تباشير الفرح

[فرج البلاز]

[poem=font="simplified arabic,5,firebrick,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]


هلت تباشير الفرح ليلة العيد = وسقت التهاني بالبيوت الجزيله
اسمى التهاني سقتها لباشة الغيد = اصدق مشاعر من خليل لخليله
للّي غلاها داخل القلب تحديد = سبة عناي وعلتي كل ليله
ياما انتظرته بين حسره وتنهيد=عيني اسليها ونفسي عليله
الغاده اللّي وصفها غير يازيد = ام العيون الناعسات الضليله
اللّي غيابه يشعل النار ويزيد = وسط الحنايا مثل جمر المليله
من لوعة الفرقا وكثر التناهيد = هز الكيان وخافقي عزتي له
ليا اقبلت مثل المزون المراجيد = تسقى خفوقي والضلوع النحيله
لعيونها نبض القصايد اناشيد = تروي حكايات الليال الجميله
اكتب لها شوقي وصدقي بتأكيد = بالغايه اللّي كل بارق تخيله
للشامخه بنت الرجال الصناديد = اللّي غلاها ما ادور بديله
واجمل هديه تحتوي فرحة العيد = فيها التهاني والمعاني النبيله[/poem]

 

[فهد الغبين]

الغالي فرج



صح السانك ولاهنت يالجزل


دمت بود

 

[عبدالإله المالك]

الشاعر/ فرج الدهمشي


وعساك من عوّاده وعيدك مبارك وكل عام ٍ وأنتم بخير ..

قصيدة مترابطة خفيفة لها وقع على النفس بالغ الرقة كفرحة العيد..
وبها استحضار لترقب المحبوب ورؤياه رؤية هلال العيد .. مما يعمق النص ويخفف من قيوده التركيبية الشعرية ..

وكعادتنا مع فرج - ماشاء الله عليه- لديه مقدرة خاصة في الكتابة الشعرية ..

 

[فرج البلاز]

المشاركة الأصلية كتبت بواسطة فهد الغبين

الغالي فرج



صح السانك ولاهنت يالجزل


دمت بود

الشاعر الرائع فهد الغبيين

صح بدنك تسلم وتدوم ولاهنت

تحيتي وتقديري

 

[بدرية البدري]

فرج ..

لقلبك الأمنيات المزهرة ..

كل عام وانت بخير ..

 

[فرج البلاز]

الاستاذ الشاعر القدير عبد الأله المالك

صح بدنك تسلم ومرورك شرف ونوماس لأخوك
الف شكر لك على متابعتك وانصافك لا حرمنا من هذا الحضور الجميل
وشهاده اعتز بها

مودتي

 

[فرج البلاز]

الشاعره المبدعه بدريه البدري

صح بدنك وكل عام وانتي بخير وصحه وسلامه

والشكر موصول لك على مرورك العطر واشراقتك في متصفحي المتواضع

لا عدمناك

دمتي بخير

 

[فرج البلاز]