هنـا ... احداثــ غربـتي والسفـر ...!

[غنج نجد]

الأحد 5 / 8/ 2007

السفر / الى ............


كالعاده التي جرت في كل سنه ... تحضير .. فوضى .. اسواق .. ارتباك بالوقت ..
فرح لتغيير الروتين والملل .. انطلاقه نحو العالم بحريه وكأننا مكبلين .. واسرى
برغم الحريه التي نملكها في بيوتنا .. حيث راحة البال .. والهدوء .. ولكن .....!!

الوجهه /

الى احد البلدان ! الجميـــــله والتي لا يشبه الرياض بمرتبة الغلا
في قلبي سواها حيث اشعر وكأنني بالرياض .. اعرفها كما اعرف الرياض .. اسواقها
شوارعها .. كل زاويه جميله فيها .. حدائقها التي ياما شهدت ولادة بعض القصائد لي .. وخربشاتي
على كراسي الهـااااايــــ .............يا لها من حبــ ... تلك المدينــه بقلبي .. احبها كالرياض ..
ولكن ما يفرقها عن الرياض ... جوها الضبابي والممطر .. دائما .. وآآآه ما ارق الرياض<< ايه هين ..
في كل سنه كانت الأيام بطيئه جدا كالسلحفاه .. حتى يأتي هذا اليوم .. يوم السفر .. كنت اترقب كل ثواني الأيـام
خلال عام كامل .. حتى يأتي هذا اليــــــوم ...!!

أما هذه السنه ...
فالأيام متلاحقه .. سريعه .. تلهث .. كأنفاس الرياضيين .. تجري بسرعه كالرياح ..
غريبه .. لا اريــــــد هذا اليوم يــأتي بهذه السرعه .. لاااا اريــــــــد السفر .. سأكون وحدي ...

ارى علامات تعجب واستغراب على محيــا من يقرأ مساحتي ..........!!
لا تستغربوا .. سوف تقرأوا لماذا هذه السنه لا اريــــــد السفر !!!...

قبل قليل كنت اقرأ لشاعر الحب نزار قباني هذه الكلمات المميته نحو السفر والغربه ....

(( قررت يا وطني اغتيالك بالسفر ..
وحجزت تذكرتي .. وودعت السنابل .. والجداول .. والشجر ..
وأخذت في جيبي تصاورير الحقول ..
واخذت امضــاء القمر ..
وأخذت وجه حبيبتي .. وأخذت رائحة المطر ..
قلبي عليك .. وانت ياوطني .. تناااام على حجر ...!! ))

يااااااا ه .. مااااا اجملك نزار ... قباني ...

وهنا .. الغنج تقول /

ألا ويل قلبي كان انا اليوم رحت بعيد
تركت الديار .. ونور عيني يتحراني

انا اشتقت قبل ابعد وشوقي بلا تحديد
لخلن خذا قلبي .. او الشوق لاوطاني

جسد فوق هالكرسي .. وعقلي هنــاك ... يرجع للخلف حيث العشق .. والوطن ..

من هنـــــــــا بدأت الحروف تنخر برأسي .. تريد النزول على الورق ... ضاقت
كما هي انا الآن ... حيث ضقت ذرعا بهذا المكان المخنوق .. كرسي الطائره ...

أقبع بالمقعد الأيسر .. من الدرجة (......) وتشير الساعه الى تمام الثالثه الأ ربع فجرا
وجميع من على متن هذه الطائره يغطون في نوم عميق << عزالله ما بقلوبهم اللي بقلبي
ما عدا تحركات بعض مضيفات الطائره بين حين وآخر ...

يـاااااااا ألهي ....
اشتقت ... قبل ان اكمل من ساعات الطيران السبع سوى ساعه واحده .. !!
كم اشتاق لكم .... !!

اشـتـقـت .. للممـلكه مع ريحـة احـبــابي
اشــتـقـت انـا للريـاض .. وغـبرة تـرابـه

ريحة ثرى المملكه .. هي ريحة اطـيــابي
ريح الحبايب .. غلاي .. وروحي ادرى بــه

×××××××

البعد يذبـــح واصدق الشوق دنـدن
في طبــلة الراس وتشرب عروقي

اشتقت لك .. اكثر من غيـوم لنــدن
ســيل ومطر والغيــم غطى خفوقي

خضر العروق اللي من العشق يندن
شـربن غلاك .. وحارب النـوم موقي

××××××

وتدرون ليه .. انا السفر ما ابيــــــه ؟
لنٌي احبـــــه حيــل .. روح الفجر .. والليـــل ..
أبــدا نهاري فيــــه .. وانهي كلامي فيــه .
واتنفس اشعاره ..
وابــدا النفس .. بـأيديــه ..
واغفو على انهاره ..
هو راحتي والويــــل ..
نعم ........
احبــــــه حيــــــل ..
من شان لاااا أبعد ...
انا السفر ما ابيـــــــه ..

