الشاعر الفوتغرافي

[أكرم التلاوي]

لسماع القصيدة

http://www.movn.net/voices-action-show-id-911.htm

" مدد "

ولا .. روح من قبلها .. ولا بعدها من بلد ..
لها يشعل الشمس ... قمح الرهان ..
على بعد صبحين من (ميمها )
يغسل الحبهان النساء بالمسا ..
دِما سيّلت من محبينها ..
و الرزق بالأمهات ..
الأحد..
سندبد ,, رغبة البحر..
قلت السما ... مثل شبكها ،
مسّها الأزرق الباتع ..إرتفعت ..
إرتفعت بلا عمد ..
تمريت في ( ميمها )
أيِّنا كان أنا .. وأيّنا كنت ذاك ..
هو اللي هنا .. قلت أنا .. وانا قال انا اللي هناك ..؟!!
لو نوى يسأل إثنينها .. وينها؟؟؟
طاش فيه البَرَد ..
وأربك الزر في الخيزران ..
أصبح الخير .. زان إسمها ..
كل ما ضيّعتها الجهات ..
إستدلت على شاعر في الثلاثين من وحدته .
بنت ..
لا تظلم الماء ... ولا تسلمه ..
ليلها..
فسّر العاشق بنجمة .. تحلمه ..
صبحها ..
علّم الأرض ما لم تكن تعلمه ..
وفي خيلها و خلاليخيلها .. أفلا تشمسون ؟؟؟
الثلاثاء ..
ولد ..خارج من الدعاء ..
البنفسج ..
سجد .. في صلاة أربعاء..
قالها ..
قالها في الكلام ..
من الماء .. لما لا نهايات للبرتقال ..بفوانيسها ..
كان .. دعس الحمام .. واضح الوشم في ساعد الرمل ..
قال ..
أعرف أشياء عن العشب ..
لكنها .. علّمتني متى لازم اللوز يصحى ..
وكيف الخزامى تنامى ..
وكيف الخزامى تناااااااااام ..
و من وقتها ..
كلّما الشمس فاحت ... تريقتها ..
و السلام ..
الخميس إبتدا .. ظلّها بالندى سيّلت كلّها ..
كلّلت جلّها .. بالمدى ..
سُؤْلف الماء حكايتاها ..
والضفاف أعلنت فُلّها ...
و أعلن الغصن ..
عصفورتين وشتا ..من متى ما شدى ..
طفلةٍ في هبوب الغنا ..كلّما شعرها فلّها ..
أورق العشب في حمدها .. وأعشب الضي في ما عدا ..
حامدٍ ما حمد ..
مدد .. يا صباح الأغاني ...
مـدد ..
و لا قبلها من منافي ..
و لا بعدها .. من بلد ...

 

[أكرم التلاوي]

لسماع القصيدة

http://www.movn.net/voices-action-show-id-920.htm




" قطرة ندى "

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هب الكرز واستجمـع الفـل فلـه=ياكيف انا ماقـول للشعـر لبيـه
حزن مثـل شبـاك صبـح تبلـه=قطرة نـدى تزحلقـت كنهـا ايـه
بشفاه عاشـق ساهـي واستغلـه=خبيث باسم اللـي ذبحـه بتغليـه
ياسيـدي لاحزانـك المسفهـلـه=سحاب وانت تظلله وانـت تسقيـه
اوميت لي وانـا الغريـب المولـه=ورديت لك وانت العجيب بمعانيـه
كنك تعرف ان الشعر فيـه خلـه=لاهي على وزنه ولا فـي قوافيـه
اردى الشعر قول يجيـك بمحلـه=واحلى الشعر قول محله يجي فيـه
ويش الدرر ياصاحبي غيـر علـه=في صدر محار الحصى حيل موذيه
نحـزن وفينـا يلتقـون الادلــه=لامن بغـوا للعيـد طفـل يبكيـه
ياما كثير اشيـا مملـه .. مملـه=وبالشعر يلقى الادمـي مايسليـه
لولا الصبر كيف الاهـل والاهلـه=ولولا الشعر كيف العتب والمشاريه
والناس فيها مـن عزومـه تتلـه=وتوصله فـوق العليـا وتعطيـه
والناس ياما في الخلايـق جبلـه=ياكل ويلتم الرخـم فـي علابيـه
لو بروزوا له صورته في المجلـه=الناس تدري عن علوم المسافيـه
وانت الكريم اللي حجاجـه يفلـه=ماعنده الا ابشر بمطلبـك ياهيـه
وانت الشجاع اللي سيوفه تسلـه=والفيلسوف اللي انتهى في مباديـه
هب الكرز واستجمـع الفـل فلـه=لبيه ..ثم لبيه ..ثـم الـف لبيـه [/POEM]

 

[أكرم التلاوي]

