أرآء خاصة

[عبدالحميد بن ناحي]

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]الليل شعر وهاجسي له نبرة = باحزان تثمل شعر من حرماني
في قلب كل الشاردات تخبره = مبطي وهو للخاطرة متفاني
من قلت داحس ماسبق له غبره = وانا اكره اللي قال صح لساني
من يوم سر الخيط عند الابره = معذور لو يمشي وراها عاني
قصيدتي يوم خنقتني عبره = كنّيتها خوف(ن) على شرياني
ماجيت ادوّر بالشعر واعتبره = مايكتب الفاني لقلب الفاني
جيته وانا اطلب سجّتي من عبره = لامد ليله ضلمته واغراني
راجي حلا يوم اتجرع صبره = من هاجس(ن) مع سجّته سراني
الله ترى لله بخلقه دبره = يوم القدر من قدرتي ودّاني
ليت الطواري بالحشا منثبره = من دون من خلّا القصيد حصاني
لو طعت راي اللي وثق في سبره = ماشفتني جاني واعاتب جاني
الوقت لقّى للمشاعر دبره = من قيل شعر الغانية للغاني
ياقوّ عظم المهزلة ياعبره = ياطول باله هاجسه شيطاني
بالنّاس صار الشعر راعي كبره = ماشال هم اربع طعش جرجاني
كل(ن) يقول النابغة من شبره = مليون نابغ مابهم ذبياني
ياصاحبي طاح الجمل من وبره = وقف وناظرني ولا تقراني
ماضاق ابو الطيب قصيد بقبره = لو جاه سيف االدولة الحمداني
وان قلت لي خل التراب بتبره = قلت القصيدة سرّها رباني
ياصاحبي كل(ن) سلى عن خبره = نكذب قصايد عزمها متواني
كل الأمم من غيرها معتبره = الا العرب في كان يامكاني
لاتفتخر في شاعر(ن) تختبره = من شان ابن لعبون والهزاني
كان التحدي بالشعر تعتبره = نقلة أدب ماللقصيد آذاني
أكبر قصيدة بالعراق بكبره = ابيات مدفع من فم امريكاني
انشد عن التوراة شاعر حَبره = كيف اليهود تسخر القيفاني
اليعربي شاعر غزل من غُبره = واللي يعدل كلمته نصراني
ماينوخذ بالجاهليّة عبره = والمعجزة في منزل القرآني
قل لي متى شاعر عرب له خبره = غيّر بشعره حاسب الياباني
اليالقيت الكسر دوّر جبره = ماللنبي شاعر سوى حساني
لاشك لي بين المحاني هبره = تودعني اكتب هاجسي وحداني
اقولها من منبر(ن) ينتبره = قلب(ن) عباته من حرير احزاني
مااقول انا شاعر هجوسي جبره = ولا اقول انا عبدالحميد الثاني
عبدالحميد اللي قصيده صبره = الوايلي لاالباشه العثماني
ياصاحبي لك هاجسي من كبره = حتى تصد وتعتبر لاجاني
[/POEM]

 

[خالد الظويفري]

عبد الحميد

وقف وناظر ولا تقراني

ماقرأت هنا سوى نورًا يسعى لدحر الجهل وكل جاهل

لك الله ياعبد الحميد مالهذا الطهر سوى الوقوف إجلالا


الشـعــ( و )ــــر هنا


ينبت مطر


ينبت مطر



ينبت مطر

 

[م.سعد الغامدي]

سلمت ولاهنت
قصيده رائعه وطرق رائع

لاهنت يالغالي



إحترامي

 

[الريـــــم]

/
\
/


يجد الشاعر في كتابة الشِعْر مُتنفس
وليس كُلْ من كتب الشِعْر يبحث عن شُهْرة مثلاً .. !

قصيدتي يوم خنقتني عبره
كنّيتها خوف(ن) على شرياني

ماجيت ادوّر بالشعر واعتبره
مايكتب الفاني لقلب الفاني

جيته وانا اطلب سجّتي من عبره
لامد ليله ظلمته واغراني



وهُنا كان تصوير جميل لواقع نعيشة :

ياصاحبي كل(ن) سلى عن خبره
نكذب قصايد عزمها متواني

كل الأمم من غيرها معتبره
الا العرب في كان يامكاني


من هذا الواقع مثلاً : أحداث العراق والعدوان الأمريكي :

أكبر قصيدة بالعراق بكبره
ابيات مدفع من فم امريكاني

انشد عن التوراة شاعر حَبره
كيف اليهود تسخر القيفاني



وهُنا كان الصبر قصائد :

عبدالحميد اللي قصيده صبره
الوايلي لاالباشه العثماني

ياصاحبي لك هاجسي من كبره
حتى تصد وتعتبر لاجاني




عبدالحميد بن ناحي :

قصيدة أقل ما يُقال عنها بأنّها رائعة .. تحوي أبواب كثيرة خلف كل باب فكرة ومعنى
الإحساس فيها جميل والتعبير ليس ضيّق بل مُتسعْ جداً .. !
ألف صح لسانك وإحساسك ولاهنت أخوي


كل التقدير والإحترام


/
\
/

 

[نواف التركي]

نص متكامل

حوى الكثير والكثير بدقه أحياناً وبرمزيه أحياناً

كل الطرق كانت تؤدي إلى الشعر

صح قلبك

ودمت بخير

 

[ريم علي]

قصيدة رائعه وجميله من مبدع بحجمك
كانت عميقة الفكر والمعنى والهدف
ابدعت ولاهنت

 

[فيصل الحلبوص]

عبدالحميد بن ناحي



لا تسعفني الكلمات والحروف أمام هذا النص الرائع



ونعم بك يالوايلي



لقد ذكرت ما يحصل في عصرنا هذا من أحداث ألمت بنا



لله درك يا عبدالحميد




لك ودي وتقديري



اخوك/فيصل الحلبوص الشمري

 

[عبدالعزيز رشيد]

هنا دخلت بعد أن صافحت اسمك
وفي جعبتي لهفة شعر واعجاب أقدّمها إليك
قرأت مايثلج الـ صدر إذ هو مليء بالعبر أدرك تماما أنّها التقطت بـ عين واعيٍ مثلك فكيف لاأتعلّم منها
أحبّ الشاعر الذي يغلق أذنه عن المطالبات بـ لون معيّن من الشعر ويكتب وهو واعي مايكتبه ومواكب وسبّاق تارة أخرى
الجميل عبدالحميد
كيف لي أن أخرج ولم أخبئ في ذهني أبيات من عند ؟
تحيّتي لـ روحك وكلّ الودّ لك