***

أجلس بهذا المقعد وكأن المكان يخنقني .. ياااا له من كئيب ذلك الرجل العابس امامي
يرمقني بنظرات غريبه من بين المقعد الأمامي .. ماذا افعل ....؟ نظراته غريبه جدا ...!!
ما علينا .. ارجع لكتاباتي ...

***

تدرون ليه .. انا السفر ما ابيــــــه .......؟
العام .. وقبل العام .. واعوام من عمري ..
كانت بلاااا هدف ..
بلااا هويــه ..
تلهث بي وتجري ..
بريـــقها .. يبهر ..
وانوارها .. تجهر ..
كلوحةٍ فضيــه ..
احساسها .. معدوم ..
وقلبي انا .. محروم ..
عايش على الأوهام ..
العام .. وقبل العام ..
واعوام من عمري .. مرت ولااا ادري ..
احلام .. في .. اوهام .. في .. احلام ..
وتدرون ليـــه ..؟
أنــا السفر ما ابيـــــــه .......؟

*************
ما كنت افرًق بين اوقاتي ..
الظهر ..
يسخر من ضيــا فجري ..
والصبــح ..
يسبق يومي لعصري ..
وانعدمت الأحلام ..
حتى الكلام ..
يموت قبل ما يولد ..
وانا ادفنــه .. بـأيدي ..
قبره وسط صدري ..
ما بــه .. احد يسمع ..
اروووح بعيـــد .. عن ذاتي ..
وارد .. انا .. وارجع ..
الملم شتاتي ..
بكل السنين .. حطام ..
وارمي شتات العمر .. والأوهام ..
ما بين الروح .. والدفتر ..
على صدى الأوهام ..
العام .. وقبل العام .. واعوام من عمري ..
مرت .. ولا ادري ..

*******
وتدرون ليــــــه ...؟
انا السفر ما ابيــــــــه ........؟
حكايتي .. رْوايـــه
من فصلها الأول ..
الين .. تاصلكم .. من روحي .. وصدقي ..
حكايتي .. كله .. آخرها .. ابــْــدايـــه
وهيــٌــا معي نرجــع ..
للعام .. وقبــل العام ..
كنت اقبع هنيــا .. قبل سنــه وشوي ..
بالمقعد الخلفي ..
وكنت اشتكي ظرفي ..
لأوراقي .. ويـٌـا الضيْ ..
نور الفجر .. بــادي ..
هذا القلم بِـيــديْ .. بترنيمتــه شــادي ..
والكل .. في وادي ..
وانا .. وحلمي .. والقلم .. واوراقي ..
فــ / وادي ..
بالمقعد الخلفي ..

***
همست في اذن القلم ..
تعال .. ابرسم لي حـــلم ..
واسامر حروفي .. من ضيقتي وخوفي ..
ورسمت انا شــكله ..
شاعر .. ما يشبهه غيره ..
مر .. بحروفي نــور ..
ثارت بروحي .. نشوة الحبــ
وتـثــور .. احساس طاغي وبــشــعور ..!
ورسمت انا .. شكله ..
شاعر .. ما يشبهه غيره ..
ورميت .. بايدينه ( رسم الغياب )
ومن هنا .. كانت بدايه للعذاب ..
احلا عذاب ..
رسم الغياب .............

(( قصيدة رسم الغياب لي )) <<<< يااااه كم احب تلك القصيدهـ

****
وانولد .. لي قلب ..
ما قد فــ/حياتــــه .. حبـــ ..
وسلمته بـأيــده ..
شاعر ..
ما يشبهه غيره
ومن يومها ...
كل من قروا شعري ..
صابتهم الحيره ..
منهو يبي يطول السحاب ...؟
ويسكن معه .. وسط اللباب ..
وتصيبهم غيره ..
وتقتلهم الغـــــيره ..
ومن هنا ..
كانت بداية عشق .. اشبه بالسراب ..
وما طالني غيره ..
سلمت له قلبي ..
شاعر ..
مايشبهه غيره ..
ورميت بحروفي .. بيديــه ..
وقلبي .. وانا .. وكلي عليـــــه ..
واعلنت انا .. حبي ..
سردتها .. سيره .. بقصيدتي .
رسم الغياب ..

