقربة ٍ مشقوقه
والله ليبطي بصدري تحتويه أظلاعه=والعمى ليله طويلٍ لو يتم شروقه

[/poem]

شعر / نهار بن ممدوح

 

[عبدالله العويمر]

نَهَار
جَزَالَة السّبْك وأصَالَتُه فِي هَذا الحَديْث

نَصْ جَمِيْل الكَلِم وأصِيْل
دُمْت بِخَيْر

 

[محمد السالم]

لا تلعثم قحويانه هب لي نعناعه
وش أباخذ وش اخلي كل شي بسوقه
ياليتها كانت " ذوقه"

شعرك نهار يا نهار

لك وافر الحب والتقدير

 

[نواف العطا]

نهار ممدوح
حديث وساعه سطرت لنا الأحرف
بلون الجمال المتفرد. صح لسانك
ودمت بود

 

[ميــرال]

هكذا يكون الشعر

ورود الكون بأكمله لها ولك التقدير
نهار بن ممدوح
جزيل الشكر ولا يكفي والله

 

[حياه]

..


شاعرية وَ قوة فِي الإسلوب
وَ المعانِي ،

جَميل وَ أكثر ي نهار
صح لسانك واعتلى شانك

سلامِي لك ولاهنتْ

..

 

[نهار بن ممدوح]

القدير عبد الله العويمر


شرفتني في مرورك


الغالي و العالي


الف الف شكر

 

[سكون]

ماشاءالله عليك

قصيده اطربتني / جميله بحق


تقديري