لسماع القصيدة

http://www.movn.net/voices-action-show-id-921.htm

أسميك المطر

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلامات تطول الغيم وعـذوق النخـل والطيـر=تزف ابه الشموس من النفوس لشيخها الغالـي
هلا ياللي خلقـت بيـوم راد الله بخلقـه خيـر=ابغنـي وابنطـح بالهـلا ياسـيـدي فـالـي
تمسكنا بحبل العـروة الوثقـى وهـو تدبيـر=تكافخ به بيارق عزنـا فـي المـر والحالـي
وسلمك الولي للشعب حـب وللوطـن تعميـر=وللمحتاج تـاج .. وللعـدا ضيـم وغربالـي
اسميك الجبال الشم والقـى بالحكـي تقصيـر=خفافك لـو نحملهـا الجبـال تـدور الوالـي
واسميك القمر زلـة لسـان ومالقابـه غيـر=شعـاع ينطفـي وانـت اول انـوارك بلاتالـي
اسميك المطر حاشاك لامامنت المطـر ياميـر=وهو لاعطا نزل واما انت تعطي وانت بالعالي
اسميك انت .. مااسميك غيرك باخـر التفكيـر=بغيت القـى شبيـه لـك سـواك وماتهيالـي [/POEM]

 

[أكرم التلاوي]

" الليل "

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الليـل موحـش غريـب وحـيّـة رقـطـا وديـجـور=والليـل طيـب ودفــا واخــت تمازحـنـي ونــوّار
ساعات احـس ان هـذا الليـل : نبـش عظـام وقبـور=وساعات احسّه : فـرح بنـت برسالـة حـب واسـرار
كم ليلة كان فيهـا الليـل : عبـد .. رطـب .. محفـور=وكـم ليلـة كـان فيهـا الليـل : ((جيفـارا )) وثـوار
يا ما تكدس .. وهو يشتم (( عيـال الكـل.. )) مخمـور=وياما (( تسندس )) .. وفاح اللون الأخضر وأربك الدار !!
له ألف مليـون صيغـه .. فـي يديـه النـار والنـور=وهو شيئ ثالث .. بعيـد عـن انفـلات النـور والنـار
يـا ليلـة .. ليلهـا زرنيـخ منفـي يابـس .. بــور=لي ليلـة كـان حضـن أم .. وثلاثـة أيتـام وصغـار
ليـل اتشمشـم بـه اللـي مـر ..نكهـة خبـز تنّـور=وليل اتجشـم بـه اهوالـي لحالـي .. واصبـح كثـار
انا اصدق الناس .. واعدلهم .. وانا البهتـان والـزور !=يا قطعة النّرد .. شوفي وش بقى لي .. بي .. من اعذار !
فـي داخلـي قصـة غيـاب غريـب يشعـل حـضـور=هذا اليبـاس بعروقـي .. يلعـن ام الوقـت ..لا ..جـار
غاب الطفل ، قلت طيّب .. غاب بعـد الطفـل عصفـور !=طيّب .. وغاب الثمر .. طيّب .. وغابـت كـل الأشجـار
غابوا محبين .. طيّب .. غبـت أنـا طيّـب .. بكـت دور=طيّب وبعدين يا طيّب ؟! .. وش اللي ظـل مـا صـار ؟
تبسمت لـي مـرة .. قالـت تعـال .. وطـاش بلّلـور=بالحكمـة اللـي تضاحكنـا عليـهـا دمــع وغـبـار
مـا دام دنيـا .. وترفعهـا قــرون السـيّـد الـثـور=وش يزعل العاقل ان نادى عليه حمـار : يـا حمـار ؟ [/poem]

 

[أكرم التلاوي]

غمازتين وسنا

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]احيان احس ان انـا غمازتيـن وسنـا=لبنيـة سيلتـهـا حشـمـة زايــده
واحيان احس ان انا موسم حصاد وجنا=فـي قريـة نايـده فـي بلـدة نايـده
واحيان احس النفل بعضي يمـر الغنـا=راعي غنم يحطب من ضلوعي البايـده
واحيان احس ان انا ويا الهبـوب تننـا=للغصن نلبس ثيـاب الصبـح ونعايـده
واحيان ..واحيان احس ان الضبا بي هنا=واليـا تحركـت اخـاف اذيـر القايـده
واحيان اوقـف عـدوي واسألـه اينـا=بنـا انا..واينـي بـك جمـرة قاديـه
في صوت فيروز انا الصفصاف والميجنا=وانا مع حجاب شرق وطايـره عايـده
كلي من احيان من أشيا بسيطـه بنـا=تمر في صمـت واستسـلام ومحايـده
أحرث من الداخل اقصاها هـدام وبنـا=لغايـة الارض ماتصبـح بنـا مايـده
وانا اكتب الشعر لي أو لي ولك أو لنـا=كـذا بــلا ايدلوجـيـات ومـزايـده
الشاعر اللي من الخارج عذاب وضنـا=فـي داخلـه همـت المتمنعـه رايـده
الشاعر اللي مثـل شمـع نحيـل فنـا=حقيقته شمس تستلقي علـى المايـده
اياك ترثين لـي ..أو تحسبيـن ان انـا=غالطت نفسـي بـلا داعـي ولافايـده
ماهو صحيح ان انا اباعدت عمـا دنـا=فقـط لأنـي أحـب الوعـر والكايـده
[/poem]

 

[أكرم التلاوي]

يتبع .......

 

[سـ/ـماء غازي]

دائماً يا أكرم : المطر لا يأتي إلا بالربيع ,
متابعة لـ يتبع و هذه المساحة الممتلئة بـ " فهد عافت " وكفى باسمه حضوراً .

 

[سالم العمري]

سنتابع يا أكرم .. فـ أنت أهلٌ للكرم ..

دمت بود