؛

؛

يتبــع بقيــة خرابيط تلك الرحله ربما غداً ...
لا .. اعلم

غنج نجد

 

[غنج نجد]

وعوده الى باقي تلك الرحــله ......
ساعاتها طويـــله جدا .. تحملوني ..

×××××



يااااا الهي .. فوضى عارمه .. اصوات وتحركات غريبه بكابينة الطائره ..
ماذا دهى هؤلاء المسافرين ..........؟
اختطاف .........؟
او ماذا يا ترى .........؟

لحظات وارجع للكتابه ............!!

؛

؛

ورميت انا الدفتر .. بشوف وش فيهم .......؟
وكأنهم .. بعنبر ... جنون .. ؟
او مدري أشــ / فيهم ...؟
أهـاااااااا .......!!
هذا العشا جابوه ... هههه
بالطاوله .. جرٌوووه ..
حسبي عليهم .. كنهم بــ /عـنبر ..
رميت انا الدفتر ..
وانقطعت افكاري .. وانا اكتب اشعاري ..
يلعن ابو الجوع ......
كافر ..
واصواتهم .. تعلا ...
ما بــه احد صابر ...؟
وحب الحياه .. فوق السحاب ..
هم بعد .. كافر ..
وانا .. وحبي .. والقلم .. ويا الحروف ..
ما بــه احد .. صابر ..
ورميت .. انا الدفتر ..
عند الأكل .. مابــه احد .. يصبر ..
ولملمت اوراقي ..
والحيره .. بأحداقي ..
الجوع ... ذابحهم
وانـا .. بعد معهم ..
والكل .. متبعثر
وحب الحياه ..فوق السحاب ..
مابــه احد صابر ..
الجوع .. يلعن ابو الجوع
كافر.........!!

***

صمت ...........!!

ما عدا .. اصوات قرقعة اقداح الكوفي .. والشاي .. و ......... والأكل ..
وما زال ذلك الرجل الكئيب .. يرسل نظراته المجنونه ما بين الكراسي ...
على اضاءة مقعدي .. حيث الأنوار اطفئت .. واختفت بلحظات فوضاوية الأكل .. والجوع
واصوات اضراسهم المجنونه .. وكأنهم لأول مره يشموا رائحة الأكل ..
(( الخطوط ليست خطوط السعوديه ياااا حبي لهم ))
وثلاث ارباع من على متن هذه الطائره انجليز بريطانيون .. وهنووووود ...
ومن كثر الهنووووود .. احس وكأنني سـأذهب الى نيودلهي ....!!

****

واعود لقصيدتي ... لخرابيطي ... (( واخربط حيـــــــــل ))

تذكر ....؟

اخربط حيل ..
عارضتني فيها ..
المفرده .. اشـــ / فيها ؟
أنــا .. احبــك حيـــل
وعدتك ..
فــ /يــوم .. بهديــك من شعري
والمك بصدري
و ........ اخربطك بالحيــــــل .....!
تعرف حبيبي ..
انا اعشقك بالحيـــل ..
لنـك .. قمر هالليـــــــل ..
وكلكـ ضيــا بعمري ..
نهاري .. انت .. جنوني انت ..
تبغى الدليـــــل ...؟
شفني ..
عجزت اركز فيك ..
وخربطت افكاري ..
واخربطكـ .. بالحيــــل
لـنـٌك .. رجل هالجيـــــل ..

***
لحظه ..
حبيبي وارجع لقلبك ..

((ابغى اطلب فنجان قهوه ..))

واحكي لقلبــك ..
اصحصح ..
واحكي لحبــك ..
واذوب فيـــــه كالسكر ..
تدري حياتي ..؟
انت .. لي طعم الحياه ..
وانت لي سكر ..
ان مرني طيفك ..
ثملت بــك .. واسْكر
واخربطك بالحيــل ..
لين النجوم اللي قريبه لشــوفي ..
ترقص على حروفي ..
وتشعل شموع الحب ..
واجمعها بكفوفي ..
وانثرها في دربــك .. قصايد .. بحبــك ..
.. ثم تثمل وتسكر ..
وتذوب كالسكر ..
واخربطك بالحيل ..
جنون .. وما افكر ..

