غوايـــة قلب

[سلطان الدوسري]

.
.
صباحاتكم هييييييييل وزعفران ..
سـ أصدقكم القول : قصيدة كُتبت لـ أجل قافية ..
أتمنى أنني وفقت بها ..
هي بين ايديكم ولقلوبكم ..
.
.
.
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالوا عشقت وقلت انا كل(ن) على عشقه سرى=قالوا غويت وقلت انا كل الأوادم قد غوَو
غيّ المحبه لاابتدا كلن يعرف اللي جرى=والعاشقين اليا بدوا يظهر عليهم مانوَو
والعشق الاقشر لاابتدابك مايفكّر في كرى=لنّ القلوب إبها مشاعر فاضحه مهما طوَو
حيّ الفضيحه في قليب اليا اشتهى كلن قرا=كل الهواويّه كذا باين عليهم ماحوَو
حتى انا مااقدر على كتم المحبه في ذرى=وضح النقا يرفع علم يفضح جميع اللي هوَو
يالله دخيلك من فضايح عاشق(ن) كلن درى=واللي دروا غصب(ن) عليهم في مشاعرنا أوَو
واللي أوى حنّ وعَرَف صعبه نقول انه زرى=لنّه شرب من كاسِنا ضمن الذياب اللي عوَو
واللي قَنَب فرقى حزن ماظنتي إنّه برى=واللي بروا مااخلصوا في هالمشاعر لو قوَو
لكن انا كلّي وفا قلبي وأعرفه لاشرى=حفظ المشاعر مهنتي مثلي كثير(ن) ماروَو
واللي شرب شفّة غلا صعبه يحدد ماطرى=لنّ الحبايب بِعدهم جمرة غضى فيها كوَو
إلا الفراق اليا حصل ينبت حزن في هالثرى=يبدا حنين(ن) صابهم لاارقابهم عمداً لوَو
لكن انا عندي سؤال ويبتدي ياهل ترى ؟=لازلت انا في داخلك والا كما ناس(ن) ثوَو ؟[/poem].
.
.
احتراماتي

 

[غنج نجد]

الفيلسوف الشاعر

سلطان الدوسري


كما انت / الشعر مزروع بين اناملك الفاخره
وصباحي اجمـل بمعانقة هذا الدرس الشاهق ..

صح الله روحك حتى تعانـق السحاب
ومدائن ورد , ود لقلبك الناصع

اختك

غنج نجد

 

[هيثم التميمي]

.
.








لذيذه مِنك ياسلطان



قافيه جميله جداً / أعجبتني






غيّ المحبّه لابتدا كلٍّ يعرف اللي جَرَى
000 والعاشقين اليا بدَو يظهر عليهم مانِوَوْا


.
.



صح بوحِك مَدد




,,



احترامي

 

[بنت وايل]

سلطان الدوسري



لا يكتب مثل هذا النص الا فطحل متمكن





نص ادهشني كثيرا


واعجبني



صح احساسك وفكرك اخي الكريم ..

 

[نسرين الأحمد]

راااااائع جداً
عن جد ابدعت ..

الرائع سلطان الشعر
صح لسانك
على هالرائعة
وتقبل احترامي

 

[ميــرال]

سلطان الدوسري

فيلسوف فعلاً ومبدع

فكر يستحق المتابعه لنتعلم منه الكثير

شكراً لوجودك النور

 

[عبدالحميد بن ناحي]

بذخ شعري
لعلنا نسمي هذا النص

لكتابته من أجل شي معين

سلطان افتقدتك كثيراً ياصديقي العزيز

شكراً على هذا البذخ

 

[عبدالعزيز رشيد]

هل يكفي بأن نقول: أن القافية ككفّين مفتوحتنين بـ رحابة لـ تستقبل أعذب المشاعر الفيّاضة من الحال
غزير الشعور هنا وفائضٌ تعبيرك
إمتلأ المكان بالهوى وتمتمات العشّاق
الجميل :سلطان الدوسري
لـ روحك كلّ الودّ