***
وش عاد لو قالوا جنون ...........؟
ايه .. اعشقك بجنون ..
وارسم لك انواع الحروف الوان ..
بلوحة جنون .. واحلا فنون ..
ارسمها ..
احلا من لوحات ( فان كوخ ) ..
واتحدى الظنون ..
وكل الحكي .. وكل الكلام ..
واقول .. ايه احبه .. واعشقه ..
والقلب .. به مفتون ..
وجنوني .. ماله حد .. وبدون ما افكر
اخربطك بالحيــــــل
ونذوب كالسكر ..
تثمل .. معي ..
وتسكر ..

***
وش عاد لو قالوا كلام ............؟
ايــه .. اعشقك بهيام ..
وازرع لك الأحلام .. ورد .. وزهور .. وياسمين
وتضحك لك الأيــام ..
وتتراقص الأقلام ..
على نغم .. حرفك .. لا عانقه حرفي ..
وان شفت بعيونك عتاب ..
اغض انا طرفي ..
ونذوب كالسكر .. بدون ما نفكر ..
بـأحلا غرام اثنين ..
صدق المشاعر فيه ..
اسطورة الأيـــــام ..
وش عاد لو قالوا كلام .....؟
جنوني ماله حد .. وبدون ما افكر ..
اذوب .. كالسكر ..
واخربطك بالحيـــــل ..

***
وش عاد لو قالوا كلام ........؟
ايــــــه ارسمك غيمــه ..
لون انعكاس الشمس .. باطرافها يغفو
خيوطها .. ترقص .. على وتر قلبك ..
ويعانقه حرفي .. وان لامسه .. بالهمس
تمطر لهم ابيات ..
والشعر من ديمــــــه ..
ابرسمك .. غيمــه..
هذا حبيب الروح ..
ما يشبهه غيره .. ولا تصيبكم غيره ..
لنــٌــه رجـل هالجيـــــــل ..
عاقل .. ثائر .. حكيم ..
واتحدى فيــه .. الكل ..
قولوا .. اخربط حيـــل ..
ولا تصيبكم غيره ..
لنــه .. رجل .. هالجيــــــــل ...

****

ولي عوده الى ما تبقى من رحلتي الى هنـ......................>>>>>>>> ــاك

غنج نجد

 

[غنج نجد]

سـلااااااااام

وهنـا تكملة احداثــ رحلتي الكئيبــه وما حدثــ على متن الطائره << خير ؟
؛؛؛؛؛؛؛

وما العن هذه الرحله .. طالت .. وما زال هذا الأرعن يسرق النظرات
بين لحظة واخرى ..
هل لأنه الكرسي الوحيد المضاء هنا ...؟
ام هو مستغرب من بعثرة الأوراق على طاولتي الصغيره ...؟
او انه ياترى مستغرب لماذا من ركبت الطائره وانا (( اخربط حيل )) ............؟


اهاااااااا ...

اكتشفت السبب بنظرات هذا الدب الأرعن ..
الرجل ليس معنا والعياذ بالله ............
اظنكم فهمتوني ....
(( وياااااااا حبي لكم يالخطوط السعوديه وما اجملك يا ديرتي وتطبيقات الحلال والحرام فيها ))

فااااصل ...

واواااااصــل

بهذا الفاصل القصير .. جلست اتصفح واقرأ في كتاب
اعشقه كثيرا .. (( اسرار القصائد الممنوعه لشاعر الحب والحريه / نزاز قباني ))
قصائد خلف الأسوار / محمد رضوان ..

عوده //

اضنني .. ســأجتاز حواجز الصمت .. واعلن فوضوية قلمي ..
احيانا اصل لجنون نزار قباني .. ثم اتراجع للخلف .. خوفا من أهبــل آخر يفهمني
بعكس اتجاه .. ما اريــد الأفصاح عنــه ....!!
ليتني امتلك جرأة نزار ...
وليتهم يمتلكون عقلانيـــــــة (( حبي )) ...
لكانت الحروف .. تتغير من حال الى حال ... واجزم انها سوف تتبدل .. (( وتتهندم ))
يااااااااه
(( تتهندم )) تذكرت هذه الكلمه التي ما ان تهندمت الأزره بكيبوردي .. حتى اعلنت
اعتزالها .. وتذمرها من السن سليطه على حروفي ....
مااااااا علينا ...
شكلي شطحت مدري وين ....!!

سـأطلب فنجان شاي واعود .. لمراجعة افكاري .. ولملمت شتاتي ..
يااااا الله .. ما اتفه طموحاتنا ... وما اغبى حواراتنا ونقاشاتنا .. حتى وان كانت على كلمه ووزن بيت
او حوار ادبي ... نصل لحد اللا معقول .. بلغة الحوار .. فنسب وننغز .. ونتهرب .. و .. و ..
الحاصل ..
انا كتبت هذا الكلام بسبب نقاش حاد دار بين راكبين امامي ..
(( انجليز )) ومدري وش يقولون ..كلمه افهمها وعشرين تطير بحلوقهم يبلعون الحكي مدري وش السالفه
لكن محور الحديث والنقاش الناري بينهم على جمله في كتاب يشبه القاموس
حجمه صغير ولكنه يحتوي آلالف الصفحات .. ولا اعلم ما اسم الكتاب وما ذا يحتوي ..
النقاش بينهم كاد ان يصل كابينة القياده .. بدأ الركاب من حولهم برفع رؤوسهم .. من تحت اغطية البطانيات
الصغيره .. ليشاهدوا ماذا حل بهم .. نقاش على جمله واحده ربما لا تتعدى سطر ..
يا ترى هل الجمله اكتشاف لقنبله ذريه اخرى .......؟ (( الله يستر ))وكفانا الله شر من به شر ...
ياااااااا حبي لنا ....
نقاشاتنا واحتدامنا واصواتنا تتعالى عندما يكون شطر بيت مكسور .. شاعر المليون
البحر والأوزان .. قصيدة التحدي ومدري وشي ذي بعد ومتى طلعت ...
ستار اكاديمي ( العجز ) ومنهي البنت السنعه اللي ممكن تكون حرمة بيت صح وتسمع كلام ام زوجها ...!!
ابدا ما نتعدى حدودنا بنقاشاتنا .. ولو علا الصوت شوي كل الأقمار الصناعيه تعطل ويقص لسان اللي يطول لسانه ...

عوده //


ابشركم لقوا حل لمشكلتهم .. وما اسرع الأبتسامه العريضه على محيا كل واحد منهم ...
قبل لحظات توقعت تاصلني الله يعزكم جزمه والا حزام الطائره يفكونه ويتلاطمون فيه
والآن بلحظات وكأن شيئا لم يكن ..... يالله ..
كم لنقاشهم من فائده بينهم .. وما ارقى تعاملهم فيما بينهم ... لااااااااا تزاعلوا .. ولاااااا برطموا .... ولا رفعوا خششهم على بعض
واشوف المضيفه معها فنجانين من القهوه لهم ... روٌقوا شكلهم الشهب والله يستر من تخطيطاتهم الجهنميه ...

*****

وارد لخرابيطي ...
اخربط حيــــــل ....
وغاب القمر خلف السحاب ..
واقتربت الساعه ..
تشير الى السادسه و نـور الفجر يظهر ..
وما اجملك ..
حتى لو انك ترمي بحظني العذاب ..
انت السحاب ..
بصـافحـك ..
وارمي بحضنك .. قلبـــ
لغير قلبـكـ .. ما يحبــ
السحابـــ ..
هذا .. انت .. وهذا طهركـ
هاااااااااك روحي .. واللبابــ ..
وانت .. يا نـور السحابــ
اســألك بالله ..
لااا تجرح احساسه
قله غنــج .. تفداك
وانته .. هله .. وناسه
انت الغلا .. وانت الوفا .. وانت الدفا ..
وتاااااااجــه
.. بعد .. راااااســـــــه ...
وحتى ارجع لقلبــــــه ..!!!

؛

؛

؛

؛
اشهدوا لي .. بالجنون ..
نعم .........!!
أحبــــــه .. حيـــــــل ..

****
ســوف اتوقف الى هنا .. واقضي ما تبقى من وقت الرحله بالتأمل
بهذه المناظر العجيبه والجميله للسحب المتراكمه على بداية شروق الشمس ..
وباقي من الرحله قرابة الساعه ونصف حتى نصل مطار (( .هـيــثـ.......... )) بـــ..........

والى اللقاء .. برحلة العوده ان شاء الله ...
اتمنى ان لاااااا تشرهوا على خرابيطي .. ولكنها فضفضات لقلبــــه ..
وقلوبـــــكم النقيــــه على متن الطائره بتلك الرحله
والى رحلة اخرى نلتقي

؛؛

؛؛

غنج نجد

 

[غنج نجد]

رحلة العوده كانت يوم السبت الموافق 1 /9 / 2007

20 / 8 / 1428 هـ

؛

؛

مرت الأيام بطيئـه حتى يـأتي هذا اليوم
سبحان الله .. كنت ابكي عندما يتبقى من الأجازه اسبوع
وهالمره أبكي متلهـفه للرجوع الى الرياض ....!!

؛
؛

مرت الايام .. اربع اسابيع
وقلمي يسكن بين اناملي .. بكل مكان اجلس فيه هناكـ
بكل زاويه جلست فيها بالأوتيل شهدت خرابيطي ...
ابغى ارجع ..

مرت الأيام ..
وانا .. اناجي الغرام ..
قلمي .. متلهف لبث روايتـــه لبقية الأقلام ..
وبكل لحظات وايام سفري كنت استعرض الأحلام ..


بطريق العوده
كان الشوق اكبر
والعشق .. يكبر ..
والحبــ .. هو الملك المسيطـر ...



مليتوا من كثر الخرابيط ... صح ؟

ســأعود قريبـا

غنج

 

[غنج نجد]

وبرحلة العوده كان مولد قصيــــده

؛

؛


تناولت باطرافي سحاب السما من ضيق
هــلت مزون البعد دمع الســـما الزرقـــا


واكتملت على متن الطائره ..





....

 

[غنج نجد]

العوده فجر الأربعاء 3 / 9 / 2007

كما عادتنا يالخليجين وكأننا نفتقد للأسواق .. بكل زاويــه هناك لي مشهد .. او بالأصح
بكل محل بيع لي بعثره وتجميــع ..
وكانت شنط السفر في القدوم 8 شنط <<< البناتــ يعرفوا عشان شنو تضف كل خلاقيننا ههههه
وعند العوده وبقدرة قادر اصبحتـــ الثمان 12 شنطه .. يا ساتر كن ما عندنا اسواق
بأختصار راح احكي قصتي مع المطار وما ادراك مالمطار بعد تفجيرات ( الاندر قراون ) قبل سنتين
ومحاولة تفجير الطائرات قبل سنه .. وغنجوه ما تتوبـــ عن تجميع الخرابيط وزيادة العفش ..
سبحان الله هناك يخافون من ظل المسلم بالذاتــ المتجبات يدفعون ثمن الحجابــ بالمطار بالتدقيق والتفتيش وحتى الله يعزكم نعالنا يرمونها بسير تفتيش الشنط
ويحوسون اغراضهن وبعثرة ما في الشنط قدام الله وخلقه هههه
الشنط لها وزن معين بديرتهم واختكم بالله دائما تنسى ذالسالفه وتصك الشنطه حتى تلفظ انفاسها
من الزحمه فيها .. وما يرحمونا يوزنون الشنط قبل ان تدخل السير واذا زادت لو كيلو واحد يفتحونها
ويرمون الكيلو واغراضك وانت تصرف وين تحط هاللي رموه ...
<<< اختكم هالمره طلعت ذكيه عشان فرحانه بالعوده وجابت معاها شنطه فاضيه للزياده وطبعا عشان تسلم من لسان
( هتلر << زوجها ) اللي يغسلها فيه غسل قبل تركب الطائره ..
انا فرحانه كثير بالعوده ومب فاضيه ازعل فلو قطعوني هناك راح ابتسم لأني راجعه للأرض
للعشق .. للحبــ .. لقلب .. الرياض ..
وركبنا الطائره ونحن منهكين من الجوازات والشنط وحتى السوق الحره ما تسلم منا وكأننا لم نشتري شي .. وحنا شهر كامل قضينا اغلبه بالأسواق هناك ..
على طاري السوق الحره .. تذكرت سالفة طفايات السجاير بالرغم انه ما عندنا احد يدخن ولكن اعجبتني عليها رسومات معالم الديره وكيوت مره شكلها
ومن اللقافه اخذت منها وقفشني هتلر وانا احاسب <<< ما راح اقول شنو صار عشان برستيجي قدامكم يخرب لو بقول شنو صار ..

؛

؛

ركبنا الطائره منهكين تقريبا الساعه 7 الصباح
الكل تعبان وسهران وشكل الركاب كل واحد فيهم عاض مخدته ويبغى يرقد ..

؛

؛

غنــج بالمقعد الثاني من الدرجــه ........ على اليمين عكس مقعد الذهاب
وعندما اخذت راحتي بالمقعد بـدأت المفردات تتزاحم بذاكرتي .. والذكرياتـــ تسامرني
هل يا ترى لها اهميه عودتي ......؟
اسـأله كثيره تزدحم برأسي .. تنخر صدري .. لماذا السفر ؟
لماذا البعد ؟ الفراقـــ ...؟ وبعدين ؟

؛
؛

وبـدأت فكرة القصيـــــده ومفرداتها تتساقط كحبات المطر على مذكرتي ..
وبدأ المخاض يعتصرني لمولد قصيـــــده فوق السحابـــ .. كما هي قصيدة
( سر الغيابـــ ) ... جاءت ابياتها تتوالى والكل يغط في نوم عميــــق ما عدا ( غنجوه )
وقلمها ومفكرتها .. والهيدفون بـأذني استمع وقتها لأغنية ( بنتــ النور لمحمد عبده )

اليكم جزء مما كتبتـــ /


تناولت باطرافي سحاب السما من ضــيـق
هــلت مزون البعـد دمع الســـما الزرقـــا

ألا ويــل قلبي هـالسـفـر مهـنـتـه تـفـريــق
قـلوب ن ولايـف .. خـافـت البعـد والفـرقى

ملكـت السـحاب .. ودنـيـتي كـلها تـلفـيـــق
رغــم كل ما نملك .. نعيش بـوهـم غرقــا


وقبل ان تكتمل القصيـــده ..
قرقعت عربات الأكل واستنهاض الركابـــ من تحت الأغطيــه استعداداً للهجوم على اطباق
الوجبات تقطع حبــل افكاري ..
يلعن ابو الجوع كافر <<< تذكرت رحلة القدوم



؛

؛

رحلة العوده سعيــده جدا .. حتى الكتابه لا تستهويني بهذا المقعد
قضيت اغلبــ الوقتـــ بالتـأمل بالسحابـــ ..
وتكملة القصيـــده ..
وعند الساعه 6 والنصف المغربـــ اعلن الكابتن الهبوط في مطار البحرين ..
والآن ســألملم اوراقي وكتبي واستعد للهبوط بسلام ومن البحرين مواصلة
الرحله الى الرياض .. لأننا سنهبط في البحرين ترانزيتــ لوقت وجيز فقط ..

احبكم كثير
وابعاد ادبيــــه ترافقني الرحله
انتم بالبال والخاطر

غنج نجد

3 / 9 / 2007

 

[غنج نجد]

الجمعه الموافـــــق / 14 /12 / 2007

الرحـــــله

ستكون بـأذن الله الساعه السابعه بعد العشاء
الجهـه الى ...........
الله يستر .. انـفجاراتــــ .. وكان الحكي صدقـــ يقولوا فيه هزه ارضيـــه بعد

المهم

ان رديتــــ لقلوبكم .. فســأكون محمــله بقبائــل شوق لكل آل ابعاد
وان لم اعــود .. لا سمح الله فســـااااااااااااااااااااامحوني
وحللوني ...



قلبي ونبضــه لديكم الى ان اعود


غنج نجد

 

[غنج نجد]

الرحـله جميـــله وقصــيره ساعتين فقط طيران
يعني حوســة ســوسو وافلام الكرتون ما خلاني اكتب شي ..

فقط الرحــله قضيتها بقراءة بعضــا من كتابـــ لنزار قبــاني / اروع ما كتب شهريار
هذا الزمان / للكاتب محمد رضوان

وبس

حتى العوده لم افتــح مذكرتي للكتابـــــه



رحــلة العـــوده كنت تعبانــه كثــــير
وقبل العوده / عملت عمليــــه

والحمد لله ان عاود قلبي للنبض واحبـابــه انتـم

والى رحله اخرى التقي مساحتي هذه قريبـــاً

<<< خير لاتكوني بن بطوطه بس